ប្រាក់យ័នចិនបានក្លាយជារូបិយប័ណ្ណសកម្មបំផុតទី៤ សម្រាប់ការទូទាត់ជាសកល

បរទេស ៖ យោងតាមប្រភពព័ត៌មានបរទេសបានរាយការណ៍ថា ប្រាក់យ័នចិនបានក្លាយជារូបិយប័ណ្ណសកម្មបំផុតទី ៤ សម្រាប់ការទូទាត់ជាសកលគិតត្រឹមខែវិច្ឆិកា ឆ្នាំ២០២៣ ដែលជាទិន្នន័យប្រតិបត្តិការចុងក្រោយបំផុត និងត្រូវបានចងក្រងដោយសេវាផ្ញើសារហិរញ្ញវត្ថុសកល SWIFT ។

យោងតាមប្រភពដដែលបានបង្ហាញនៅក្នុងសប្តាហ៍នេះថា ប្រាក់យ័នត្រូវបានប្រើប្រាស់ក្នុងប្រតិបត្តិការ ៤,៦១ ភាគរយ កើនឡើងពី ៣,៦០ ភាគរយនៅក្នុងខែតុលា។ លើសពីនេះ វាបានយកឈ្នះលើប្រាក់យ៉េនជប៉ុន ដែលប្រតិបត្តិការប្រាក់យ៉េនជប៉ុនបានធ្លាក់ចុះពី ៣,៩១ ភាគរយមកត្រឹម ៣,៤១ ភាគរយ។ សរុបមក តម្លៃនៃការទូទាត់ប្រាក់យ័នបានកើនឡើង ៣៤,៨៧ ភាគរយ បើធៀបនឹងខែតុលា ចំណែកលក្ខខណ្ឌប្រចាំឆ្នាំរបស់ប្រាក់យ័នទូទាំងពិភពលោកបានកើនឡើងជិតទ្វេដងចាប់តាំងពីខែវិច្ឆិកា ឆ្នាំ២០២២។

ទន្ទឹមនឹងនេះដែរ រូបិយប័ណ្ណកំពូលផ្សេងទៀតរបស់ពិភពលោកបានធ្លាក់ចុះក្នុងកំឡុងខែនេះ ដោយប្រាក់ដុល្លារអាមេរិកបានធ្លាក់ចុះពី ៤៧,២៥ ភាគរយក្នុងខែតុលាមកត្រឹម​ ៤៧,០៨ ភាគរយ។ បន្ថែមពីនេះ ចំណែករបស់ប្រាក់អឺរ៉ូបានធ្លាក់ចុះពី ២៣,៣៦ ភាគរយមកត្រឹម ២២,៩៥ ភាគរយ ខណៈពេលដែលប្រាក់ផោនរបស់ចក្រភពអង់គ្លេសបានធ្លាក់ចុះពី ៧,៣៣ ភាគរយមកត្រឹម ៧,១៥ ភាគរយ។

របាយការណ៍ដដែលបាននិយាយថា ការកើនឡើងនៃកម្រិតរបស់ប្រាក់យ័ននៅក្នុងប្រតិបត្តិការឆ្លងព្រំដែនបានឆ្លុះបញ្ចាំងពីនិន្នាការរបស់ប្រទេសចិនក្នុងការចៀសឆ្ងាយពីប្រាក់ដុល្លារ ក៏ដូចជាកិច្ចខិតខំប្រឹងប្រែងរបស់ទីក្រុងប៉េកាំងក្នុងការលើកកម្ពស់ការប្រើប្រាស់រូបិយប័ណ្ណជាតិរបស់ខ្លួន។

ទន្ទឹមនឹងនេះ អ្នកសេដ្ឋកិច្ចបានបង្ហាញថា ចិនកំពុងជំរុញឱ្យមានការទូទាត់ជារូបិយប័ណ្ណផ្សេងក្រៅពីប្រាក់ដុល្លារក្នុងពាណិជ្ជកម្មជាមួយប្រទេសរុស្ស៊ី មជ្ឈិមបូព៌ា និងអាមេរិកខាងត្បូង។ មិនត្រឹមតែប៉ុណ្ណោះ គេសង្កេតឃើញថា ប្រទេសកំពុងអភិវឌ្ឍន៍ផ្សេងទៀតក៏កំពុងប្រើប្រាស់ប្រាក់យ័នពេលនាំចូលប្រេងឆៅពីរុស្ស៊ីផងដែរ។

Oleg Deripaska អ្នកជំនួញរុស្ស៊ីបាននិយាយថា ទណ្ឌកម្មរបស់លោកខាងលិចដែលដាក់លើទីក្រុងម៉ូស្គូបានជំរុញរូបិយប័ណ្ណចិន ហើយបរិមាណនៃការទូទាត់ពាណិជ្ជកម្មឆ្លងព្រំដែនជាប្រាក់យ័ននឹងលើសពីចំនួនដែលធ្វើឡើងជាប្រាក់អឺរ៉ូក្នុងរយៈពេលត្រឹមតែ ៤ ឆ្នាំប៉ុណ្ណោះ។ ចាប់តាំងពីមានទណ្ឌកម្មឆ្នាំ២០២២ មក រុស្ស៊ី និងដៃគូពាណិជ្ជកម្មក្នុងចំណោមប្រទេសកំពុងអភិវឌ្ឍន៍បានបង្កើនកិច្ចខិតខំប្រឹងប្រែងដើម្បីកាត់បន្ថយការប្រើប្រាស់ប្រព័ន្ធហិរញ្ញវត្ថុលោកខាងលិច ហើយជំនួសប្រាក់ដុល្លារអាមេរិក និងប្រាក់អឺរ៉ូជាមួយនឹងរូបិយប័ណ្ណផ្សេងទៀតនៅក្នុងពាណិជ្ជកម្មរបស់ខ្លួន រួមមានប្រាក់យ័នចិន ប្រាក់រូពីឥណ្ឌា និងប្រាក់ដាហាមអារ៉ាប់រួម។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។