សមាគមអភិរក្សសត្វព្រៃ (WCS) សហការជាមួយរដ្ឋបាលជលផល (FiA) ក្រសួងកសិកម្មរុក្ខាប្រមាញ់និងនេសាទ បានធ្វើការលែងកូនកន្ធាយក្បាលកង្កែប (ឬល្មិច) ដែលជាប្រភេទសត្វកម្រជិតផុតពូជនៅលើពិភពលោកចំនួន 148ក្បាល ចូលទៅក្នុងតំបន់ជម្រកធម្មជាតិរបស់វាវិញតាមដងទន្លេមេគង្គស្ថិតក្នុងស្រុកសំបូរ ខេត្តក្រចេះ។
យោងតាមអង្គការ WCS បានឱ្យថា គិតត្រឹមដើមខែមេសានេះ ក្រុមអភិរក្សការពារសម្បុកនៅតាមសហគមន៍បានរកឃើញសម្បុកពងកន្ធាយក្បាលកង្កែបចំនួន 58សម្បុក ដោយមាន 2,058 ពង ហើយគិតត្រឹមសប្តាហ៍ទីមួយនៃខែមេសានេះ កូនកន្ធាយក្បាលកង្កែបចំនួន 559 ក្បាលបានញាស់ចេញដោយជោគជ័យពីសម្បុកចំនួន28 ។
ប្រភពដដែលបានបញ្ជាក់ទៀតថា ក្រុមអ្នកភ្ញាស់កូនកន្ធាយក្បាលកង្កែបដែលនៅសល់មិនទាន់លែង ត្រូវបានក្រុមការពារសម្បុកយកទៅរក្សាទុកមើលថែនៅក្នុងទ្រុងបែឈើអណ្តែតទឹកជាបណ្តោះអាសន្ន ដើម្បីធ្វើឱ្យប្រសើរឡើងនូវការរស់រានមានជីវិត និងឱ្យវាមានសុខភាពល្អមុននឹងលែងចូលទៅក្នុងទីជម្រកធម្មជាតិរបស់វាវិញ ដោយក្រុមការងារគ្រោងនឹងលែងកូនល្មិច ឬកូនកន្ធាយក្បាលកង្កែបទាំងអស់នេះចូលទៅក្នុងទីជម្រកធម្មជាតិវិញនៅក្រោយពិធីបុណ្យចូលឆ្នាំខ្មែរ។

