បរទេស៖ យោងទៅតាមប្រភព BBC បានឱ្យដឹងថា ប្រទេសផលិតប្រេងដ៏ធំបំផុតរបស់ពិភពលោកបានរៀបចំកិច្ចប្រជុំដ៏សំខាន់មួយនៅក្នុងសប្ដាហ៍នេះដើម្បីសម្រេចថា តើប្រេងប៉ុន្មានដែលពួកគេអាចបញ្ជូនបន្ថែមទៅក្នុងទីផ្សារចាប់ពីខែកញ្ញាខាងមុខនេះទៅ បន្ទាប់ពីប្រធានាធិបតីអាមេរិក លោក Joe Biden បានធ្វើដំណើរទៅកាន់ប្រទេសអារ៉ាប៊ីសាអូឌីត ក្នុងគោលបំណងបញ្ចុះបញ្ចូលប្រទេសនេះឱ្យបូមប្រេងបន្ថែមទៀត។
សូមរំលឹកថា អង្គការ OPEC ត្រូវបានបង្កើតឡើងក្នុងឆ្នាំ១៩៦០ ក្នុងគោលបំណងផ្តល់ការផ្គត់ផ្គង់ប្រេងនៅទូទាំងពិភពលោក ហើយ អារ៉ាប៊ីសាអូឌីត គឺជាអ្នកផលិតដ៏ធំបំផុតនៅក្នុង OPEC ហើយអង្គការ មួយនេះក៏មានកិច្ចប្រជុំរៀងរាល់ខែនៅទីក្រុង Vienna ប្រទេសអូទ្រីស ដើម្បីសម្រេចថា តើត្រូវលក់ប្រេងឆៅប៉ុន្មាននៅលើទីផ្សារពិភពលោក?
អារ៉ាប៊ីសាអូឌីត និង អារ៉ាប់រួម គឺជាតួអង្គសំខាន់ដែលមានសមត្ថភាពក្នុងការបង្កើនផលិតផលប្រេង ប៉ុន្តែគោលដៅផលិតផលប្រេងរបស់អារ៉ាប៊ីសាអូឌីតសម្រាប់ខែសីហា គឺប្រមាណ ១១ លានបារ៉ែលក្នុង១ថ្ងៃ ដែលអ្នកជំនាញថាមពលបានណែនាំថាមានកម្រិតខ្ពស់រួចទៅហើយ ដោយអាចនឹងមានការកើនឡើងនៃការផលិតតិចតួចទៀត រួមជាមួយនឹងការផ្តល់អាទិភាពដល់សមាជិក OPEC ក្នុងការបង្កើនលទ្ធភាពផលិតផងដែរ។
គួរកត់សម្គាល់ថា សង្រ្គាមរវាងរុស្ស៊ី និងអ៊ុយក្រែន បានបង្ករឱ្យមានវិបត្តិជាសកល ប៉ះពាល់ដល់វិស័យសេដ្ឋកិច្ចជាខ្លាំង ជាពិសេសបណ្តាប្រទេសដែលស្ថិតនៅក្នុងតំបន់លោកខាងលិច។ មុនពេលដែលមានជម្លោះ រុស្ស៊ី ជាប្រទេសដែលផលិតប្រេងធំជាងគេទី៣របស់ពិភពលោកបន្ទាប់ពីអាមេរិក និងអារ៉ាប៊ីសាអូឌីត ដោយស្មើនឹង ៨-១០% នៃការផ្គត់ផ្គង់ប្រេងពិភពលោក។ នៅក្នុងកំឡុងពេលនេះ រុស្ស៊ី ចង់រក្សាតម្លៃប្រេងខ្ពស់ដើម្បីទូទាត់នឹងការចំណាយជាមួយសង្គ្រាមអ៊ុយក្រែន និងទប់ទល់នឹងទណ្ឌកម្មសេដ្ឋកិច្ចរបស់លោកខាងលិច។
តើតម្លៃប្រេងសព្វថ្ងៃនេះមានស្ថានភាពដូចម្តេច?
យោងតាមការប៉ាន់ស្មានពីទីភ្នាក់ងារថាមពលអន្តរជាតិ និងរដ្ឋបាលព័ត៌មានថាមពលសហរដ្ឋអាមេរិកបានបញ្ជាក់ថា តម្រូវការប្រេងសកលនឹងបន្តកើនឡើងនៅឆ្នាំ២០២៣ ប៉ុន្តែអាចនឹងឡើងយឺតជាងឆ្នាំ២០២០។ នេះមានន័យថា អ្នកផលិតប្រេងអាចប៉ាន់ស្មានថាខ្លួនអាចបូមប្រេងក្នុងល្បឿនដ៏លឿនបំផុតក្នុងរយៈពេល ៥ឆ្នាំ ដើម្បីធ្វើឱ្យមានតុល្យភាពនៃការផ្គត់ផ្គង់ និងតម្រូវការរបស់ពិភពលោកស្មើគ្នា៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