មនុស្ស​រាប់​ពាន់​នាក់​ ធ្វើ​បាតុកម្ម​តវ៉ា​នៅ​អាហ្រ្វិក​ខាង​ត្បូង​ ជុំ​វិញទំនិញ​ឡើង​​​​ថ្លៃ​​​ និង​ភាព​អត់​ការងារ​ធ្វើ​

ប្រជាជន​អាហ្រ្វិក​ខាង​ត្បូង​រាប់​ពាន់​នាក់​កាល​ពី​ថ្ងៃ​ពុធ​ បាន​ដើរ​ដង្ហែ​តាម​ដង​ផ្លូវ​ ដើម្បី​ធ្វើ​ការ​​តវ៉ា​ប្រឆាំង​នឹង​ការ​កើន​ឡើងនៃ​ការ​ចំណាយ​លើ​ជីវ​ភាព​ប្រចាំ​ថ្ងៃ​ ឬ​​តម្លៃ​​នៃ​​ការ​​រស់​​នៅ​​ និង​​ភាព​ការ​អត់​ការងារ​ធ្វើនៅ​ក្នុង​ប្រទេស​ដែល​​មាន​សេដ្ឋកិច្ច​ឧស្សាហកម្ម​ធំបំ​ផុត​របស់​ទ្វីប​មួយ​នេះ​។​ ការ​​តវ៉ានេះ​​​ ដឹក​នាំ​ដោយ​សហជីព​ធំ​ៗ​ចំនួន​២​ ដែល​អំពាវ​នាវ​ឱ្យ​រដ្ឋាភិបាល​ដោះ​ស្រាយ​ការ​កើន​ឡើង​នៃ​តម្លៃ​ប្រេង​ឥន្ធនៈ​​​ការ​ផ្ដាច់​​ចរន្ត​អគ្គិសនី​មិន​ឈប់​​ ការ​កាត់​ផ្តាច់​ការងារ​ និង​ភាព​អត់​ការងារ​ធ្វើ​ក្នុង​ចំណោម​បញ្ហា​ផ្សេង​ៗ​ទៀត​។​

​សហព័ន្ធ​សហជីព​អាហ្រ្វិក​ខាង​ត្បូង​ (SAFTU) ​និយាយ​នៅ​ក្នុង​សេចក្តី​ថ្លែងការណ៍​​ថា​៖

“​ការ​សម្រេច​ចិត្ត​ធ្វើ​កូដកម្ម​ទូទៅ​ និង​ការ​បិទប្រទេស​​ ធ្វើ​ឡើង​ជា​លទ្ធផល​នៃ​ស្ថានភាព​សេដ្ឋកិច្ច​សង្គម​កាន់​តែ​អាក្រក់​សម្រាប់​វណ្ណៈ​កម្មករ​ និង​សហគមន៍​ក្រីក្រ​ដែល​ខ្វះ​ខាត​”

សហជីប​និយាយ​ថា​ ​​តម្លៃ​នៃ​ការ​រស់​នៅ​​ និង​ភាព​អត់​ការ​ងារ​ធ្វើ​ បាន​កើន​ឡើង​។ ​

សមាជ​នៃ​សហជីព​អាហ្រ្វិក​ខាង​ត្បូង​ (COSATU) ​ដែល​ជា​សហជីព​ដ៏​ធំ​បំផុត​ ​​ដែល​ជា​ផ្នែក​មួយ​នៃ​កូដកម្ម​សេដ្ឋកិច្ច​សង្គម​ កំពុង​ទាម​ទារ​ឱ្យ​រដ្ឋាភិបាល​​ ធ្វើ​យ៉ាង​ណា​ចាត់​វិធានការ​ប្រឆាំង​នឹង​ការ​ដួល​រលំនៃ​​សេដ្ឋកិច្ច​នៅ​ក្នុង​ប្រទេស​។​ ការ​ដង្ហែ​ក្បួន​តវ៉ា​ ​​ត្រូវ​បាន​រៀប​ចំ​ឡើង​នៅ​ក្នុង​ខេត្ត​ចំនួន​ ៩ ​របស់​អាហ្រ្វិក​ខាង​ត្បូង​​។

