យុទ្ធសាស្ត្រគន្លឹះ ៦យ៉ាងអាចជួយឱ្យក្រុមគ្រួសារកាត់បន្ថយចំណាយប្រាក់បានកាន់តែមានប្រសិទ្ធភាព

ភ្នំពេញ ៖ ការ​មាន​គ្រួសារ និង​ចិញ្ចឹម​កូន ​គឺត្រូវចំណាយប្រាក់ច្រើនណាស់ រាប់ចាប់តាំងពីការថែទាំកូន ការអប់រំ តម្រូវការលំនៅឋាន និងអាហារ ថ្លៃការចិញ្ចឹមកូន ឬការចំណាយលើផ្នែកផ្សេងៗច្រើនផ្សេងៗដែលតម្រូវឱ្យចំណាយខ្ពស់ជាងកាលពីមុន ជាពិសេស ក្រោយពេលកើតមានជំងឺរាតត្បាតសកលកូវីដ-១៩នេះ កាន់តែបង្កផលលំបាកជាច្រើនសម្រាប់ឪពុកម្តាយនារយៈពេលប៉ុន្មានឆ្នាំចុងក្រោយនេះ។

យោងតាមការស្ទង់មតិឆ្នាំ២០២០ ដែលធ្វើឡើងដោយស្ថាប័ន American Academy of Pediatrics បានរកឃើញថា ឪពុកម្តាយ ៤០ ភាគរយបានឱ្យដឹងថា ស្ថានភាពហិរញ្ញវត្ថុគ្រួសាររបស់ពួកគេត្រូវបានរងផលប៉ះពាល់ជាអវិជ្ជមានដោយជំងឺកូវីដ១៩ ចន្លោះខែមីនាដល់ខែវិច្ឆិកាឆ្នាំ ២០២០។ ការរៀនពីផ្ទះរបស់កូនៗក៏បានបង្ហាញពីបន្ទុកហិរញ្ញវត្ថុផងដែរ។ ជាក់ស្ដែង ការស្ទង់មតិឆ្នាំ២០២០ ដោយក្រុមហ៊ុន Credit Karma បានរកឃើញថា ២៥% នៃឪពុកម្តាយដែលបានស្ទង់មតិបានជំពាក់បំណុលគេដើម្បីផ្គត់ផ្គង់ការរៀនសូត្រពីចម្ងាយរបស់កូនពួកគេ។

ក្រឡេកមើលការចំណាយរបស់គ្រួសារអ្នក និងស្វែងរកអ្វីដែលត្រូវកំណត់រឿងអាទិភាពអាចជួយអ្នកឱ្យចំណាយតិច និងសន្សំប្រាក់ឱ្យបានកាន់តែច្រើនសម្រាប់គ្រាអាសន្នណាមួយ។ មិនថាស្ថានភាពហិរញ្ញវត្ថុគ្រួសាររបស់អ្នកបានរងផលប៉ះពាល់ ដោយសារជំងឺរាតត្បាត ឬអ្នកជួបនឹងផលលំបាកក្នុងការសន្សំនោះទេ គន្លឹះទាំងនេះគឺជាយុទ្ធសាស្ត្រអ្នកជំនាញមួយចំនួនដើម្បីគ្រប់គ្រងការចំណាយរបស់គ្រួសារអ្នក ដូច្នេះអ្នកអាចមានសន្តិសុខហិរញ្ញវត្ថុកាន់តែរឹងមាំក្នុងរយៈពេលវែង។

១. ប្រើអ្វីដែលអ្នកមាន ហើយទិញតែអ្វីដែលអ្នកប្រើ៖ មិនថាវាជាម្ហូបអាហារ សម្លៀកបំពាក់ ឬរបស់របរផ្សេងៗទៀតដែលគ្រួសារអ្នកត្រូវការនោះទេ អ្នកព្យាយាមប្រើប្រាស់របស់របរនៅផ្ទះ ដែលអ្នកមានស្រាប់ ដូច្នេះអ្នកមិនខ្ជះខ្ជាយលុយទិញរបស់ដែលអ្នកមានស្រាប់នោះទេ។ រៀបចំផ្ទះរបស់អ្នក ហើយរៀបចំទុកដោយឡែកនូវរ​បស់ដែលគ្រួសាររបស់អ្នកត្រូវការប្រើប្រាស់ និងមិនប្រើប្រាស់។

លោកស្រី Kimberly Coleman មានកូនប្រុសជំទង់ពីរនាក់ និងជាអ្នកសរសេរប្លុកនៅ Mom In The City និយាយថា

“លុយជាច្រើនអាចសន្សំបាន ប្រសិនបើឪពុកម្តាយគ្រាន់តែឈប់ទិញរបស់ដែលគ្រួសាររបស់ពួកគេមិនប្រើប្រាស់ ឬមិនចាំបាច់។ ច្រើនដងហើយ ដែលខ្ញុំឃើញថា យើងមានរបស់របរដូចគ្នាៗ ឬជាន់គ្នា (ដូចជាអាហារ របស់របរអនាម័យជាដើម។ ការយកចិត្តទុកដាក់ចំពោះបញ្ហានេះបានជួយគ្រួសារកាត់បន្ថយការចំណាយ ដោយគ្រាន់ប្រើប្រាស់វិធានការកាត់បន្ថយការចំណាយបែបនេះប៉ុណ្ណោះ”

