វិស័យឯកជនគាំទ្ររដ្ឋាភិបាលលើការកំណត់មុខទំនិញសក្ដានុពលចំនួន ១០ មុខ

ភ្នំពេញ ៖ ផ្អែកលើការសិក្សាស្រាវជ្រាវរបស់ក្រុមការងារនៃក្រសួងពាណិជ្ជកម្ម កម្ពុជាបានកំណត់មុខទំនិញសក្ដានុពលចំនួន ១០មុខ ដែលត្រូវជំរុញផលិតកម្ម និងជំរុញការនាំចេញក្នុងកិច្ចព្រមព្រៀងពាណិជ្ជកម្មសេរី ។

មុខទំនិញសក្ដានុពលទាំង ១០មុខដែលត្រូវបានកំណត់រួមមានដូចជា ស្រូវ-អង្ករ ដំឡូងមី ចេក មៀនប៉ៃលិន ស្វាយ ស្វាយចន្ទី សាច់សត្វ ជ័រកៅស៊ូ ម្នាស់ និងម្រេច។ នេះបើផ្អែកតាមលទ្ធផលនៃកិច្ចពិភាក្សាជាមួយវិស័យឯកជនលើឯកសារយុទ្ធសាស្ត្រទាញយកអត្ថប្រយោជន៍ជាអតិបរមាពីការអនុវត្តកិច្ចព្រមព្រៀងពាណិជ្ជកម្មសេរី។

រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានឱ្យដឹងថា កម្ពុជាបានធ្វើសមាហរណកម្មសេដ្ឋកិច្ចរបស់ខ្លួនទៅក្នុងតំបន់ និងអន្តរជាតិជាបន្តបន្ទាប់ ដោយ បានសម្រេចជោគជ័យក្នុងការចរចាបង្កើតកិច្ចព្រមព្រៀងពាណិជ្ជកម្មសេរីទ្វេភាគីដំបូងបំផុតមួយ គឺកិច្ចព្រមព្រៀងពាណិជ្ជកម្មសេរី កម្ពុជា-ចិន កាលពីថ្ងៃទី១២ ខែតុលា ឆ្នាំ២០២០ និងកម្ពុជា-កូរ៉េ ហើយកម្ពុជាមានទិសដៅបន្តចរចា បង្កើតកិច្ចព្រមព្រៀងពាណិជ្ជកម្មសេរីទ្វេភាគីជាមួយប្រទេសមួយចំនួនទៀត ដូចជា៖ សហភាពសេដ្ឋកិច្ចអឺរ៉ុប-អាស៊ី សហព័ន្ធរុស្សី ចក្រភពអង់គ្លេស សហរដ្ឋអាមេរិក ជប៉ុន ម៉ុងហ្គោលី និងឥណ្ឌា បន្ថែមទៀត។

ចំពោះការដាក់កំណត់មុខទំនិញទាំង ១០មុខនេះ ត្រូវបានវិស័យឯកជន ដែលកំពុងតែរកស៊ីនាំចេញនៅក្នុងវិស័យកសិកម្មបានសម្ដែងការសារទរ និងគាំទ្រ ក្នុងនោះនឹងមានកិច្ចព្រមព្រៀងពាណិជ្ជកម្មសេរីចិន-កូរ៉េ និងអាសិប (ARCEP) ដែលនឹងត្រូវចូលជាធរមានក្នុងពេលដ៏ខ្លីខាងមុខ និងអាចទាញយកប្រយោជន៍ ជំរុញការនាំចេញបានកាន់តែច្រើនពីកិច្ចព្រមព្រៀងពាណិជ្ជកម្មសេរីទាំងនេះ។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានប្រាប់ AMS ថា ជាការពិត កម្ពុជាបានត្រៀមដាក់មុខទំនិញថ្មីផ្សេងៗទៀត ដូចជា ទុរេន ស្រការនាគ ត្រី និងសាច់ បក្សី (មាន់) និងទំនិញ​យុទ្ធសាស្ត្រផ្សេងទៀត ដែលកម្ពុជាអាចនាំចេញបាន។ តែការកំណត់ទំនិញសក្តានុពលចំនួន ១០​​​​​មុខ ដែលមានស្រាប់ គឺអាចផ្គត់ផ្គង់ឱ្យគេមិនទាន់មាននិរន្តភាព និងមិនទាន់បានទទួលភូតគាមអនាម័យឱ្យបានពេញលេញនៅឡើយ។

លោកឧកញ៉ា លឹម ហេង បានមានប្រសាសន៍ថា ៖

«ជារឿងល្អហើយ ប្រសិនបើកម្ពុជាអាចនាំចេញទំនិញទាំង ១០មុខនេះជាជំហានដំបូងឱ្យវាដំណើរការទៅមុខ ដែលទទួលបានស្តង់ដារភូតគាមអនាម័យ ដែលយើងផលិតបានអាចនាំចូលទៅប្រទេសគេដោយជោគជ័យនោះ ទំនិញយើងដែលខ្វះទីផ្សារដទៃទៀត យើងអាចបញ្ចូលទំនិញទាំងនោះបាន»

លោកឧកញ៉ា លឹម ហេង បានបន្តថា ៖

«ទំនិញកម្ពុជាយើងមានហើយ ដែលអាចរួចពន្ធរហូតដល់ ១៣ ០០០បន្ទាត់ពន្ធគយ ប៉ុន្តែអ្វីដែលត្រូវគិតនោះ គឺទំនិញដែលប្រទេសគេទិញពីយើងជាទំនិញដែលយើងអាចផ្គត់ផ្គង់ ត្រូវតែមាននិរន្តភាពទើបបាន ព្រោះទំនិញរបស់យើងច្រើនតែមានតាមរដូវ ផុតពីរដូវទទួលផលរួច យើងគ្មានផលិតផលសម្រាប់ផ្គត់ផ្គង់ឱ្យគេទេ នេះជាបញ្ហា»

ជាមួយនឹងការលើកឡើងខាងលើនេះ លោកឧកញ៉ាក៏បានបង្ហាញពីចំណុចដែលកម្ពុជាត្រូវដែលត្រូវគិតគូរបន្តទៀត ដើម្បីឱ្យឆ្លើយតប​ទៅនឹងការនាំចេញ ទី១-ផ្ទៃដីកសិកម្មរបស់កម្ពុជាឱ្យត្រូវគ្នានឹងប្រពន្ធធារាសាស្ត្រ ត្រូវការដើរទន្ទឹមគ្នាឱ្យឆ្លើយតបទាន់ពេលវេលាដែលប្រជាកសិករត្រូវការ។ ទី២-បញ្ហាផ្លូវដឹកជញ្ជូនកសិផល និងទី៣- តម្លៃថាមពលអគ្គិសនី បើរៀបចំចំណុចទាំង៣បាននោះ ទាំងធនធាន និងបច្ចេកទេស ក្រុមហ៊ុនគេនឹងដាក់ទុនវិនិយោគចូលមកកាន់កម្ពុជាមិនខាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...