កម្មវិធីបណ្ដុះ និងបញ្ជ្រាបចំណេះដឹងផ្នែកហិរញ្ញវត្ថុដល់កុមារកម្ពុជា ទទួលបានពានរង្វាន់ថ្នាក់តំបន់នៅប្រទេសម៉ាឡេស៊ី

ភ្នំពេញ៖ កម្មវិធី Maybank CashVille Kidz ជាកម្មវិធីមួយជួយបណ្ដុះ និងបញ្ជ្រាបចំណេះដឹងផ្នែកហិរញ្ញវត្ថុដល់កុមារកម្ពុជា ដែលបានចាប់ផ្ដើមតាំងពីឆ្នាំ២០១៧មកនោះ បច្ចុប្បន្ននេះ នៅតែបន្តដំណើរការយ៉ាងរលូន ជាពិសេសថែមទាំងបានបញ្ជូនបេក្ខជនជ័យលាភីទទួលពានរង្វាន់ថ្នាក់តំបន់នៅប្រទេសម៉ាឡេស៊ីថែមទៀតផង ។

ថ្លែងនៅមុនពេលចេញដំណើរទៅប្រទេសម៉ាឡេស៊ីនៅឯអាកាសយានដ្ឋានអន្តរជាតិភ្នំពេញ អ្នកស្រី អនហេង លក្ខិណា បេក្ខភាពជ័យលាភីនៃគ្រួសារឆ្នើមពីកម្មវិធីមួយនេះបានមានប្រសាសន៍ថា កាលពីឆ្នាំ២០២១ កូនរបស់អ្នកស្រី គឺកុមារា សម ប្រាថ្នា បានចូលរួមក្នុងកម្មវិធី CashVille Kiz ម្ដងរួចហើយ និងទទួលបានជ័យលាភីផងដែរ ។ សម្រាប់ឆ្នាំ២០២២កន្លងទៅនេះ ខាងកម្មវិធីក៏បានទាក់ទងអ្នកស្រីពីការចូលរួមប្រកួត គឺតម្រូវឱ្យមានការចូលរួមពីគ្រួសារបន្ថែម។

អ្នកស្រីបានបន្តឱ្យដឹងថា ដោយសារមានការចាប់អារម្មណ៍នឹងកម្មវិធីនេះ អ្នកស្រីក៏បានចូលរួមប្រកួតជាមួយនឹងកូនទើបទទួលបានជ័យលាភី និងមានឱកាសទៅចូលរួមទទួលរង្វាន់នៅប្រទេសម៉ាឡេស៊ីផ្ទាល់តែម្ដង។

អ្នកស្រីបន្តទៀតថា នៅក្នុងការចូលរួមនេះ អ្នករៀបចំក្មវិធីបានដាក់ជាវីឌីអូជាច្រើនមកឱ្យមើល និងឱ្យអនុវត្តន៍ទៅតាមវីឌីអូនោះ ដោយអ្នកស្រីបានពិភាក្សា និងអនុវត្តន៍ជាមួយកូន និងបានផ្ញើវីឌីអូ ដែលបានអនុវត្តន៍ទៅអ្នករៀបចំកម្មវិធីវិញ ទើបខាងកម្មវិធីបានឆ្លើយតបថាអ្នកស្រីបានជាប់ និងបានឱ្យអនុវត្តន៍ជាបន្តបន្ទាប់ទៀត ។

អ្នកស្រីបន្ថែមថា កម្មវិធីនេះគឺល្អសម្រាប់ការគ្រប់គ្រងហិរញ្ញវត្ថុ ការចាត់ចែងហិរញ្ញវត្ថុ សម្រាប់ក្រុមគ្រួសារដែលចូលរួមប្រកួតប្រជែង ក៏ដូចជាការបញ្ជ្រាបចំណេះដឹងនេះដល់កុមារពីតូចៗផងដែរ ជាពិសេស កូនតូចមានការផ្លាស់ប្តូរឥរិយាបថច្រើនពីការសុំចាយវាយតាមចិត្តមកជាការចាយវាយដោយមានការគិតគូរជាងមុន ហើយគេចាយទៅលើអ្វីដែលជាការចាំបាច់របស់គេតែប៉ុណ្ណោះ ។

