ស្វែងយល់ពីប្រភពនៃការបង្កើតមូលនិធិរូបិយវត្ថុអន្តរជាតិ (IMF)

ភ្នំពេញ ៖ មូលនិធិរូបិយវត្ថុអន្តរជាតិ (IMF) គឺជាអង្គការអន្តរជាតិមួយដែលជួយជំរុញកំណើនសេដ្ឋកិច្ចពិភពលោក ស្ថិរភាពហិរញ្ញវត្ថុ ពាណិជ្ជកម្មអន្តរជាតិ និងកាត់បន្ថយភាពក្រីក្រ។ មូលនិធិរូបិយវត្ថុអន្តរជាតិត្រូវបានបង្កើតឡើងនៅឆ្នាំ១៩៤៤ ក្រោយពីវិបត្តិសេដ្ឋកិច្ចឆ្នាំ ១៩៣០។ ដោយឡែក ប្រទេសកម្ពុជាបានចូលជាសមាជិករបស់មូលនិធិរូបិយវត្ថុអន្តរជាតិ នៅថ្ងៃទី ៣១ ខែធ្នូឆ្នាំ ១៩៦៩។

ប្រទេសជាសមាជិកស្ថាបនិកចំនួន ៤៤ បានព្យាយាមបង្កើតក្របខ័ណ្ឌសម្រាប់កិច្ចសហប្រតិបត្តិការសេដ្ឋកិច្ចអន្តរជាតិ។ សព្វថ្ងៃនេះប្រទេសជាសមាជិកភាពរបស់មូលនិធិរូបិយវត្ថុអន្តរជាតិមានចំនួន ១៩០ ដោយស្ថានប័នអន្តរជាតិមួយនោះមានបុគ្គលិកមកពី ១៥០ ប្រទេស។

IMF ត្រូវបានគ្រប់គ្រងនិងទទួលខុសត្រូវចំពោះប្រទេសទាំង ១៩០ ដែលជាសមាជិកភាពនៅទូទាំងពិភពលោក។ ក្បាលម៉ាស៊ីននៃរចនាសម្ព័ន្ធរៀបចំរបស់មូលនិធិរូបិយវត្ថុអន្តរជាតិ គឺក្រុមប្រឹក្សាភិបាល។ ការងារប្រចាំថ្ងៃរបស់ IMF ត្រូវបានត្រួតពិនិត្យដោយក្រុមប្រឹក្សាប្រតិបត្តិដែលមានសមាជិក ២៤ រូបដែលតំណាងឱ្យសមាជិកភាពទាំងអស់និងគាំទ្រដោយបុគ្គលិករបស់ IMF ។ នាយកគ្រប់គ្រងគឺជាប្រធានបុគ្គលិក IMF និងជាប្រធានក្រុមប្រឹក្សាភិបាលប្រតិបត្តិ ដោយមានអនុប្រធានគ្រប់គ្រងចំនួនបួននាក់។

ធនធាន ឬទុនរបស់មូលនិធិរូបិយវត្ថុអន្តរជាតិភាគច្រើនបានមកពីប្រាក់ដែលប្រទេសនានាបង់ជាដើមទុន (កូតា) នៅពេលពួកគេក្លាយជាសមាជិក។ សមាជិកម្នាក់ៗនៃមូលនិធិរូបិយវត្ថុអន្តរជាតិត្រូវបានកំណត់កូតាដោយផ្អែកលើចំណែករបស់ខ្លួននៅក្នុងសេដ្ឋកិច្ចពិភពលោក។ បណ្តាប្រទេសនានាអាចខ្ចីប្រាក់ពីកញ្ចប់ប្រាក់នេះនៅពេលដែលពួកគេធ្លាក់ចូលក្នុងការវិបត្តិហិរញ្ញវត្ថុ។

មូលនិធិរូបិយវត្ថុអន្តរជាតិផ្តល់ប្រាក់កម្ចី រួមទាំងប្រាក់កម្ចីសង្គ្រោះបន្ទាន់ដល់ប្រទេសជាសមាជិកដែលជួបប្រទះបញ្ហាសមតុល្យនៃជញ្ជីងពាណិជ្ចកម្ម។ គោលបំណងគឺដើម្បីជួយប្រទេសជាសមាជិកក្នុងការបង្កើតទុនបម្រុងអន្តរជាតិ រក្សាស្ថិរភាពរូបិយប័ណ្ណក្នុងស្រុក បន្តបង់ប្រាក់សម្រាប់ការនាំចូល និងស្តារលក្ខខណ្ឌសម្រាប់កំណើនសេដ្ឋកិច្ចឲ្យបានរឹងមាំ ស្របពេលនៃការដោះស្រាយបញ្ហាតាមមូលដ្ឋាន។

មូលនិធិរូបិយវត្ថុអន្តរជាតិត្រួតពិនិត្យប្រព័ន្ធរូបិយវត្ថុអន្តរជាតិ និងការវិវត្តសេដ្ឋកិច្ចពិភពលោកដើម្បីកំណត់ហានិភ័យនិងណែនាំគោលនយោបាយសម្រាប់កំណើននិងស្ថិរភាពហិរញ្ញវត្ថុពិភពលោក។ មូលនិធិនេះក៏ត្រួតពិនិត្យស្ថានភាពជាប្រចាំនៃគោលនយោបាយសេដ្ឋកិច្ចនិងហិរញ្ញវត្ថុរបស់ប្រទេសជាសមាជិកទាំង ១៩០ របស់ខ្លួន។ លើសពីនេះ IMF កំណត់ហានិភ័យដែលអាចកើតមានចំពោះស្ថិរភាពសេដ្ឋកិច្ចនៃប្រទេសជាសមាជិករបស់ខ្លួននិងផ្តល់យោបល់ដល់រដ្ឋាភិបាលប្រទេសសមាជិកអំពីការកែសម្រួលគោលនយោបាយស្របតាមកាលៈទេសៈ។ បន្ថែមពីនេះ មូលនិធិរូបិយវត្ថុអន្តរជាតិផ្តល់ជំនួយបច្ចេកទេសនិងការបណ្តុះបណ្តាលដល់រដ្ឋាភិបាលប្រទេសសមាជិក រួមមានធនាគារកណ្តាល ក្រសួងហិរញ្ញវត្ថុ រដ្ឋបាលចំណូលនិងទីភ្នាក់ងារត្រួតពិនិត្យវិស័យហិរញ្ញវត្ថុ។ កិច្ចខិតខំប្រឹងប្រែងអភិវឌ្ឍ សមត្ថភាពទាំងនេះផ្តោតលើវិស័យស្នូលរបស់មូលនិធិរូបិយវត្ថុអន្តរជាតិដែលរាប់ចាប់ពីការយកពន្ធតាមរយៈប្រតិបត្តិការរបស់ធនាគារកណ្តាលរហូតដល់ការរាយការណ៍ទិន្នន័យម៉ាក្រូសេដ្ឋកិច្ច។ ការបណ្តុះបណ្តាលនេះក៏ជួយដល់ប្រទេសសមាជិកក្នុងការដោះស្រាយបញ្ហាឆ្លងដែន ដូចជាវិសមភាពប្រាក់ចំណូល សមភាពយេនឌ័រ អំពើពុករលួយ និងការប្រែប្រួលអាកាសធាតុ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។