សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជារកចំណូលបាន ៩៦,៩ លានដុល្លារពីការនាំចេញកង់ និងកង់អគ្គិសនីទៅកាន់ទីផ្សារបរទេសក្នុងត្រីមាសទី១ ឆ្នាំ២០២៤ ថយចុះ ៤៣ ភាគរយ បើធៀបទៅនឹងរយៈពេលដូចគ្នាកាលពីឆ្នាំ២០២៣ ដែលមានទំហំរហូតដល់ប្រមាណ ១៧០លានដុល្លារ។
ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានមានប្រសាសន៍ថា កង់ដែលផលិតក្នុងប្រទេសកម្ពុជា ភាគច្រើនត្រូវបាននាំចេញទៅកាន់ទីផ្សារសំខាន់ៗគឺសហរដ្ឋអាមេរិក ប្រទេសអឺរ៉ុប អាល្លឺម៉ង់ អង់គ្លេស បែលហ្ស៊ិក ហូឡង់ អូទ្រីស ស៊ុយអែត ដាណឺម៉ាក អូស្ត្រាលី ឆេក អ៊ីតាលី អេស្ប៉ាញ ស្លូវេនីជប៉ុន ចិន កូរ៉េខាងត្បូង បណ្តាប្រទេសអាស៊ាន កូឡុំប៊ី និងកាណាដា។
ឯកឧត្តមបានបញ្ជាក់ថា ៖
«កង់ត្រូវបានដំឡើងតែក្នុងតំបន់សេដ្ឋកិច្ចពិសេសដែលមានទីតាំងស្ថិតក្នុងក្រុងបាវិត ខេត្តស្វាយរៀង ខណៈដែលកង់បានក្លាយជាផលិតផលដ៏សំខាន់មួយរបស់កម្ពុជា បន្ថែមពីលើផលិតផលសម្លៀកបំពាក់ ស្បែកជើង ផលិតផលធ្វើដំណើរ គ្រឿងអេឡិចត្រូនិក និងផលិតផលកសិកម្ម។ ដោយឡែកសម្រាប់ការធ្លាក់ចុះនៃទំហំនាំចេញនាពេលនេះដោយសារតែបណ្តាលមកពីវិបត្តិសេដ្ឋកិច្ចសកលដែលកំពុងបន្តកើតមាន»។
ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានមានប្រសាសន៍ថា ការធ្វើពិពិធកម្មផលិតផលឧស្សាហកម្មកំពុងត្រូវបានធ្វើឡើង ខណៈដែលតម្រូវការ និងការបញ្ជាទិញផលិតផលមិនមែនកាត់ដេរមានការកើនឡើង។
ឯកឧត្តម ហេង សុខគង់ បានបញ្ជាក់ថា ៖
«ឧស្សាហកម្មផលិតកង់ គឺជាផលិតផលនាំចេញដ៏មានសក្តានុពលរបស់ប្រទេសកម្ពុជា ទៅកាន់បណ្តាប្រទេសសហភាពអឺរ៉ុប ដែលកង់ផលិតក្នុងប្រទេសកម្ពុជាមានប្រជាប្រិយភាព។ ប្រទេសកម្ពុជានាពេលបច្ចុប្បន្ននេះ កំពុងធ្វើពិពិធកម្មផលិតផលឧស្សាហកម្មដែលផ្អែកលើបច្ចេកវិទ្យាមួយចំនួន ហើយការនាំចេញក៏មានកំណើនខ្ពស់ផងដែរ »។
សូមបញ្ជាក់ដែរថា ៖ កង់ត្រូវបាននាំចេញក្រោមកិច្ចព្រមព្រៀងពាណិជ្ជកម្មសេរី និងកិច្ចព្រមព្រៀងពាណិជ្ជកម្មផ្សេងទៀត ដូចជា ប្រព័ន្ធអនុគ្រោះពន្ធទូទៅ និងប្រព័ន្ធប្រទេសដែលទទួលបានឋានៈអនុគ្រោះបំផុតផ្នែកពាណិជ្ជកម្ម (Most-Favoured Nation-MFN)។
បច្ចុប្បន្ន កម្ពុជាមានរោងចក្រផលិតកង់ចំនួន ៥ ដែលរោងចក្រទាំងនោះស្ថិតនៅក្នុងតំបន់សេដ្ឋកិច្ចពិសេសក្នុងក្រុងបាវិត ខេត្តស្វាយរៀង ក្រោមការវិនិយោគពីសំណាក់ក្រុមហ៊ុនចំនួន៥ រួមមាន ក្រុមហ៊ុនEvergrand Bicycle (Cambodia) ក្រុមហ៊ុន Speedtech Industrial Co Ltd ក្រុមហ៊ុន Smart Tech (Cambodia) Co Ltd ក្រុមហ៊ុន A and J (Cambodia) Co Ltd និង ក្រុមហ៊ុន XDS Bicycle (Cambodia) Co Ltd។
ដោយឡែក កាលពីពេលកន្លងទៅថ្មីៗ ក្រុមហ៊ុន Lingrich Bicycle (Cambodia) Co., Ltd ត្រូវបានក្រុមប្រឹក្សាអភិវឌ្ឍន៍កម្ពុជា អនុម័តលើគម្រោងបង្កើតរោងចក្រផលិតកង់ កង់អគ្គិសនី និងគ្រឿងបន្លាស់កង់ ដែលមានទីតាំងនៅតំបន់សេដ្ឋកិច្ចពិសេស តាយសេងបាវិត ខេត្តស្វាយរៀង។ ក្រុមហ៊ុននេះ វិនិយោគក្នុងទំហំទឹកប្រាក់ប្រមាណ ៧.២ លានដុល្លារអាមេរិក ដោយបង្កើតការងារបានចំនួន ៦.២៥០ កន្លែង៕
Account
Security
Favourite Content