សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី RT បានរាយការណ៍ថា រដ្ឋាភិបាលសហរដ្ឋអាមេរិកកំពុងពិចារណាលើការហាមឃាត់ទាំងស្រុងលើអាលុយមីញ៉ូមរបស់រុស្ស៊ី ដោយផ្តោតលើជម្រើសចំនួន ៣ ដូចជា ការហាមឃាត់ទាំងស្រុង ការដំឡើងពន្ធដល់កម្រិត និងការដាក់ទណ្ឌកម្មក្រុមហ៊ុន Rusal របស់រុស្ស៊ីដែលផលិតលោហៈ។
ផែនការនៃការដាក់ទណ្ឌកម្មដោយអាមេរិកទៅលើអាលុយមីញ៉ូមរបស់រុស្ស៊ី វាអាចនាំឲ្យរំខានអ្នកផ្គត់ផ្គង់ផ្សេងៗទូទាំងពិភពលោក។ អ្នកជំនាញខាងឧស្សាហកម្មបានព្រមានថា ផែនការបែបនេះអាចធ្វើឲ្យទីផ្សារលោហៈមានអស្ថិរភាពនៅជុំវិញពិភពលោក។ ការដាក់ទណ្ឌកម្មលើអាលុយមីញ៉ូម ដែលជាកត្តាសំខាន់សម្រាប់ឧស្សាហកម្មធុនធ្ងន់ភាគច្រើន អាចនឹងបង្ខំឲ្យអ្នកប្រើប្រាស់នៅសហរដ្ឋអាមេរិក និងប្រទេសផ្សេងទៀតឱ្យប្រញាប់ប្រញាល់ស្វែងរកលោហៈជំនួស។
តម្លៃអាលុយមីញ៉ូមបានកើនឡើង ៧ភាគរយបន្ទាប់ពីលេចឮព័ត៌មាននៃការដាក់ទណ្ឌកម្មលើការផ្គត់ផ្គង់របស់រុស្ស៊ី ខណៈដែលកាលពីសប្តាហ៍មុន LME ( London Metal Exchange) ដែលជាហាងឆេងលោហធាតុដ៏ធំបំផុតនៅក្នុងពិភពលោកបានចាប់ផ្តើមពិភាក្សាថា តើលោហៈរុស្ស៊ីគួរតែត្រូវបានហាមឃាត់ពីទីផ្សារដែរឬទេ?
គួរឲ្យដឹងដែរថា ប្រទេសរុស្ស៊ី គឺជាប្រទេសផលិតអាលុយមីញ៉ូមធំជាងគេទីពីររបស់ពិភពលោកបន្ទាប់ពីប្រទេសចិន។ យោងទៅតាមទិន្នន័យដែលដកស្រង់ដោយ Bloomberg បានបង្ហាញថា នៅក្នុងសហរដ្ឋអាមេរិកតែមួយទទួលបានការផ្គត់ផ្គង់របស់រុស្ស៊ីជាធម្មតាមានចំនួនប្រហែល ១០ ភាគរយនៃការនាំចូលអាលុយមីញ៉ូមសរុប ហើយរុស្ស៊ីជាអ្នកនាំចេញអាលុយមីញ៉ូមធំជាងគេទី៣ ទៅកាន់សហរដ្ឋអាមេរិកកាលពីខែសីហាកន្លងទៅនេះ៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content