សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាលពីខែសីហាកន្លងទៅនេះ ប្រធានាធិបតីអាមេរិក លោក Joe Biden បានចុះហត្ថលេខាលើច្បាប់កាត់បន្ថយអតិផរណា ដែលលោកបានហៅថា ជាការវិនិយោគដែលប្រើទុនធំជាងគេបំផុត ដើម្បីប្រយុទ្ធប្រឆាំងនឹងការប្រែប្រួលអាកាសធាតុ ដើម្បីជួយកាត់បន្ថយការបំភាយឧស្ម័ននៅទូទាំងគ្រប់វិស័យនៃសេដ្ឋកិច្ចរបស់អាមេរិក ហើយវាក៏បានជួយបង្កើតការងារដែលទទួលបានប្រាក់កម្រៃល្អផងដែរ។ ជាមួយគា្ននេះ គេក៏បានហៅការងារនេះថា ‘’ការងារនៅក្នុងវិស័យថាមពលស្អាត’’ ដែលជាលទ្ធផលមួយពីការវិនិយោគក្រោមទឹកប្រាក់ ៣៦៩ ពាន់លានដុល្លារ។
ការងារនៅក្នុងវិស័យថាមពលស្អាត គឺសំដៅទៅលើការងារទាំងឡាយណា ដែលផលិតគ្រឿងសម្ភារៈបរិក្ខារ ឬ ការផ្ដល់សេវាដែលផ្តោតទៅលើការអភិរក្សការពារធនធានធម្មជាតិ ដូចជាឧស្សាហកម្មផលិតសូឡាស្រូបពន្លឺព្រះអាទិត្យ និងទួរប៊ីនថាមពលខ្យល់ជាដើម។ ដូចនេះ វាមានតម្រូវការដែលទាមទារខ្ពស់សម្រាប់វិស្វករ និងអ្នកវិទ្យាសាស្រ្តផ្នែកបរិស្ថាន ក្នុងការជួយរចនាបន្ទះសូឡាស្រូបយកពន្លឺព្រះអាទិត្យ និងទួរប៊ីនថាមពលខ្យល់។
យោងតាមការវិភាគរបស់វិទ្យាសា្ថនស្រាវជ្រាវផ្នែកនយោបាយសេដ្ឋកិច្ច UMass Amherst បានឱ្យដឹងថា ការងារនៅក្នុងវិស័យថាមពលស្អាតប្រហែល ៩ លាននឹងកើនឡើងក្នុងរយៈពេលមួយទសវត្សរ៍ខាងមុខ ដែលភាគច្រើនគឺពាក់ព័ន្ធខាងដំឡើងបច្ចេកទេសសម្រាប់ទាំងថាមពលពន្លឺព្រះអាទិត្យ និងថាមពលខ្យល់ ហើយក៏មានតម្រូវការខ្ពស់សម្រាប់ខាងអ្នកវិទ្យាសាស្ត្រ និងអ្នកឯកទេសបរិស្ថានផងដែរ។
ការងារក្នុងវិស័យថាមពលស្អាតត្រូវផ្តល់ជូនថ្លៃពលកម្មយ៉ាងហោចណាស់ ២ ដុល្លារបន្ថែមទៀតក្នុងមួយម៉ោង ឬ ជិត ១០ ភាគរយបន្ថែមទៀតពីលើថ្លៃពលកម្មដែលជាមធ្យម ២៣,៨៦ ដុល្លារក្នុងមួយម៉ោង។ ជាក់ស្តែង នៅក្នុងមួយឆ្នាំ អ្នកដំឡើងថាមពលព្រះអាទិត្យអាចរកចំណូលបានប្រហែល ៤៧ ០០០ ដុល្លារ អ្នកបច្ចេកទេសទួរប៊ីនថាមពលខ្យល់ប្រហែល ៥២ ០០០ និងវិស្វករប្រហែល ១០០ ០០០ ដុល្លារ។
ជាធម្មតា ការងារខាងផ្នែកដំឡើងសូឡាត្រូវការតែសញ្ញាបត្រមបញ្ចប់វិទ្យាល័យប៉ុណ្ណោះ ឯខាងបច្ចេកទេសទួរប៊ីនត្រូវការការបណ្តុះបណ្តាលកម្រិតខ្ពស់បន្ថែមទៀត ដែលជាវិញ្ញាបនបត្របញ្ចប់មហាវិទ្យាល័យបច្ចេកទេស ឬ សហគមន៍។ ការងារដែលមានប្រាក់ខែខ្ពស់បំផុតនោះគឺអ្នកវិទ្យាសាស្ត្រ ឬ វិស្វករខាងផ្នែកបរិស្ថាន ដែលត្រូវការសញ្ញាបត្រមហាវិទ្យាល័យរយៈពេល ២ ឬ ៤ ឆ្នាំ។
