សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈស្ថានទូតឥណ្ឌាប្រចាំនៅកម្ពុជាបានព្យាយាមបង្កើនលទ្ធភាពក្នុងការនាំចេញផលិតផលកសិកម្មរបស់កម្ពុជារួមមានម្រេច និងរមៀតបន្ថែមទៀតទៅកាន់ទីផ្សារក្នុងប្រទេសរបស់ខ្លួនតាមដែលអាចធ្វើទៅបាន។ ឯកអគ្គរដ្ឋទូតឥណ្ឌាប្រចាំនៅកម្ពុជា លោកស្រី បណ្ឌិត Devyani Uttam Khobragade និងតំណាងសហព័ន្ធម្រេច និងគ្រឿងទេសកម្ពុជា(CPFS) បានបញ្ជាក់ថា ស្ថានទូតមានការប្រជុំប្រកបដោយផ្លែផ្កាជាមួយសហព័ន្ធម្រេច និងគ្រឿងទេសកម្ពុជា ដោយក្នុងនោះមានកិច្ចពិភាក្សាគ្នាពីមធ្យោបាយ និងមធ្យោបាយសម្រាប់កម្មវិធីជំរុញ និងបង្កើនការនាំចេញផលិតផលកសិកម្មរួមមានម្រេច និងរមៀតពីកម្ពុជាទៅកាន់ទីផ្សារប្រទេសឥណ្ឌា។
នៅក្នុងសេចក្តីថ្លែងការណ៍រួមក៏បានបញ្ជាក់ផងដែរថា ជាជំហានដំបូងគឺការរៀបចំឲ្យមានកិច្ចប្រជុំតាមប្រព័ន្ធអនឡាញរវាងក្រុមប្រឹក្សា Spices Board of India នៃប្រទេសឥណ្ឌានិងភាគីកម្ពុជា។ ក្នុងទិសដៅនេះស្ថានទូតនឹងរៀបចំការប្រជុំជាក់ស្តែងរវាងក្រុមប្រឹក្សាគ្រឿងទេសឥណ្ឌា និងសហព័ន្ធ ដែលអាចពិភាក្សាពីឱកាសសម្រាប់គ្រឿងទេសរបស់កម្ពុជា នៅក្នុងទីផ្សារឥណ្ឌា នឹងត្រូវបានពិភាក្សា រួមជាមួយនឹងតម្រូវការនៃភូតគាមអនាម័យ និងតម្រូវការផ្នែកជីវសាស្ត្រ។បន្ទាប់មកក្រុមហ៊ុនឥណ្ឌានិងកម្ពុជាក៏នឹងមានការប្រជុំ B2B នានាផងដែរ។
សេចក្តីប្រកាសបានបន្ថែមថា៖
“ស្ថានទូតបានដឹងច្បាស់ អំពីគុណភាពម្រេច និងរមៀត ដែលបានផលិតនៅក្នុងប្រទេសកម្ពុជា ហើយរំពឹងថានឹងទទួលបានស្ថានភាពឈ្នះ-ឈ្នះទាំងអស់គ្នាសម្រាប់ក្រុមហ៊ុន មកពីប្រទេសទាំងពីរ ដែលនឹងនាំឱ្យមានការកើនឡើង នូវពាណិជ្ជកម្មទ្វេភាគី រវាងប្រទេសទាំងពីរ។ ជាមួយគ្នានេះផងដែរ ឥណ្ឌា ក៏បានលើកទឹកចិត្តដល់ក្រុមហ៊ុនកម្ពុជាឱ្យ ពិនិត្យមើលប្រព័ន្ធអនុគ្រោះពន្ធ Duty-Free Tariff Preference Scheme របស់ប្រទេសឥណ្ឌាដែលបានពង្រីកដល់ប្រទេសដែលមានការអភិវឌ្ឍតិចតួច (LDCs) សម្រាប់ផលប្រយោជន៍នានា”
លោក វ៉ាន់ វណ្ណាល់ នាយកប្រតិបត្តិសហព័ន្ធម្រេច និងគ្រឿងទេសកម្ពុជា បានបញ្ជាក់ថា ការពិភាក្សានេះគឺជាជំហានមួយទៀត ដើម្បីប្រមូលផលិតផលនៅកម្ពុជា ដែលត្រូវបានចុះបញ្ជីជាផលិតផលអាទិភាព សម្រាប់នាំចេញទៅប្រទេសឥណ្ឌា។
លោកបានលើកឡើងថា ៖
“យើងបានបញ្ជាក់អំពីការប្រមូលផលិតផលកសិកម្ម ជាផលិតផលអាទិភាពជាច្រើន ជាពិសេសម្រេច ដែលក្រោមកិច្ចសហការជាមួយស្ថានទូតឥណ្ឌា យើងសង្ឃឹមថាផលិតផលកសិកម្មបន្ថែមទៀតរួមមានម្រេច និងរមៀតនឹងត្រូវនាំចេញទៅកាន់ប្រទេសឥណ្ឌាខណៈដែលកិច្ចប្រជុំបន្តទៀតនឹងលើកឡើងពីគ្រឿងទេសរបស់កម្ពុជាផ្សេងទៀត”
យោងតាមរបាយការណ៍ពីក្រសួងកសិកម្មរុក្ខាប្រមាញ់ និងនេសាទបានបង្ហាញថាចម្ការម្រេចនៅទូទាំងប្រទេសមានផ្ទៃដី 6,822 ហិកតាក្នុងឆ្នាំ 2020 ជាមួយនឹងទិន្នផលសរុប 18,829 តោន។ ចំណែកទីផ្សារម្រេចកម្ពុជាដំបូងមាន13 ប្រទេសរួមមានជប៉ុន ប៊ែលហ្សិក ហូល្លង់ បារាំង ស្វ៊ីសអាល្លឺម៉ង់ វៀតណាម អាមេរិក រុស្ស៊ី អង់គ្លេស ឥណ្ឌា បេឡារុស្ស និងកូរ៉េខាងត្បូង៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
មន្រ្តីជំនាញបង្ហាញពីយុទ្ធសាស្ត្រនៃការអភិរក្សសត្វផ្សោតទន្លេមេគង្គក្នុងឆ្នាំ២០២៥ ដែលទទួលបានជោគជ័យមិនធ្លាប់មាន
ចំណេះដឹងទូទៅ, ព្រឹត្តិការណ៍, សេដ្ឋកិច្ច
• 09/12/2025
មន្រ្តីជំនាញបង្ហាញពីយុទ្ធសាស្ត្រនៃការអភិរក្សសត្វផ្សោតទន្លេមេគង្គក្នុងឆ្នាំ២០២៥ ដែលទទួលបានជោគជ័យមិនធ្លាប់មាន និងកើនដល់ចំនួន១១២ក្បាល
ក្រុមហ៊ុនផលិតអាវុធសរុបជាង១០០០ចូលរួមកម្មវិធីផលិត Golden Dome តម្លៃ១៥១ ពាន់លានដុល្លារអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 08/12/2025
ក្រុមហ៊ុនបច្ចេកវិទ្យាផលិតអាវុធសរុបជាង១០០០ បានចូលរួមក្នុងកម្មវិធីអភិវឌ្ឍន៍ និងផលិតប្រព័ន្ធខែលមីស៊ីលដ៏ទំនើបមួយដែលត្រូវបានគេឲ្យឈ្មោះថា Golden Dome ក្រោមការរៀបចំដោយសហរដ្ឋអាម៉េរិក
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content