ស្វែងយល់ពីទំនាក់ទំនងសេដ្ឋកិច្ចរវាងប្រទេសចិន និង កោះតៃវ៉ាន់

បើទោះបីជាមានបញ្ហារង្គោះរង្គើររវាងប្រទេសចិន និងកោះតៃវ៉ាន់ ប៉ុន្តែសម្រាប់វិស័យសេដ្ឋកិច្ចរបស់ពួកគេទាំងពីរនៅតែបន្តមានទំនាក់ទំនងជាមួយគ្នា ព្រោះប្រទេសចិនគឺជាដៃគូពាណិជ្ជកម្មដ៏សំខាន់បំផុតរបស់កោះតៃវ៉ាន់ ហើយបន្ទាប់មកគឺសហរដ្ឋអាមេរិក ដោយក្នុងនោះប្រមាណជាង ៤២% នៃការនាំចេញរបស់តៃវ៉ាន់ត្រូវបានបញ្ជូនទៅកាន់គោលដៅនៃប្រទេសចិន ហើយនាំចូលពីប្រទេសចិនត្រឡប់មកវិញប្រមាណ ២២% ។

នៅឆ្នាំ២០២០ ទំនិញ និងសេវាកម្មមានតម្លៃ ១៦៦ ពាន់លានដុល្លារត្រូវបានផ្លាស់ប្តូររវាងចិន និងកោះតៃវ៉ន់ ហើយបើគិតពីឆ្នាំ១៩៩១ ដល់​ឆ្នាំ ២០២១ កោះតៃវ៉ាន់ក៏​ស្ថិត​ក្នុង​ចំណោម​វិនិយោគិន​កំពូល​នៅខាងចិន​ដី​គោក ដោយ​បាន​វិនិយោគ ១៩៤ ពាន់​លាន​ដុល្លារ​​​ទៅលើគម្រោងផ្សេងៗ ដូចជា រោងចក្រ Chipmaker Foxconn ក្រុមហ៊ុនផលិតតាមកិច្ចសន្យាផលិត iPhones សម្រាប់ Apple, ស្មាតហ្វូន Galaxy សម្រាប់ Samsung និងហ្គេមសម្រាប់ Sony ដែលមានរោងចក្រទូទាំងប្រទេសចិន។ ប៉ុន្តែ​ ដោយសារមានបញ្ហាខ្លះៗពីការទទួលរងនូវទណ្ឌកម្មពី​ចិន​ បច្ចុប្បន្ននេះ ផលិតផលជាច្រើនមុខ ជាពិសេសផ្នែកកសិផល ត្រូវបានរដ្ឋាភិបាលចិនសម្រេចផ្អាកការនាំចូលដែលមានក្រុមហ៊ុនសរុបជាង១០០កំពុងទទួលរងនូវផលប៉ះពាល់។ មួយវិញទៀត ការ​នាំ​ចូល​ខ្សាច់​ពី​ប្រទេស​ចិនសម្រាប់​តៃវ៉ាន់ ក៏ត្រូវបានផ្អាកផងដែរ ដែល​កំពុងជះឥទ្ធិពលទៅដល់វិស័យសំណង់ និងការសាងសង់។

សូមបញ្ជាក់ផងដែរថា វិស័យឧស្សាហកម្ម​ផ្នែក​បច្ចេកវិទ្យា គឺមាន​សារៈសំខាន់​ណាស់សម្រាប់​តៃវ៉ាន់ ​ដែលពឹងផ្អែកលើការនាំចេញ និងជាប្រភពចំណូលរូមចំណែកប្រហែល ៧០% នៃសេដ្ឋកិច្ចរបស់ខ្លួន។ កាលពីឆ្នាំ២០២១ ផលិតផលក្នុងស្រុកសរុបសម្រាប់មនុស្សម្នាក់(GDP)នៅក្នុងប្រទេសចិនមានប្រមាណ ១២ ២៥៩ ដុល្លារ ហើយនៅកោះតៃវ៉ាន់វាខ្ពស់ជាង ៣ដងគឺ ៣៣ ៧៧៥ ដុល្លារ។

វិស័យបច្ចេកវិទ្យារបស់កោះតៃវ៉ាន់ មានកម្រិតខ្ពស់ជាងពាក់កណ្តាលនៃការនាំចេញរបស់ខ្លួនដែលបង្ហាញថា វានេះមានសារៈសំខាន់យ៉ាងខ្លាំងចំពោះពិភពលោកទាំងមូល រួមទាំងប្រទេសចិនផងដែរ។ ប្រទេសចិនផ្គត់ផ្គង់វត្ថុធាតុដើមសំខាន់ៗ ដូចជា រ៉ែកម្រ និងសមាសធាតុអេឡិចត្រូនិកដែលផលិតក្នុងកម្រិតទាប ខណៈពេលដែលកោះតៃវ៉ាន់បាននាំចេញសារធាតុអុបទិក និងបន្ទះឈីបកម្រិតខ្ពស់ ដើម្បីផ្គត់ផ្គង់ដល់កង្វះខាតផ្នែកបច្ចេកវិទ្យារបស់ប្រទេសចិន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