លោក នង ចាន់ថន បេក្ខភាពគ្រូឆ្នើមមកពីសាលាបឋមសិក្សារស្មីកុមារនៅក្រុងសួង ខេត្តត្បូងឃ្មុំបានមានប្រសាសន៍ផងដែរថា តាមរយៈកម្មវិធី CashVille Kidz នេះ លោកបានយល់ដឹងច្រើនបន្ថែមពីចំណេះដឹងហិរញ្ញវត្ថុ ពីព្រោះកម្មវិធីតែងតែផ្ញើជាវីឌីអូឱ្យបេក្ខភាពមើល និងអនុវត្តន៍តាម ខណៈដែលលោកជាមនុស្សចូលចិត្តមើលអ្វីដែលថ្មីៗដែលផ្ដល់ចំណេះដឹង ដូច្នេះហើយទើបលោកអាចដឹងបន្ថែម និងអនុវត្តន៍ទៅតាមអ្វីដែលកម្មវិធីបានដាក់ជូន ។

លោក អាន អ៊ន នាយកសាលាបឋមសិក្សារស្មីកុមារ និងជាបេក្ខភាពនាយកសាលាឆ្នើមនៃពានរង្វាន់ CashVille Kidz ក៏បានឱ្យដឹងផងដែរថា ក្នុងចំណោមសាលាដែលចូលរួមប្រកួតទាំងអស់ ទាំងសិស្ស និងគ្រូ មកពីសាលារស្មីកុមារ គឺមានចំនួនច្រើនក្នុងការចូលរួមប្រកួតម្ដងៗ ទើបលោកបានជាប់ជានាយកឆ្នើមក្នុងចំណោមសាលាបានចូលរួមក្នុងកម្មវិធីមួយនេះ ។

លោកស្រី ហេង ធីតា អ្នកគ្រប់គ្រងទូទៅនៃក្រុមហ៊ុន Learning Vision បានមានប្រសាសន៍ឱ្យដឹងផងដែរថា កម្មវិធីចំណេះដឹងហិរញ្ញវត្ថុគឺជួយបណ្ដុះចំណេះដឹងដល់កុមារតាំងពីពួកគេនៅតូច ដើម្បីឱ្យគាត់ក្លាយជាបុគ្គលដែលមានចំណេះដឹងផ្នែកហិរញ្ញវត្ថុ មានសមត្ថភាពអាចឱ្យពួកគេជៀសផុសពីគំនាបសម្ភារៈនិយមនៅពេលដែលពួកគេធំឡើង ។ លើសពីនេះ ពេលដែលគេធំឡើងពួកគាត់អាចយកចំណេះដឹងនោះទៅគ្រប់គ្រងអាជីវកម្ម ដូចជា ដោះស្រាយបញ្ហាហិរញ្ញវត្ថុរបស់ក្រុមគ្រួសារគាត់ ។ លោកស្រីបានបន្តថា នៅប្រទេសជឿនលឿនលើពិភពលោកតែងតែបញ្ជ្រាបចំណេះដឹងហិរញ្ញវត្ថុទៅដល់សិស្សានុសិស្សតាំងពីតូចៗម្ល៉េះ ដោយឡែក នៅក្នុងប្រទេសកម្ពុជា កម្មវិធីអប់រំចំណេះដឹងហិរញ្ញវត្ថុនៅមិនទាន់មានការដាក់បញ្ចូលក្នុងកម្មវិធីសិក្សាតាមរបស់រដ្ឋទូលំទូលាយនៅឡើយ។ យ៉ាងណាក្ដី កម្មវិធីអប់រំចំណេះដឹងហិរញ្ញវត្ថុ MoneyTree  បានព្យាយាមដាក់បញ្ចូលទៅក្នុងការអប់រំនៅតាមសសាលាមួយចំនួនរួចហើយ ហើយក៏ព្យាយាមដាក់បន្ថែមទៀតតាមតែអាចធ្វើទៅបាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...