សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មន្រ្តីជាន់ខ្ពស់នៃក្រុមប្រទេសអភិវឌ្ឍទាំង៧ (G-7) បាននិយាយកាលពីថ្ងៃសប្ដាហ៍មុនថា ថ្នាក់ដឹកនាំ ក៏ដូចជាបណ្តាសមាជិករបស់ខ្លួនចង់សម្រេចបានយន្តការកំណត់តម្លៃប្រេងដែលនាំចេញដោយរុស្ស៊ីឱ្យបានមុនថ្ងៃទី ៥ ខែធ្នូ ឆ្នាំ២០២២ នៅពេលទណ្ឌកម្មបិទការនាំចូលប្រេងពីរុស្ស៊ីរបស់សហភាពអឺរ៉ុបចូលជាធរមាន។
មន្រ្តីដដែលបានប្រាប់ទីភ្នាក់ងារសារព័ត៌មានរ៉យទ័រថា ៖
”គោលដៅនៅទីនេះគឺដើម្បីធ្វើឱ្យស្របតាមពេលវេលាដែលសហភាពអឺរ៉ុបបានដាក់ឱ្យដំណើរការរួចហើយ។ យើងចង់ធ្វើឱ្យប្រាកដថា យន្តការកំណត់តម្លៃចូលជាធរមានក្នុងពេលតែមូយ។ ប្រទេស G-7 ដែលរួមមានសហរដ្ឋអាមេរិក កាណាដា ជប៉ុន អាល្លឺម៉ង់ បារាំង អ៊ីតាលី និងអង់គ្លេស និយាយកាលពីខែមុនថា ពួកគេនឹងពិចារណាកំណត់តម្លៃប្រេងឆៅរបស់រុស្ស៊ី ដើម្បីទប់ស្កាត់ប្រាក់ចំណូលពីប្រេង ដែលរុស្ស៊ីប្រើជាជំនួយដល់ការឈ្លានពានរបស់ខ្លួននៅអ៊ុយក្រែន”
ចាប់តាំងពីពេលនោះមក មានកិច្ចប្រឹងប្រែងផ្សេងៗ ដើម្បីឱ្យមានការសហការពីចិន និងឥណ្ឌា ដែលបង្កើនការទិញប្រេងពីរុស្ស៊ីក្នុងតម្លៃថោកជាងទីផ្សារអន្តរជាតិរួចស្រេច។
មន្ត្រី G-7 ដដែលនិយាយថា ៖
”យើងបានឮរួចមកហើយ ពីបណ្ដាប្រទេសអាស៊ីមួយចំនួន ដែលចាប់អារម្មណ៍ក្នុងការចូលរួម ឬការយល់ដឹងកាន់តែច្បាស់ អំពីចំនួនតម្លៃដែលនឹងត្រូវកំណត់ ដើម្បីពង្រឹងការចរចារបស់ពួកគេ ជាមួយរុស្ស៊ី លើកិច្ចសន្យានាពេលអនាគត។ ការកំណត់តម្លៃប្រេងនឹងបើកបង្ហាញជាសាធារណៈដោយមិនមានការលាក់បាំង”
គួរកត់សម្គាល់ថា G-7 ចង់ឱ្យតម្លៃប្រេងឆៅរបស់រុស្ស៊ី ត្រូវបានកំណត់ដោយសមាជិកនៃក្រុមអ្នកទិញលើសកម្រិតនៃតម្លៃផលិតកម្មរបស់រុស្ស៊ី ដើម្បីជំរុញឱ្យក្រុងម៉ូស្គូបន្តផលិតកម្មប្រេងរបស់ខ្លួន ប៉ុន្តែតម្លៃនោះត្រូវទាបជាងទីផ្សារ។ តាមរយៈយន្តការនេះ រុស្ស៊ីនឹងប្រឈមមុខ ជម្រើសដ៏លំបាកមួយ រវាងការយល់ព្រមទម្លាក់តម្លៃដើម្បីបន្តប្រាក់ចំណូល និងការបាត់បង់ចំណូល ឬស្ទើរតែគ្មានប្រាក់ចំណូលនៅពេលទណ្ឌកម្មអឺរ៉ុបចូលជាធរមាន។
ដូច្នេះមានន័យថា រុស្ស៊ី នឹងមានការលំបាកក្នុងការលក់ប្រេងទៅកន្លែងផ្សេងទៀត ដោយសារតែទណ្ឌកម្មរបស់សហភាពអឺរ៉ុប ហាមប្រាមលើសេវាកម្មហិរញ្ញវត្ថុទាំងអស់ ដែលភ្ជាប់ទៅនឹងពាណិជ្ជកម្មប្រេងរបស់ប្រទេសមួយនេះ៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
វិទ្យាស្ថានស្រាវជ្រាវយានយន្តដំបូងគេបង្អស់របស់កម្ពុជា – វិទ្យាស្ថានបច្ចេកវិទ្យាយានយន្ត និងឧស្សាហកម្មថាមពលថ្មីនៅកម្ពុជា (NEVITI) ត្រូវបានបង្កើតឡើងជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 07/11/2025
វិទ្យាស្ថានស្រាវជ្រាវយានយន្តដំបូងគេបង្អស់របស់កម្ពុជា – វិទ្យាស្ថានបច្ចេកវិទ្យាយានយន្ត និងឧស្សាហកម្មថាមពលថ្មីនៅកម្ពុជា (NEVITI) ត្រូវបានបង្កើតឡើងជាផ្លូវការ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content