សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់ពីការសាកល្បងឲ្យមានការចរាចរណ៍យ៉ាងទូលាយរបស់ប្រជាពលរដ្ឋក្នុងអំឡុងពេលនៃពិធីបុណ្យភ្ជំបិណ្ឌកន្លងទៅនេះជាលទ្ធផលឃើញថាអត្រានៃការឆ្លងជំងឺកូវីដ១៩ មិនបានហក់ឡើងនោះទេ ផ្ទុយទៅវិញបែរជាមានការថយចុះនៃចំនួនអ្នកឆ្លង ព្រមទាំងមានចំនួនអ្នកស្លាប់ថេរផងដែរ ដែលទាំងនេះអាចជាចំណុចសាកល្បងដ៏ធំមួយ ដើម្បីឈានទៅដល់ការបើកប្រទេសឡើងវិញ។
សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជានាព្រឹកថ្ងៃទី១៩ ខែតុលា ឆ្នាំ២០២១នេះ បានថ្លែងយ៉ាងដូច្នេះថា ៖
«យើងចាប់ផ្ដើមបើកផ្នែកសេវាបន្តទៀត ដើម្បីឈានទៅបើកប្រទេសរបស់យើងឡើងវិញលើគ្រប់វិស័យ សាលារៀនក៏ចាំបាច់ត្រូវបើកឡើងវិញ ដើម្បីឲ្យកូនសិស្ស កូនចៅរបស់យើងបានចូលរៀន!»
សម្ដេចបានបន្តថា ៖
«នេះជាវិធីល្អដែលយើងត្រូវមានការរៀនរស់នៅជាមួយកូវីដ ព្រោះថាការបិទក៏នៅតែមានការឆ្លង ការបើកក៏នៅតែមានការឆ្លង ក៏ប៉ុន្តែដោយសារតែយើងបានចាក់វ៉ាក់សាំងចំនួន២ដូស និងបន្ថែមទៅសោយដូសទី៣ ដែលយើងកំពុងមានជាង១០លានដូសនៅក្នុងឃ្លាំង»
លើសពីនេះសម្ដេចក៏បានអំពាវនាវទៅកាន់ប្រជាពលរដ្ឋនូវចំណុចមួយចំនួនផងដែរ ដែលចំណុចទាំងនោះរួមមានជាអាទិ៍ ចៀសវាងការនាំអ្នកជំងឺដែលមិនមានការចាំបាច់នៅតាមបណ្តាខេត្តមកព្យាបាលនៅទីក្រុងភ្នំពេញ ដែលអាចជាហានិភ័យដល់អ្នកជំងឺ និងត្រូវផ្ដល់ជំនឿដល់មន្ទីរពេទ្យថ្នាក់ខេត្ត។
បន្ទាប់ពីនេះ គឺការផ្លាស់ប្ដូរវិធីសាស្ត្រក្នុងការយកសំណាក ដោយមិនប្រើប្រាស់វិធីឃើញមួយចាប់មនុស្សមួយភូមិធ្វើសំណាកនោះទេ។ មានន័យថា អ្នកដែលមានរោគសញ្ញាត្រូវទទួលខុសត្រូវដោយខ្លួនឯង ដើម្បីមករកគ្រូពេទ្យសម្រាប់ការយកសំណាក។ នៅពេលដែលគ្រូពេទ្យរកឃើញ ត្រូវពិចារណាថាគួរយកមកមន្ទីរពេទ្យ ឬគួរផ្ដល់ថ្នាំសម្រាប់ការព្យាបាលនៅតាមផ្ទះ ហើយការព្យាបាលនៅតាមផ្ទះនេះ ក៏ត្រូវមានការចូលរួមពីអ្នកភូមិ ដើម្បីចៀសវាងកុំអោយអ្នកជំងឺនេះបាក់ទឹកចិត្ត។ ចំណុចចុងក្រោយ គឺប្រជាពលរដ្ឋត្រូវចាត់ទុកអ្នកដែលធ្លាប់មានជំងឺកូវីដ ហើយជាសះស្បើយនេះជាកម្លាំងដើម្បីការពារអ្នកដែលកើតកូវីដនៅពេលក្រោយទៅវិញ ដោយសារពួកគេមានអង់ទីករ (មានអង្គបដិបក្ខ) ដើម្បីប្រឆាំង។