លោក ​Mametlwe Sebei ​ប្រធាន​សហភាព​កម្មករ​ឧស្សាហកម្ម​ទូទៅ​នៃ​អាហ្វ្រិក​ខាង​ត្បូង​ និយាយ​ប្រាប់​ទីភ្នាក់ងារ​សារព័ត៌មាន​ក្នុង​ស្រុក​មួយ​កាល​ពី​ថ្ងៃ​ពុធ​ថា​៖

“សេដ្ឋកិច្ច​​​មិន​​ដំណើរ​ការ​ ​ក្នុង​ការ​បម្រើ​ផល​ប្រយោជន៍​ដល់​​ប្រជា​​​កម្មករ​​ភាគ​ច្រើន​​លើស​លប់​​នោះ​​ទេ​។​ វិសមភាព​កំពុង​រីង​ឡើង​ ហើយ​ភាព​ក្រីក្រ​ក៏​កាន់​តែ​​ខ្លាំង​”

លោក ​Sebei ​និយាយ​ ការ​តវ៉ា​ចង់​​ទាម​ទារ​ឱ្យ​​រដ្ឋាភិបាល​​​​តម្លើង​ប្រាក់​ឈ្នួល​​​អប្បបរមា​ដល់​ចំនួន​ ៧៣៥ ដុល្លារ​ក្នុង​មួយ​ខែ​​​ដើម្បី​ឱ្យ​កម្មករ​មាន​លទ្ធភាព​រស់​នៅ​សមរម្យ​​ ហើយ ​៧៥ ​​% ​នៃ​កម្មករ​អាហ្រ្វិក​ខាង​ត្បូង​ រក​​ចំណូល​ក្រោម​ ៣៤១​ ដុល្លារ​ ​​ហើយ​កម្មករ​ភាគ​ច្រើន​មិន​អាច​មាន​លទ្ធភាព​ទិញ​អាហារ​មូលដ្ឋាន​ និង​ចំណាយ​លើ​​ការ​ដឹក​ជញ្ជូន​ ដោយ​សារ​តែ​ប្រាក់​ឈ្នួល​ទាប​ធ្វើ​​ឱ្យ​មនុស្ស​ជា​ច្រើន​អត់​ឃ្លាន​។ ​​​ស្ថិតិ​របស់​​ប្រទេស​​បង្ហាញ​ថា​ ប្រជាជន​អាហ្វ្រិក​ខាង​ត្បូង​ប្រហែល​ ៧,៨ លាន​នាក់​ គ្មាន​ការ​ងារ​ធ្វើ។ ​ ​ទន្ទឹម​នឹង​ភាព​គ្មាន​ការ​ងារ​ធ្វើ​ ការ​ឡើង​ថ្លៃនៃ​ទំនិញ​ និង​ថាម​ពល​ ​ក៏​ធ្វើ​ឱ្យ​ការ​ចំណាយ​​​របស់​ប្រជាជន​​​ឡើង​ខ្ពស់ ដោយ​អតិផរណា​របស់​អាហ្រ្វិក​ខាង​ត្បូង​ បាន​កើន​ឡើង​ដល់​ ៧,៨ %​​ក្នុង​ខែ​កក្កដា​ ដែល​ជា​កម្រិត​ខ្ពស់​បំផុត​ចាប់​តាំង​ពី​ឆ្នាំ​ ២០០៩​។

លោក​ Azar Jammine ​ប្រធាន​សេដ្ឋវិទូ​នៅ​ក្រុម​ហ៊ុន​ប្រឹក្សា ​Econometrix និយាយ​ថា​​មូលហេតុ​ចម្បង​ជាក់​ស្តែងនៃ​​កំណើន​អតិផរណា​នេះ​​

“គឺ​ការ​កើន​ឡើង​យ៉ាង​ខ្លាំង​នៃ​តម្លៃ​ប្រេង​ឥន្ធនៈ​នៅ​ដើម​ខែ​កក្កដា​ និង​ការ​កើន​ឡើង​តម្លៃ​ម្ហូប​អាហារ​ជា​បន្ត​បន្ទាប់​ ដែល​ជា​លទ្ធផល​នៃ​ការ​លុក​លុយ​របស់​រុស្ស៊ី​លើ​អ៊ុយក្រែន​ និង​ការ​បញ្ឈប់​ការ​នាំ​ចេញ​ស្បៀង​អាហារ​ចាប់​ពីចុ​ង​ខែ​កក្កដា​ រហូត​ដល់​ថ្មី​ៗនេះ​ ដែល​ជំរុញ​ឱ្យ​តម្លៃទំនិញ​ជាសកល​កើន​ឡើង​”

