ភាគហ៊ុនក្រុមហ៊ុនផលិតបន្ទះឈីបតៃវ៉ាន់ធ្លាក់ចុះ ខណៈលោកស្រីប្រធានសភាអាមេរិកគ្រោងជួបប្រធានក្រុមហ៊ុនផ្ទាល់

បរទេស ៖ គ្រាន់តែវត្តមានរបស់លោកស្រីប្រធានសភាអាមេរិក Nancy Pelosi ក្នុងដំណើរទស្សនកិច្ចចូលដល់ទឹកដីតៃវ៉ាន់ភ្លាម តម្លៃភាគហ៊ុនរបស់​ក្រុមហ៊ុន​ផលិត​បន្ទះឈីបរបស់តៃវ៉ាន់ Taiwan Semiconductor Manufacturing Co. (TSMC) បានធ្លាក់ចុះមិនធ្លាប់មាន ខណៈដែល TSMC ក៏កំពុង​សាងសង់​រោងចក្រដែលមានតម្លៃរាប់ពាន់លានដុល្លារនៅតាមតំបន់ជាច្រើនក្នុងប្រទេសអាមេរិក។

កាលពីយប់ថ្ងៃទី២ ខែសីហា ឆ្នាំ២០២២ លោកស្រីប្រធានសភាសហរដ្ឋអាមេរិក Nancy Pelosi បានធ្វើការចុះចតលើទឹកដីកោះតៃវ៉ាន់​ក្នុងដំណើរ​ទស្សន​កិច្ច​ក្រៅផ្លូវការ បានក្លាយជាប្រធានបទមួយដ៏ក្តៅគគុគដែលពិភពលោកកំពុងយកចិត្តទុកដាក់តាមដានយ៉ាងខ្លាំង។

ជាមួយនឹងវត្តមានជាលើកដំបូងដែលកំពុងបង្កភាពចម្រូងចម្រាសជាមួយមហាយក្សចិននៅពេលនេះ បានបង្កភាពភិតភ័យដល់ក្រុមហ៊ុនជាច្រើនដែលមាន​វត្តមាននៅតៃវ៉ាន់ ជាពិសេសក្រុមហ៊ុនផលិតបន្ទះឈីប Taiwan Semiconductor Manufacturing Co. (TSMC) ដែលមានតម្លៃ ៤៤០ ពាន់លាន​ដុល្លារ​បានធ្លាក់ចុះភាគហ៊ុន ២.៤% ចំណែកឯក្រុមហ៊ុន United Microelectronics និង MediaTek របស់តៃវ៉ាន់បានធ្លាក់​ចុះ ៣% និង ១.៦% រៀង​គ្នា​នៅ​ថ្ងៃអង្គារសប្ដាហ៍នេះ។

ក្រុមអ្នកតាមដានសកម្មភាពសេដ្ឋកិច្ច និងផ្សារហ៊ុនបានលើកឡើងថា ក្រុមហ៊ុនផលិតបន្ទះឈីបអាចនឹងមានហានិភ័យក្នុងការខាតបង់ ប្រសិនបើជម្លោះ​រវាង​សហរដ្ឋអាមេរិក និងចិនមានសភាពធ្ងន់ធ្ងរជាងនេះ ស្របពេលដែលអ្នកវិនិយោគខាងផ្នែកបច្ចេកវិទ្យាក៏កំពុងតាមដានមើលដំណើរទៅ​កោះ​តៃវ៉ាន់​របស់​លោកស្រី Nancy Pelosi ដូចគ្នា។

ទោះបីជាយ៉ាងណាក្តី The Washington Post បានចេញផ្សាយថា នៅថ្ងៃពុធសប្ដាហ៍នេះ តាមផែនការលោកស្រី Pelosi នឹងត្រូវ​ជួប​ពិភាក្សា​គ្នា​ជាមួយ​នឹងប្រធានក្រុមហ៊ុន TSMC លោក Mark Liu ដោយផ្ទាល់ ដើម្បីរៀបចំដំណើរការអនុវត្តកញ្ចប់ថវិកាប្រមាណ​ជា ៥២ពាន់លានដុល្លារ​ដែលត្រូវបាន​អនុម័តដោយរដ្ឋាភិបាលទីក្រុងវ៉ាស៊ីនតោន ក្នុងការជួយពង្រឹងដល់ឧស្សាហកម្មផលិតបន្ទះឈីបនៅក្នុងស្រុកឲ្យមានសកម្មភាពខ្លាំងក្លាឡើងវិញ។

