យោងទៅតាមកាសែតបរទេសបានរាយការណ៍ថា សេដ្ឋកិច្ចចិនអាចនឹងប្រឈមមុខនឹងបញ្ហាដោយសារវិបត្តិសេដ្ឋកិច្ចពិភពលោកដែលកំពុងមាន ហើយវានឹងបន្តកើតឡើងក្នុងរយៈពេលដ៏យូរ ខណៈដែលរដ្ឋាភិបាលចិនបានព្យាករណ៍សេដ្ឋកិច្ចសម្រាប់ឆ្នាំ២០២២នេះនឹងធ្លាក់ចុះពី ៥.៥ ភាគរយ មកនៅត្រឹមប្រហែល ៣ ភាគរយប៉ុណ្ណោះ។
អត្រាអត់ការងារធ្វើក្នុងចំណោមធនធានមនុស្សវ័យក្មេងបានកើនឡើងដល់ ២០ ភាគរយ ខណៈដែលអចលទ្រព្យប្រភេទលំនៅឋានដែលសាងសង់ហួសកម្រិតកំពុងថមថយមកវិញហើយក្នុងពេលដែលតម្លៃប្រេងក៏ឡើងថ្លៃផងដែរ។ ជាមួយគ្នានេះ ដោយសារតែសេដ្ឋកិច្ចពិភពលោកធ្លាក់ចុះផង និងការបដិសេធរបស់លោកប្រធាធិបតីក្នុងការនាំចូលវ៉ាក់សាំងការពារកូវីដ-១៩ ពីបរទេសផងនោះ បញ្ហាប្រឈមមួយចំនួនអាចនឹងកើតឡើងនៅក្នុងរយៈពេលដ៏ខ្លីខាងមុខនេះ។
យោងតាមទិន្នន័យរបស់អង្គការសហប្រជាជាតិបានព្យាករណ៍ថា អត្រាចំនួនប្រជាជនរបស់ប្រទេសចិននឹងធ្លាក់ចុះប្រហែល ៤០ ភាគរយពី ១,៤ ពាន់លាននាក់នៅចុងសតវត្សន៍នេះ។ ចំនួនប្រជាជនរបស់ប្រទេសចិនកាន់តែមានអាយុចាស់ ហើយកម្លាំងការងារក៏ថយចុះ ខណៈដែលការធ្លាក់ចុះនៃសេដ្ឋកិច្ចអាចជំរុញឱ្យមេដឹកនាំចិនលះបង់ការចំណាយតិចទៅលើកម្លាំងយោធា និងចំណាយច្រើនក្នុងការលើកកម្ពស់ជីវភាពប្រជាជនចិនជំនួសមកវិញ។ យ៉ាងណាក៏ដោយ បើទោះបីជាសេដ្ឋកិច្ចអាចនឹងមានបញ្ហា ឬលូតលាស់យឺតក្ដី ប៉ុន្តែប្រទេសមហាអំណាចចិននៅតែជាដៃគូប្រកួតប្រជែងផ្នែកពាណិជ្ជកម្ម បច្ចេកវិទ្យា និងយោធាដ៏មានឥទ្ធិពលចំពោះបណ្តាប្រទេសកំពូលលើពិភពលោកដដែល៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