​​ក្រុម​អ្នក​តវ៉ា​កាល​ពី​ថ្ងៃ​ពុធ​ស្រែក​ថា​៖ «​ត្រូវ​និយាយ​ថា​ទេ​ចំពោះ​អតិផរណា​ខ្ពស់​»​ និង​«​បញ្ឈប់​ការ​កើន​ឡើង​យ៉ាង​ខ្លាំង​នៃ​តម្លៃ​ប្រេង​ឥន្ធនៈ​»​។​ ក្នុង​ក្រុងPretoria ​ អ្នក​ដែល​​កាន់​បដា​ដែល​និយាយ​ថា​«​បញ្ឈប់​ការ​យក​ពន្ធ​លើ​មុខ​ទំនិញ​ម្ហូប​អាហារ​ជា​មូលដ្ឋាន​»​ បាន​ច្រៀង​នៅ​ពេល​ពួក​គេ​ដើរ​កាត់​កណ្តាល​ទីក្រុង​​​ឆ្ពោះ​ទៅ​កាន់ ​Union Buildings ដែល​មាន​ការិយាល័យ​ប្រធានាធិបតី​អាហ្វ្រិក​ខាង​ត្បូង​លោក ​Cyril Ramaphosa។ ​

កាល​ពី​ខែ​មុន​ ធនាគារ​កណ្តាល​របស់​ប្រទេស​ បាន​ផ្តល់​នូវ​ការ​ដំឡើង​អត្រា​ការ​ប្រាក់​ដ៏​ធំ​បំផុត​របស់​ខ្លួន​ក្នុង​រយៈ​ពេល​២០​ ឆ្នាំ ​ដើម្បី​ព្យាយាម​ទប់​ស្កាត់​អតិផរណា​។ ​​ប៉ុន្តែ​ក្រុម​សហជីព​ធំ​ៗ​ ដែល​ដឹក​នាំ​ការ​តវ៉ា​ទាំង​២កាល​ពី​ថ្ងៃ​ពុធ​​ ​បាន​ជំរុញ​ឱ្យ​រដ្ឋា​ភិបាល​ ធ្វើ​អន្តរាគមន៍​ដើម្បី​កាត់​បន្ថយ​តម្លៃ​ប្រេង​ឥន្ធនៈ​និង​កាត់​បន្ថយ​អត្រាការ​ប្រាក់ជាដើម​។

​កូដកម្ម​ទូទាំង​ប្រទេស​នេះ​ រៀប​ចំ​ឡើង​នៅ​ពេល​ដែល​អាហ្រ្វិក​ខាង​ត្បូង​ប្រឈម​មុខ​នឹង​ផល​ប៉ះ​ពាល់​សេដ្ឋកិច្ច​នៃបញ្ហា​ពិភព​លោក​សំខាន់​ៗ​ដូច​ជា​ វិបត្តិ​កូវីដ-១៩​​និង​សង្គ្រាម​នៅ​អ៊ុយក្រែន​។​ ខណៈ​ក្រុម​អ្នក​តវ៉ា​ធ្វើ​កូដកម្ម​បិទ​ប្រទេស​ រដ្ឋាភិបាល​មិន​បាន​ចេញ​ប្រតិតកម្ម​យ៉ាង​ណា​ទេ​ ប៉ុន្តែ​​ព្រមាន​មន្ត្រី​រាជ​ការ​ណា​ដែល​ចូល​រួម​សកម្ម​ភាព​នេះ​ នឹង​ត្រូវ​ប្រឈម​មុខ​នឹង​កា​រ​អនុវត្ត​ច្បាប់​ «អត់​ធ្វើ​ការ​ កាត់​ប្រាក់​ខែ​»។