គួរបញ្ជាក់ផងដែរថា តៃវ៉ាន់ ក៏បានដើរតួនាទីយ៉ាងសំខាន់នៅក្នុងខ្សែសង្វាក់ផ្គត់ផ្គង់បន្ទះឈីបលើពិភពលោកដោយសារ មានក្រុមហ៊ុនតៃវ៉ាន់ជាច្រើន​គឺជា​អ្នកផ្គត់ផ្គង់បន្ទះឈីបដែលមានកម្រិតខ្ពស់។ ក្រុមហ៊ុនផលិតបន្ទះឈីបនៅតៃវ៉ាន់ត្រូវបានកំណត់ថានឹងបង្កើន ចំណែកទីផ្សារពិភពលោក​របស់ពួក​គេ​ដល់ ៦៦% នៅឆ្នាំនេះ។ ក្រៅពីនោះ បច្ចុប្បន្ន TSMC ក៏កំពុងសាងសង់រោងចក្រតម្លៃរាប់ពាន់លានដុល្លារ​នៅតាមតំបន់ជាច្រើនរបស់អាមេរិកមានដូចជា រោងចក្រតម្លៃ១២ពាន់លានដុល្លារនៅ Arizona រោងចក្រដែលកំពុងដំណើរនៅ Camas, Washington, Austin, Texas, និង California ផងដែរ៕

Source: https://fortune.com/2022/08/02/nancy-pelosi-taiwan-chip-stocks-us-china-fallout/


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្ថានីយវិទ្យុ និងទូរទស្សន៍អប្សរា និងក្រុមហ៊ុន អប្សរា មេឌាសឺវីស (AMS) សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ព្រឹត្តិការណ៍, សេដ្ឋកិច្ច

• 29/03/2024

នស្ថានីយវិទ្យុ និងទូរទស្សន៍អប្សរា និងក្រុមហ៊ុន AMS សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ធនាគារជាតិនៃកម្ពុជាចេញសេចក្តីបំភ្លឺអំពីប្រតិបត្តិការទូទាត់ឌីជីថលនៅកម្ពុជា

ព្រឹត្តិការណ៍, ហិរញ្ញវត្ថុ

• 29/03/2024

ប្រតិបត្តិការទូទាត់ឌីជីថលនៅកម្ពុជា បានកើនឡើងយ៉ាងឆាប់រហ័ស ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលការប្រើប្រាស់ទូរស័ព្ទទំនើបមានកំណើនខ្ពស់ និងគំនិតផ្តួចផ្តើមថ្មីៗកាន់តែច្រើនពីធនាគារជាតិនៃកម្ពុជា

Okra គំរូធុរកិច្ចបរិយាបន្ន ដើម្បីដោះស្រាយបញ្ហាថាមពលស្អាតតម្លៃទាប សំដៅសហគមន៍ក្រីក្រនៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 29/03/2024

Okra ជាគំរូធុរកិច្ចបរិយាបន្នមួយនៅកម្ពុជាដែលមានដំណើរអាជីវកម្មតាមរយៈការជួយគាំទ្រ និងផ្គត់ផ្គង់ថាមពលស្អាត តម្លៃទាបសំដៅសហគមន៍ក្រីក្រ

ក្រសួងពាណិជ្ជកម្មកម្ពុជា-កូរ៉េ ពិភាក្សាលើការជំរុញ និងបង្កើនទំហំពាណិជ្ជកម្មទ្វេភាគី

ព្រឹត្តិការណ៍, សេដ្ឋកិច្ច

• 29/03/2024

មន្ត្រីជាន់ខ្ពស់កម្ពុជា បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មនៃសាធារណរដ្ឋកូរ៉េ ដើម្បីពិភាក្សាអំពីវឌ្ឍនភាពនៃទំនាក់ទំនងពាណិជ្ជកម្មរវាងប្រទេសទាំង២

លោកស្រី យូ បូរី ៖ ឌីជីថលពិតជាសំខាន់ក្នុងការជំរុញអាជីវកម្មធុនតូច និងមធ្យម ក៏ដូចជាជំនួញ

ជំនួញ, ព្រឹត្តិការណ៍

• 29/03/2024

បច្ចុប្បន្ននេះ ឌីជីថល បានដើរតួយ៉ាងសំខាន់ក្នុងការបម្រើសេចក្ដីត្រូវការបស់មនុស្ស ដូច្នេះ ចង់ ឬមិនចង់ ប្រជាជនគ្រប់ស្រទាប់ត្រូវតែសម្របខ្លួនឱ្យទាន់បរិបទ

តម្លៃប្រេងឡើងថ្លៃលើសពី ៨៥ ដុល្លារក្នុងមួយបារ៉ែល ខណៈដែលការផ្គត់ផ្គង់នៅតែបន្តមានភាពតឹងតែង

ព្រឹត្តិការណ៍, សេដ្ឋកិច្ច

• 29/03/2024

តម្លៃប្រេងឆៅម៉ាក Brent បានឡើងថ្លៃដល់ ៨៧,៣០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ៨២,៦៣ ដុល្លារក្នុងមួយបារ៉ែល

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ព្រឹត្តិការណ៍, អចលនទ្រព្យ

• 29/03/2024

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

ព្រឹត្តិការណ៍, អត្ថបទពាណិជ្ជកម្ម

• 29/03/2024

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