សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា រុស្ស៊ី បានចាប់ផ្តើមសាងសង់បំពង់បង្ហូរឧស្ម័នថ្មីមួយទៅកាន់ប្រទេសចិនតាមរយៈកាហ្សាក់ស្ថាន ជាមួយនឹងសមត្ថភាពបង្ហូរឧស្ម័នប្រចាំឆ្នាំ ៤៥ ពាន់លានម៉ែត្រគូប (bcm) ។
ឧបនាយករដ្ឋមន្ត្រី រុស្ស៊ី លោក Aleksandr Novak បានលើកឡើងថា ចិន នឹងទទួលបានឧស្ម័ន ៣៥ ពាន់លានម៉ែត្រគូប (bcm) ក្នុងមួយឆ្នាំតាមរយៈបំពង់បង្ហូរមួយនេះ ខណៈដែលចំនួននៅសល់នឹងទៅខាងប្រទេសកាហ្សាក់ស្ថាន។
លោកបានគូសបញ្ជាក់ពីសារៈសំខាន់ និងជាយុទ្ធសាស្ត្រមួយចំនួនរបស់គម្រោងក្នុងពេលពិភាក្សាអំពីកិច្ចសហប្រតិបត្តិការថាមពលទ្វេភាគី។ បន្ថែមពីនេះ ដំណើរការនេះត្រូវបានចាប់ផ្តើមដោយវានឹងរួមបញ្ចូលទាំងការសិក្សាលើលទ្ធភាពបច្ចេកទេស សេដ្ឋកិច្ច និងការចរចាដើម្បីសម្រេចក្របខ័ណ្ឌនៃកិច្ចព្រមព្រៀង។
ក្នុងនាមជាផ្នែកមួយនៃកិច្ចព្រមព្រៀង កាហ្សាក់ស្ថាន នឹងធ្វើជាម្ចាស់ផ្ទះផ្នែកមួយនៃហេដ្ឋារចនាសម្ព័ន្ធបំពង់បង្ហូរដែលត្រូវបានកំណត់ថានឹងទទួលបានឧស្ម័នរហូតដល់ ១០ ពាន់លានម៉ែត្រគូបជារៀងរាល់ឆ្នាំ។
រដ្ឋមន្ត្រីថាមពល ប្រទេសកាហ្សាក់ស្ថាន លោក Almasadam Satkaliyev បានបញ្ជាក់ពីចំណាប់អារម្មណ៍របស់ប្រទេសក្នុងគម្រោងនេះ ដោយបានគាំទ្រយ៉ាងពេញទំហឹងចំពោះគម្រោងនេះ ជាមួយនឹងអត្ថប្រយោជន៍របស់វាសម្រាប់ការផ្គត់ផ្គង់ថាមពលរបស់ប្រទេស។
គួរកត់សម្គាល់ថា កាលពីដើមខែធ្នូនេះ ក្រុមហ៊ុនថាមពលរុស្ស៊ី Gazprom បានធ្វើបច្ចុប្បន្នភាពអំពីកំណត់ត្រាប្រចាំថ្ងៃថ្មីសម្រាប់ការចែកចាយឧស្ម័នទៅកាន់ប្រទេសចិនតាមរយៈបំពង់បង្ហូរ Power of Siberia។ នៅក្រោមកិច្ចព្រមព្រៀងទ្វេភាគី រុស្ស៊ី នឹងផ្គត់ផ្គង់ឧស្ម័ន ៣៨ ពាន់លានម៉ែត្រគូបជារៀងរាល់ឆ្នាំដល់ប្រទេសអាស៊ីតាមរយៈបំពង់បង្ហូរដែលនឹងចាប់ផ្តើមនៅឆ្នាំ២០២៥ ។ គួរឲ្យបញ្ជាក់ដែរថា ចិនគឺជាដៃគូពាណិជ្ជកម្មដ៏ធំបំផុតរបស់រុស្ស៊ី ហើយកិច្ចសហប្រតិបត្តិការសេដ្ឋកិច្ចរវាងប្រទេសទាំងពីរត្រូវបានកើនឡើងជាលំដាប់បើទោះបីជាការដាក់ទណ្ឌកម្មរបស់លោកខាងលិចមកលើទីក្រុងម៉ូស្គូដែលមិនធ្លាប់មានពីមុនមកក៏ដោយ។
ថ្មីៗនេះ ប្រធានាធិបតីរុស្ស៊ី លោក Vladimir Putin បានលើកឡើងថា ទំនាក់ទំនងរវាងរុស្ស៊ី និងចិន មានការជឿទុកចិត្តគ្នាពេញលេញ និងធ្វើសម្រាប់គ្នាទៅវិញទៅមក។ លើសពីនេះ ទំហំពាណិជ្ជកម្មរវាងភាគីទាំងពីរត្រូវបានរំពឹងថា នឹងកើនឡើងពី ២២០ ពាន់លានដុល្លារទៅដល់ប្រមាណ ២៤០ ពាន់លានដុល្លារនៅចុងឆ្នាំនេះ ខណៈដែលបច្ចុប្បន្ន ប្រទេសទាំងពីរកំពុងមានគម្រោងវិនិយោគរួមគ្នាជិត ៦០០ គម្រោងរួចទៅហើយនោះ៕
Account
Security
Favourite Content