សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅថ្ងៃទី ២៨ ខែកក្កដា ឆ្នាំ ២០២៥នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំគណប្រតិភូមួយក្រុមដើម្បីទៅចូលរួមកិច្ចប្រជុំពិសេសមួយនៅទីក្រុងកូឡាឡាំពួរ ប្រទេសម៉ាឡេស៊លី ស្ដីពីបទឈប់បាញ់បន្ទាន់រវាងកម្ពុជា-ថៃ។
ថ្លែងនៅក្នុងសេចក្តីសង្ខេបព័ត៌មាន ស្តីពី «បច្ចុប្បន្នភាពនៃការឈ្លានពានរបស់កងទ័ពថៃមកលើទឹកដីកម្ពុជា» នៅព្រឹកថ្ងៃទី២៨ កក្កដា នេះ ឯកឧត្តម ប៉ែន បូណា ប្រធានអ្នកនាំពាក្យរាជរដ្ឋាភិបាល បានឱ្យដឹងថា កិច្ចប្រជុំពិសេសនេះ មានការអញ្ជើញចូលរួមពីសម្ដេចធិបតី នាយករដ្ឋមន្ត្រីនៃកម្ពុជា, នាយករដ្ឋមន្ត្រីស្ដីទីថៃ, នាយករដ្ឋមន្ត្រីប្រទេសម៉ាឡេស៊ីដែលជាម្ចាស់ផ្ទះ និងជាអ្នករៀបចំ និងមានតំណាងសហរដ្ឋអាមេរិក ជាអ្នកសហការរៀបចំ ក្រោមការចូលរួមពីតំណាងប្រទេសចិនផងដែរ។
គោលបំណងនៃកិច្ចប្រជុំនេះ គឺដើម្បីសម្រេចឱ្យបានបទឈប់បាញ់មួយជាបន្ទាន់រវាងកងទ័ពកម្ពុជា និងថៃ តាមស្មារតីដែលនាយករដ្ឋមន្ត្រីប្រទេសទាំងពីរបានឯកភាពគ្នាតាមគំនិតផ្ដួចផ្ដើមរបស់ប្រធានាធិបតីសហរដ្ឋអាមេរិក នៅក្នុងជំនួបពិភាក្សាតាមទូរស័ព្ទកាលពីយប់ថ្ងៃអាទិត្យកន្លងទៅ។
គួររំលឹកថា កាលពីយប់ថ្ងៃអាទិត្យកន្លងទៅ មានកិច្ចសន្ទនាតាមទូរស័ព្ទរវាងសម្ដេចនាយករដ្ឋមន្ត្រី ជាមួយលោក ដូណាល់ត្រាំ។ នៅក្នុងកិច្ចសន្ទនាតាមទូរស័ព្ទនោះគឺ លោក ដូណាល់ត្រាំ លើកសំណើរសុំឱ្យមានបទឈប់បាញ់ជាបន្ទាន់ ហើយនាយករដ្ឋមន្ត្រីកម្ពុជាបានឯកភាពទាំងស្រុងចំពោះសំណើរនេះ។
ឯកឧត្តម ប៉ែន បូណា បានសង្កត់ធ្ងន់ថា៖ កិច្ចសន្ទនាដូចគ្នានេះដែរក៏ត្រូវបានធ្វើឡើងរវាងលោក ដូណាល់ត្រាំ និងនាយករដ្ឋមន្ត្រីស្ដីទីថៃ ហើយនាយករដ្ឋមន្ត្រីស្ដីទីថៃក៏ទទួលយកសំណើរពីបទឈប់បាញ់បន្ទាន់នេះដែរ។ ប៉ុន្តែជាការកត់សម្គាល់ ពេញមួយថ្ងៃម្សិលមិញនេះ កងទ័ពថៃនៅតែបន្តបំពានវាយប្រហារយ៉ាងខ្លាំងមកលើកងទ័ពកម្ពុជា ឥតឈប់ឈរដែលរហូតមកដល់ម៉ោងនេះសម្លេងគ្រាប់កាំភ្លើងធុនធំនៅតែមានឥតដាច់៕
Account
Security
Favourite Content