ការព្យាយាមទិញតែរបស់របរដែលគ្រួសារអ្នកត្រូវការដើម្បីកាត់បន្ថយការចំណាយរបស់អ្នក។ លោក Colleen McCreary ប្រធានមន្ត្រី និងជាអ្នកតស៊ូមតិផ្នែកហិរញ្ញវត្ថុនៅស្ថាប័ន Credit Karma បានឱ្យដឹងថា គួរសសេរចំណាំលើបញ្ជីរបស់របរដែលអ្នកចង់បានធៀបនឹងរបស់របរដែលអ្នកត្រូវការ ហើយត្រូវមានភាពប្រាកដប្រជាជាមួយនឹងបញ្ជីរបស់អ្នក។ ក្នុងន័យនេះ ដើម្បីកាត់បន្ថយការចំណាយ អ្នកត្រូវទិញរបស់អ្វីដែលត្រូវការប្រើប្រាស់ជាចាំបាច់ជាជាងរបស់អ្នកចង់បានដែលបង្កើនដល់ការចំណាយ។

២. រៀបចំម្ហូបអាហារដោយខ្លួនឯង ៖ តម្លៃម្ហូបអាហារជាធម្មតាគឺជាចំណែកដ៏ធំមួយនៃចំណាយថវិកាគ្រួសារ។ ការរៀបចំអាហារដោយខ្លួនឯងអាចជួយអ្នកសន្សំប្រាក់។ លោកស្រី Coleman និយាយថា លោកស្រីពិនិត្យមើលមុខម្ហូបដែលលោកស្រីមាននៅផ្ទះរួចហើយ មុននឹងទៅទិញនៅផ្សារ ហើយរៀបចំផែនការមុខម្ហូបប្រចាំសប្តាហ៍ខាងមុខ។ ការរៀបចំអាហារសម្រាប់អាហារថ្ងៃត្រង់របស់កូនអ្នក ឬអាហារពេលល្ងាចជាលក្ខណៈគ្រួសារនឹងជួយឱ្យអ្នកមិនទៅហូបអាហារនៅខាងក្រៅ ហើយនឹងជួយសន្សំសំចៃពេលវេលាទៀតផង។

៣. កាត់បន្ថយការចំណាយប្រចាំថ្ងៃដែលមិនចាំបាច់ ៖ ការចំណាយប្រចាំថ្ងៃតូចតាច ហាក់ដូចជាមិនជារឿងធំដុំនោះទេ អំឡុងពេលចាយវាយរបស់របរអ្វីមួយដែលមានតម្លៃថោកៗ ប៉ុន្តែបើគិតជាខែវិញ វាធ្វើឱ្យមានផលប៉ះពាល់យ៉ាងខ្លាំងដល់កាបូបរបស់អ្នក។ លោកស្រី Teresa Britton ម្ចាស់ប្លក់ Moms Who Save ប្រាប់ឪពុកម្តាយថា គិតពីម្ហូបអាហារ ឬកាហ្វេ ចំណីសម្រាប់កូនៗ និងអាហាររហ័ស ឬរបស់របរកំប៉ិកកំប៉ុកផ្សេងៗ ប្រហែលចំណាយខ្ទង់ ១០០ ដុល្លារ ឬច្រើនជាងនេះរៀងរាល់ខែលើការចំណាយ ‘តិចតួច’ ទាំងនេះ។ ទាំងនេះអាចបន្ថែមទៅលើការលេចធ្លាយការចំណាយដ៏ធ្ងន់ធ្ងរនៅក្នុងការរៀបចំថវិការបស់អ្នក ហើយអាចជាបំពង់បង្ហូរលុយយ៉ាងធំលើហិរញ្ញវត្ថុរបស់អ្នក ជាពិសេសនៅពេលដែលអ្នកកំពុងប្រើប្រាស់ប្រាក់ដោយប្រើប័ណ្ណឥណពន្ធ។

៤. រៀបចំថវិកាថ្ងៃពិសេសៗដូចជាខួបកំណើត ដំណើរកម្សាន្ត និងការដើរទិញឥវ៉ាន់ថ្ងៃឈប់សម្រាក ដើម្បីជៀសវាងការចំណាយលើសខ្ទង់

ការរៀបចំផែនការច្បាស់លាស់សម្រាប់ឱកាស និងព្រឹត្តិការណ៍ដែលអ្នកត្រូវចំណាយនឹងជួយអ្នកមិនឱ្យចំណាយលើសខ្ទង់។ អ្នកជំនាញលើកទឹកចិត្តឱ្យមានការសន្សំប្រាក់មុនថ្ងៃកំណើត ដំណើរកម្សាន្តជាលក្ខណៈគ្រួសារ និងថ្ងៃបុណ្យនានានាពេលខាងមុខ ដូច្នេះអ្នកមិនចាំបាច់ត្រូវការប្រាក់ច្រើននោះទេ នៅព្រឹត្តិការណ៍កើតឡើងភ្លាមៗ។