នៅសហរដ្ឋអាមរិក ការងារក្នុងវិស័យបៃតងភាគច្រើនត្រូវបានបង្កើតឡើងដើម្បីផ្គត់ផ្គង់ថាមពលកកើតឡើងវិញ ព្រមទាំងបង្កើតលើកទឹកចិត្តក្នុងការសាងសង់ហេដ្ឋារចនាសម្ព័ន្ធសម្រាប់ថាមពលស្អាតផងដែរ។ រដ្ឋមួយចំនួនដែលមានពន្លឺព្រះអាទិត្យខ្លាំងល្អក្នុងការផលិតបន្ទះសូឡាស្រូបពន្លឺព្រះអាទិត្យមានដូចជា កាលីហ្វ័រញ៉ា ណេវ៉ាដា ញូម៉ិចស៊ិក យូថាហ៍ តិចសាស់ ផ្លរីដា និងខូឡូរ៉ាដូ។ រដ្ឋខារ៉ូលីណាខាងជើង ញូវយ៉ក និង ម៉ាសាឈូសេត ត្រូវបានលើកទឹកចិត្តដើម្បីបង្កើនសក្តានុពលសម្រាប់ការប្រើប្រាស់ថាមពលស្អាត ហើយរដ្ឋតិចសាស់ គឺជារដ្ឋកំពូលមួយខាងផ្នែកការងារថាមពលខ្យល់៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ថៃ រឹបអូសសំណល់អេឡិចត្រូនិកខុសច្បាប់របស់អាមេរិកជាង២០០តោន នៅផែទំនិញក្នុងទីក្រុងបាងកក
ព្រឹត្តិការណ៍, អាជីវកម្មថ្មី និងនវានុវត្ត
• 16/05/2025
ក្រុមមន្ត្រីជំនាញនៃប្រទេសថៃកាលពីថ្ងៃពុធសប្តាហ៍នេះបានប្រកាសថា ខ្លួនបានបើកប្រតិបត្តិការបង្ក្រាប និងរឹបអូសបានប្រភេទសំណល់អេឡិចត្រូនិកដែលនាំចូលពីប្រទេសអាមេរិកក្នុងបរិមាណរហូតដល់ទៅ ២៣៨តោន នៅឯផែស្តុកទំនិញនាទីក្រុងបាងកក
ការលក់រថយន្តចិន BYD យកឈ្នះលើក្រុមហ៊ុនរថយន្តជប៉ុន Toyota នៅក្នុងប្រទេសសឹង្ហបុរី
ព្រឹត្តិការណ៍, អាជីវកម្មថ្មី និងនវានុវត្ត
• 16/05/2025
BYD លក់រថយន្តបានចំនួន ៣ ០០២ គ្រឿង ឬ ស្មើរនឹង ២០% នៃការលក់រថយន្តសរុបនៅក្នុងប្រទេសសិង្ហបុរីក្នុងរយៈពេលបួនខែដំបូងក្នុងឆ្នាំនេះ និងបានយកឈ្នះក្រុមហ៊ុនតូយ៉ូតាដែលលក់រថយន្តចំនួន ២ ០៥០ គ្រឿង
ចិនចាប់ផ្តើមសិក្សាពីហានិភ័យនៃរោងចក្រនុយក្លេអ៊ែរទាំង១០០កន្លែងប្រសិនបើមានករណីសង្គ្រាមផ្ទុះឡើង
ព្រឹត្តិការណ៍, អាជីវកម្មថ្មី និងនវានុវត្ត
• 13/05/2025
ថ្មីៗនេះ កម្លាំងកងទ័ពចិន ហៅកាត់ថា PLA (China's People's Liberation Army) បានបង្ហាញនូវក្តីព្រួយបារម្ភយ៉ាងខ្លាំងអំពីសុវត្ថិភាពនៃរោងចក្រនុយក្លេអ៊ែរទាំងឡាយរបស់ខ្លួនក្នុងករណីប្រសិនបើមានករណីជម្លោះដោយយោធាណាមួយផ្ទុះឡើងនាពេលអនាគត
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឥណ្ឌា បង្ហាញមហិច្ឆតាកាន់តែច្បាស់ក្នុងការបង្កើនថាមពលស្អាតទ្វេដងត្រឹមឆ្នាំ២០៣០ តាមរយៈកញ្ចប់ជំនួយហិរញ្ញវត្ថុសរុបដល់ទៅ ៣៨៦ពាន់លានដុល្លារ
មហិច្ឆតាក្លាយជាមហាអំណាចថាមពលស្អាតរបស់ចិន អាចសម្រេចគោលដៅមុនផែនការដល់ទៅ៦ឆ្នាំ
Account
Security
Favourite Content