គម្រោងអភិរក្សកន្ធាយក្បាលកង្កែបរបស់អង្គការ WCS ទទួលបានការគាំទ្រថវិកាពីសហភាពអឺរ៉ុបក្រោមគម្រោង «ដៃគូប្រឆាំងនឹងបទល្មើសសត្វព្រៃ» Margaret A. Cargill Philanthropy គម្រោងព្រៃឡង់បៃតងគាំទ្រដោយទីភ្នាក់ងារជំនួយអាមេរិក USAID និង Turtle Survival Alliance ។
កូនកន្ធាយក្បាលកង្កែបត្រូវបានចាត់ថ្នាក់ថាជាប្រភេទសត្វដែលជិតផុតពូជយ៉ាងសំខាន់នៅក្នុងបញ្ជីក្រហមរបស់អង្គការ IUCN ។ មានតែកំណត់ត្រា2-3 នៃប្រភេទសត្វដែលមាននៅក្នុងប្រទេសឡាវ និងប្រទេសដទៃទៀត ហើយវាបានបាត់ខ្លួនស្ទើរទាំងស្រុងនៅក្នុងប្រទេសវៀតណាម និងប្រទេសថៃ ដោយសារការប្រមាញ់ និងការធ្វើពាណិជ្ជកម្មសត្វអណ្តើកពេញអាយុ រួមជាមួយនឹងការប្រមូលពងសត្វដោយពួកឈ្មួញខុសច្បាប់។
ដោយឡែកនៅក្នុងប្រទេសកម្ពុជាសត្វកន្ធាយក្បាលកង្កែប មិនត្រូវបានអ្នកវិទ្យាសាស្ត្រអង្កេតឃើញនៅក្នុងព្រៃឡើយតាំងពីឆ្នាំ2003 រហូតដល់ឆ្នាំ 2007។ ប៉ុន្តែបច្ចុប្បន្ន គេបានរកឃើញប្រភេទសត្វកម្រទាំងនេះនៅតាមដងទន្លេមេគង្គ នៅចន្លោះខេត្តក្រចេះ និងខេត្តស្ទឹងត្រែង។ អង្គការ WCS និង FiA ដែលបាន និងកំពុងធ្វើការអភិរក្សសត្វព្រៃតាំងពីឆ្នាំ2017 តាមរយៈសកម្មភាពទប់ស្កាត់ការជួយដូរសត្វអណ្តើកទឹកសាបនេះ ហើយត្រូវបានមដាក់បញ្ចូលក្នុងកម្មវិធីការពារសម្បុកនៅតាមសហគមន៍នានាដើម្បីធ្វើយ៉ាងណាថែទាំ និងរក្សាឱ្យបានគង់វង្សនូវប្រភេទសត្វព្រៃ និងសត្វកម្រផ្សេងៗនៅកម្ពុជា៕
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
«ថ្នាលព័ត៌មានកិច្ចព្រមព្រៀងពាណិជ្ជកម្មសេរីកម្ពុជា» ផ្តល់ភាពងាយស្រួលដល់ការចូលប្រើប្រាស់ និងស្វែងរកព័ត៌មាន ដើម្បីទាញយកអត្ថប្រយោជន៍សម្រាប់អាជីវកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 12/12/2025
«ថ្នាលព័ត៌មានកិច្ចព្រមព្រៀងពាណិជ្ជកម្មសេរីកម្ពុជា» ផ្តល់ភាពងាយស្រួលដល់ការចូលប្រើប្រាស់ និងស្វែងរកព័ត៌មាន ដើម្បីទាញយកអត្ថប្រយោជន៍សម្រាប់អាជីវកម្ម
INT. ប៉ូឡូញឱ្យយន្តហោះចម្បាំងអ៊ុយក្រែន ជាថ្នូរនឹងបច្ចេកវិទ្យាយានដ្រូន
ព្រឹត្តិការណ៍, អាជីវកម្មថ្មី និងនវានុវត្ត
• 11/12/2025
ប្រទេសប៉ូឡូញ កំពុងថ្លឹងថ្លែងលើជម្រើសផ្ទេរយន្តហោះចម្បាំង MiG-29 ទៅកាន់ប្រទេសអ៊ុយក្រែន ជាថ្នូរនឹងលទ្ធភាពទទួលបានបច្ចេកវិទ្យាផលិតយន្តហោះគ្មានមនុស្សបើក ឬយានដ្រូនរបស់ទីក្រុងកៀវ
CEO ក្រុមហ៊ុន Airbus ព្យាករណ៍អំពីអនាគតនៃការហោះហើរ និងរូបរាងថ្មីនៃយន្តហោះដឹកអ្នកដំណើរ
ព្រឹត្តិការណ៍, អាជីវកម្មថ្មី និងនវានុវត្ត
• 11/12/2025
នាពេលអនាគត ក្នុងចន្លោះពី ៣០ ឬ ៤០ឆ្នាំខាងមុខ ការហោះហើររបស់មនុស្សជាតិនឹងអាចមានការផ្លាស់ប្តូរគួរឲ្យកត់សម្គាល់ ដោយសារតែការអភិវឌ្ឍ និងពិពិធកម្មការផ្តល់សេវាឲ្យកាន់តែមានប្រសិទ្ធភាព




វិថីហិរញ្ញវត្ថុ
















Account
Security
Favourite Content