កំណើនសេដ្ឋកិច្ចដ៏ឆាប់រហ័សរបស់កម្ពុជាជួយ​ឱ្យ​ប្រាក់ចំណូល ​និងកម្រិតជីវភាពប្រជាជនកើន​ឡើងល្អប្រសើរជាងមុន

ភ្នំពេញ ៖ ធនាគារពិភពលោក (World Bank) បានបញ្ជាក់ថា កំណើនសេដ្ឋកិច្ចដ៏ឆាប់រហ័សរបស់កម្ពុជាពីឆ្នាំ២០០៩ ដល់ឆ្នាំ២០១៩ គួបផ្សំជាមួយនឹងការផ្លាស់ប្តូរជារចនាសម្ព័ន្ធផង បានជួយធ្វើ​ឱ្យ​ប្រាក់ចំណូលរបស់​ពលរដ្ឋមានការកើន​ឡើងជាលំដាប់​ ហើយបានកាត់បន្ថយអត្រាភាពក្រីក្រកាន់តែធ្លាក់ចុះ និងកម្រិតជីវភាពមានភាពប្រសើរឡើងជាងមុន។

កម្រិតជីវភាពមានភាពល្អប្រសើរឡើង ដោយរួមចំណែកធ្វើ​ឱ្យ​គម្លាតរវាងទីក្រុង និងជនបទនៅកម្ពុជាកាន់តែរួមតូចជាងមុន ប៉ុន្តែក្រុម​គ្រួសារដែលមានប្រាក់ចំណូលទាប និងនៅតាមទីជនបទនៅតែចាញ់ប្រៀបគេនៅឡើយ បើនិយាយអំពីលទ្ធភាពទទួលបានសេវាជាមូលដ្ឋាន និងឱកាសរកប្រាក់ចំណូល។

អ្នកជំនាញសេដ្ឋកិច្ច បានលើកឡើងថា គម្លាតរវាងទីក្រុង និងជនបទនៅកម្ពុជាកាន់តែរួមតូចជាងមុន ដោយសារមានគោលនយោបាយត្រឹមត្រូវ និងប្រកបដោយប្រសិទ្ធភាព ដែលដាក់ចេញដោយរាជរដ្ឋាភិបាល។ លើសពីនេះ កត្តាសុខសន្តិភាព ស្ថិរភាពនយោបាយ និងសេដ្ឋកិច្ចអនុញ្ញាតឱ្យប្រជាជនអាចទទួលបានឱកាស និងសេវាសាធារណៈស្មើៗភាពគ្នា។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានថ្លែងប្រាប់ថា ជាទូទៅ គម្លាតជីវភាពប្រជាជន និងនៅតាមទីប្រជុំជន និងនៅតាមទីជនបទរមែងកើតមានស្ទើតែគ្រប់ប្រទេសលើពិភពលោក ប៉ុន្តែរដ្ឋាភិបាលទាំងនោះតែងតែដាក់ចេញនូវគោលនយោបាយអភវិឌ្ឍន៍ដើម្បីធ្វើឱ្យគម្លាតភាពជីវភាពប្រជាជនមានភាពរួមតូច។ ជាក់ស្តែង ប្រទេសកម្ពុជាបានខិតខំប្រែងយ៉ាងខ្លាំងក្នុងការដាក់ចេញនូវនយោបាយអភិវឌ្ឍន៍សេដ្ឋកិច្ចសង្គមនានាដើម្បីលើកកម្ពស់ជីវភាព និងធ្វើឱ្យគម្លាតទីក្រុង និងជនបទកាន់តែរួមតូចជាងមុន។