ការស្ទង់មតិឆ្នាំ២០២០ ដោយក្រុមហ៊ុន MagnifyMoney នៅអាមេរិកបានរកឃើញថា ប្រហែល ៣០% នៃអ្នកដែលបានស្ទង់មតិបានជាប់ជំពាក់បំណុលដែលមានជាមធ្យមជាង ១ ៣០០ ដុល្លារ សម្រាប់ដំណើរកម្សន្តថ្ងៃឈប់សម្រាក។ នេះជាមូលហេតុដែលត្រូវការរៀបចំផែនការចំណាយរបស់អ្នក បង្កើតកញ្ចប់សន្សំសម្រាប់ថ្ងៃបុណ្យឈប់សម្រាក ឬសម្រាប់ការដើរទិញឥវ៉ាន់។ វាជារឿងដែលយើងអាចយល់ថា យើងចង់ផ្តល់ឱ្យកូន និងគ្រួសាររបស់អ្នកនូវអ្វីគ្រប់យ៉ាង ដោយរាប់ចាប់តាំងពីការដើរកម្សាន្តរហូតការទិញឥវ៉ាន់អំឡុងថ្ងៃឈប់សម្រាក ប៉ុន្តែវាមិនគួរឱ្យមានការបង្កើនបំណុលគេនោះទេ។ សូមរួសរាន់ឡើងជាមួយនឹងការរៀបថវិកាជាមុន ហើយចាប់ផ្តើមសន្សំឥឡូវនេះ ដើម្បីកុំឱ្យអ្នកចំណាយលើសខ្ទង់។

៥. ប្រសិនបើអ្នកមានផ្ទះផ្ទាល់ខ្លួន សូមព្យាយាមសន្សំឱ្យបានច្រើន ៖ ប្រសិនបើអ្នកមានផ្ទះផ្ទាល់ខ្លួន អ្នកអាចសន្សំបានច្រើនក្នុងរយៈពេលវែង ពីការដកចេញថ្លៃជួល។ បើជាប់កម្ចីទិញផ្ទះ អ្នកគួរសងប្រាក់កម្ចីរបស់អ្នកឆាប់ ហើយអ្នកអាចសន្សំបានរាប់ម៉ឺនដុល្លារពីការប្រាក់។ អ្នកជំនាញណែនាំឱ្យប្រើម៉ាស៊ីនគណនាប្រាក់កម្ចីតាមអ៊ីនធឺណិត ដើម្បីស្វែងយល់ថា តើអ្នកនឹងសន្សំបានប៉ុន្មាន ដោយផ្អែកលើចំនួនកម្ចីទិញផ្ទះ និងការទូទាត់បច្ចុប្បន្នរបស់អ្នក។ ស្វែងរកការចំណាយណាមិនចាំបាច់ ដែលគ្រួសាររបស់អ្នកអាចកាត់បន្ថយថវិការបស់អ្នក ដើម្បីផ្តល់អាទិភាពដល់ការបង់សង់របស់អ្នកឱ្យលឿនជាងមុន។ អ្នកនឹងអរគុណខ្លួនឯងនាពេលអនាគត។

៦. ជំរុញឱ្យកូនរបស់អ្នកដឹងពីស្ថានភាពហិរញ្ញវត្ថុគ្រួសារ ៖ ការជំរុញឱ្យកូនរបស់អ្នកចូលរួមក្នុងហិរញ្ញវត្ថុគ្រួសារ អាស្រ័យលើអាយុរបស់កូនរបស់ ហើយណែនាំពួកគេឱ្យចូលរួមក្នុងកិច្ចការលុយកាក់ដែលសមស្របតាមអាយុ ដូចជាការសរសេរបញ្ជីគ្រឿងទេស ដោយផ្អែកលើថវិកាគ្រួសាររបស់អ្នក ឬបង្ហាញពួកគេពីរបៀបដែលអ្នកបញ្ជាទិញទំនិញនានា។ នៅពេលដែលអ្នកធ្វើឱ្យគ្រួសារទាំងមូលរបស់អ្នកចូលរួមកាន់ច្រើន ពួកគេនឹងយល់ពីរបៀបដែលអ្នកចំណាយ និងសន្សំជាលក្ខណៈគ្រួសារកាន់តែប្រសើរ។ វានឹងជួយកូនរបស់អ្នកបង្កើតទម្លាប់ល្អក្នុងការចាយវាយ និងរកលុយ ហើយនឹងជួយឱ្យអ្នក និងក្រុមគ្រួសាររបស់អ្នកយល់កាន់តែច្រើន នៅពេលនិយាយពីការសន្សំប្រាក់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់