គួរបញ្ជាក់ថា ភ្ញៀវទេសចរដែលចេញដើរកម្សាន្ដក្នុងអំឡុងពេលមួយសប្ដាហ៍នៃពិធីបុណ្យភ្ជំបិណ្ឌមានប្រមាណជាង ៩០ម៉ឺននាក់ ក្នុងនោះភ្ញៀវដែលដើរកម្សាន្ដក្នុងអំឡុងពេលភ្ជំបិណ្ឌ (រយៈពេល៣ថ្ងៃ) មានរហូតទៅដល់ប្រមាណជាង ៦៦ម៉ឺននាក់។ ជាលទ្ធផល ការបើកប្រទេសឡើងវិញនឹងក្លាយជាជំហានបន្ទាប់ក្នុងការជម្រុញឲ្យសេដ្ឋកិច្ចកម្ពុជាមានដំណើរការឡើងវិញ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
សិង្ហបុរី សង្ឃឹម អាមេរិក បន្ធូរបន្ថយភាពតានតឹងពាណិជ្ជកម្មលើផលិតផលឱសថ និងបន្ទះឈីប
ព្រឹត្តិការណ៍, អាជីវកម្មថ្មី និងនវានុវត្ត
• 28/04/2025
ប្រទេសសិង្ហបុរី កំពុងព្យាយាមក្នុងការចរចាជាមួយនឹងរដ្ឋាភិបាលទីក្រុងវ់ាស៊ិនតោនដើម្បីធ្វើការបន្ធួរបន្ថយទៅលើការតម្លើងពន្ធគយលើផលិតផលឱសថរបស់សិង្ហបុរី
ស្ថាបនា ម៉ូបាល ជំនាន់ថ្មីត្រូវបានដាក់ឱ្យដំណើរការជាផ្លូវការ ដើម្បីបំពេញកំណើនតម្រូវការប្រជាជនកម្ពុជា សម្រាប់សេវាធនាគារ ឌីជីថលដ៏ងាយស្រួល
ព្រឹត្តិការណ៍, អត្ថបទពាណិជ្ជកម្ម
• 28/04/2025
ស្ថាបនា ម៉ូបាល ជំនាន់ថ្មីត្រូវបានដាក់ឱ្យដំណើរការជាផ្លូវការ ដើម្បីបំពេញកំណើនតម្រូវការប្រជាជនកម្ពុជា សម្រាប់សេវាធនាគារ ឌីជីថលដ៏ងាយស្រួល
ផ្សារទំនើប NORO LANE ពិសេសលើសពីការលក់ទំនិញ
ព្រឹត្តិការណ៍, អត្ថបទពាណិជ្ជកម្ម
• 28/04/2025
ផ្សារទំនើប Noro Lane ដែលមានទីតាំងនៅសង្កាត់បឹងកេងកង ចំកណ្តាលបេះដូងទីក្រុងភ្នំពេញបានបើកដំណើរការជាផ្លូវការហើយកាលពីល្ងាចថ្ងៃទី២៦ ខែមេសា ឆ្នាំ២០២៥
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
រដ្ឋាភិបាល និងវិស័យឯកជន រួមគ្នាលើកកម្ពស់គុណភាព និងសុវត្ថិភាពផលិតផល ជំរុញការប្រកួតប្រជែង និងពង្រីកទីផ្សារ
ក្រសួងរៀបចំដែនដី បាន និងកំពុងឆ្លើយតបទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា និងទិសដៅគោលនយោបាយអាទិភាព
Account
Security
Favourite Content