លោកបណ្ឌិត ហុង វណ្ណៈ  បានថ្លែងបន្តថា ៖

“គេមិនអាចយកប្រទេសមួយ ឬពីរលើសកលលោកមកធ្វើម៉ែត្រវាស់បានទេ ដោយសារតែរដ្ឋាភិបាលនានាតែងតែបង្កើតគោលនយោបាយផ្សេងៗ ជាពិសេសនយោបាយកាត់បន្ថយអត្រាភាពក្រីក្រ ឬក៏គោលនយោបាយវិនិយោគសាធារណៈទាំងអស់ ជាមួយការទទួលបានសេវាសាធារណៈស្មើភាពគ្នាសម្រាប់ប្រជាជនមិនថានៅតាមទីជនប្រជុំជន និងជនបទ ដូចជាការអប់រំ ហេដ្ឋារចនាសម្ព័ន្ធ និងសេវាសុខភិបាលជាដើម”

លោកបានថ្លែងបន្តថា ឧទាហរណ៍ រដ្ឋាភិបាលអភិវឌ្ឍន៍ផ្លូវមួយខ្សែ ដែលប្រជាជនអាចទទួលបានអត្ថប្រយោជន៍ពីផ្លូវមួយខ្សែនេះស្មើៗគ្នា។ លោកបន្តថា មិនថានៅប្រទេសកំពុងអភិវឌ្ឍន៍ និងនៅប្រទេសអភិវឌ្ឍន៍នោះទេ វានៅតែមានគម្លាតជីវភាពអ្នកមាន និងក្រនៅតាមទីប្រជុំជន និងនៅតាមទីជនបទនៅប្រទេសទាំងនោះ។

លោកបណ្ឌិត ហុង វណ្ណៈ  បានថ្លែង ៖

“ចាប់តាំងពី ១៩៩៨ មក រយៈពេល ២ ទសវត្សរ៍ រដ្ឋាភិបាលកម្ពុជាបានធ្វើការអភិវឌ្ឍសេដ្ឋកិច្ចសង្គម ឱ្យមានសន្ទុះកំណើនរហូត និងកាត់បន្ថយអត្រាភាពក្រីក្របានច្រើន តាមរយៈការដាក់ចេញគោលនយោបាយអភិវឌ្ឍន៍សេដ្ឋកិច្ចនានា ក៏ដូចជាសេវាសាធារណៈនានាដែលប្រជាជនទទួលបានស្មើៗភាពគ្នា និងជំរុញកំណើនសេដ្ឋកិច្ច”

យោងតាមរបាយការណ៍របស់ក្រសួងការងារ និងបណ្ដុះបណ្ដាលវិជ្ជាជីវៈ នៅឆ្នាំ២០១៩ កម្ពុជានៅតែរក្សាបានអត្រាមានការងារធ្វើ ៩៩.៣% ដដែល ខណៈចំនួនប្រជាពលរដ្ឋដែលមានការងារ ធ្វើមានប្រមាណ ១០លាននាក់ កំពុងធ្វើការនៅក្រៅប្រទេស និងក្នុងប្រទេស ក្នុងនោះមានទាំងសេដ្ឋកិច្ចក្នុងប្រព័ន្ធ និងក្រៅប្រព័ន្ធ វិស័យកសិកម្ម មន្ត្រីសាធារណៈ និងផ្នែកនានាមួយចំនួនទៀត។ ក្នុងចំណោមកម្លាំងពលកម្មសរុបប្រមាណ ១០លាននាក់នោះ មានអ្នកធ្វើការនៅក្នុងប្រទេសប្រមាណ ៣.៦៩លាននាក់ (នៅក្នុងផ្នែកសេដ្ឋកិច្ចក្នុងប្រព័ន្ធមានប្រមាណជាង ១.៥០លាននាក់ និងផ្នែកសេដ្ឋកិច្ចក្រៅប្រព័ន្ធមានប្រមាណ ២.២លាននាក់) នៅក្នុងវិស័យកសិកម្មមានប្រមាណ ៤លាននាក់ មន្ត្រីសាធារណៈមានប្រមាណ ៥០ម៉ឺននាក់ ព្រមទាំងពលករ និងកម្មសិក្សាការីនៅក្រៅប្រទេសមានប្រមាណជាង ១.២៨លាននាក់ ដោយបាននាំចំណូលប្រមាណ ៦ ៥០០លានដុល្លារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