កាល​ពី​ខែ​កក្កដា​ ​អតីត​ប្រធានាធិបតី​អាហ្វ្រិក​ខាង​ត្បូង​ លោក ​Thabo Mbeki ​ដែល​ដឹក​នាំ​ប្រទេស​ចន្លោះ​ពីឆ្នាំ​ ១៩៩៧ ទៅ​ ២០០៧ បាន​រិះ​គន់​យ៉ាង​ខ្លាំង​លើរដ្ឋាភិបាល​លោក​ ​​Ramaphosaចំពោះ​ការ​បរាជ័យ​ក្នុង​ការ​ដោះ​ស្រាយ​​​ភាព​ក្រីក្រ ​ភាព​អត់​ការងារ​ធ្វើ​ និង​វិសម​ភាព​។​

លោក Mbeki ​និយាយ​ថា ​រដ្ឋាភិបាល​ហាក់​ដូច​ជា​មិន​មាន​ផែនការ​ដោះ​ស្រាយ​បញ្ហា​ទាំង​នេះ​ ដោយ​ព្រមាន​ថា​ការ​កើន​ឡើង​នៃ​ភាព​ក្រីក្រ​ និង​ភាព​លំបាក​ អភិបាល​កិច្ច​មិន​ល្អ ​និង​ភាព​គ្មាន​ច្បាប់​ដែល​កើន​ឡើង​ អាចធ្វើ​ឱ្យ​អាហ្រ្វិក​ខាង​ត្បូង​ធ្លាក់​ទៅ​ក្នុង​​​វិបត្តិ​ដូច​ «​​បដិវត្ត​និទាឃ​រដូវ​អារ៉ាប់​»​។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម

យល់ដឹងពីគំនិតអាជីវកម្មមួយចំនួននៅក្រៅប្រទេសដែលមានភាពរឹងម៉ាំទៅនឹងវិបត្តិសេដ្ឋកិច្ច

ព្រឹត្តិការណ៍, អាជីវកម្មថ្មី និងនវានុវត្ត

• 23/07/2024

នៅក្នុងអំឡុងពេលវិបត្តិសកល មានក្រុមហ៊ុនខ្លះខាតបង់ធ្លាក់ចំណូល និងខ្លះទៀតឈានទៅដល់បិទទ្វារក៏មាន ប៉ុន្តែមានអាជីវកម្មខ្លះនៅតែអាចដំណើរការល្អ និងទាញបានប្រាក់ចំណេញ

វិវាទដីធ្លីជិត ១ម៉ឺន ៤ពាន់ ករណីបានត្រូវដោះស្រាយ

ព្រឹត្តិការណ៍, អចលនទ្រព្យ

• 23/07/2024

ពីឆ្នាំ២០២៣គិតមកដល់ពេលបច្ចុប្បន្ន ក្រសួងដែនដីបានដោះស្រាយវិវាទដីធ្លីសម្រេចជាង១៣០០០ករណី ស្មើនឹងជិត៩០​ភាគ​រយនៃជម្លោះ

ក្រសួងដែនដី រៀបចំកិច្ច​ប្រជុំជាមួយ​វិស័យ​ឯកជន​ក្នុងវិស័យ​សំណង់ និង​អច​លនទ្រព្យ​ ដើម្បី​រកបញ្ហា​ និ​ងដំណោះស្រាយ

ព្រឹត្តិការណ៍, អចលនទ្រព្យ

• 23/07/2024

ក្នុងគោលដៅជំរុញការ​អភិវឌ្ឍ​វិស័យ​សំណង់ ​និងអចលនទ្រព្យ ក្នុងប្រទេស​កម្ពុជា​បន្ថែម ក្រសួង​រៀបចំដែន ​និងវិស័យឯកជន ​បានជួ​បពិភាក្សារកដំណោះស្រាយរួមគ្នា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ប្រព័ន្ធធនាគារនៅកម្ពុជាបន្តរក្សាបានភាពធន់ និងរឹងមាំ

ព្រឹត្តិការណ៍, ហិរញ្ញវត្ថុ

• 23/07/2024

ប្រព័ន្ធធនាគារនៅកម្ពុជាបន្តរក្សាបានភាពធន់ និងភាពរឹងមាំ ខណៈសេដ្ឋកិច្ចពិភពលោកនៅមិនទាន់ប្រាកដប្រជា

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល