សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រូបិយបណ្ណរបស់ប្រទេសឥណ្ឌា គឺលុយរូពី Rupee អត្រាប្ដូរប្រាក់នៅថ្ងៃចន្ទសប្តាហ៍នេះបានចាប់ផ្តើមងើបឡើងភ្លាមៗធៀបទៅនឹងលុយដុល្លារ US Dollar លុយរូបិយបណ្ណរបស់អាមេរិកដែលកំពុងបន្តធ្លាក់ចុះទាបបំផុតក្នុងរយៈពេលជាង២ខែចុងក្រោយនេះ។
ចេញផ្សាយដោយកាសែតរ៉យទ័របានសរសេរថា កត្តាដែលបានធ្វើឲ្យលុយរូពីកើនឡើងក៏ដោយសារតែការធ្លាក់ចុះនៃលុយដុល្លារអាមេរិកផង ការធ្លាក់ចុះនៃអត្រាសងបំណុលជាតិអាមេរិក (Treasury yields) ផង ដែលកំពុងបន្តធ្លាក់ចុះដូចគ្នា ជាពិសេស ក្តីព្រួយបារម្ភជុំវិញកំណើនសេដ្ឋកិច្ចជាតិរបស់អាមេរិកនៅក្នុងអាណត្តិថ្មីរបស់លោកប្រធានាធិបតី Donald Trump។
នៅដើមគ្រាដែលបានកំណត់សម្រាប់ការប្រែប្រួលអត្រាប្តូរប្រាក់រយៈពេលមួយខែ (The 1-month non-deliverable) ឬ Non-Deliverable Forward (NDF) អត្រាប្តូរប្រាក់របស់លុយរូពីស្ថិតនៅចន្លោះពី ៨៦,៦ ទៅ ៨៦,៦៤ ក្នុងមួយដុល្លារអាមេរិកធៀបទៅនឹងគ្រាចាស់ដែលមានតម្លៃប្រហែលជា ៨៦,៧១ក្នុងមួយដុល្លារអាមេរិក។
តាមរយៈទិន្នន័យដែលបានបង្ហាញកាលពីថ្ងៃសុក្រសប្តាហ៍កន្លងទៅ សកម្មភាពអាជីវកម្មនានានៅទូទាំងប្រទេសអាមេរិក ស្ទើរទាំងអស់បានជួបបញ្ហាជាប់គាំងដូចគ្នានៅក្នុងខែកុម្ភៈនេះក៏ដោយសារតែភាពភ័យខ្លាចដែលបង្កឡើងដោយគោលនយោបាយ និងផែនការតម្លើងពន្ធរបស់ប្រធានាធិបតីថ្មី លោក Donald Trump ក៏ដូចជាការសម្រេចចិត្តកាត់ផ្តាច់ខ្ទង់ចំណាយធំៗរបស់រដ្ឋាភិបាលអាមេរិកជាច្រើនផង។ ជាលទ្ធផល វាក៏បានបង្ហាញឱ្យឃើញពីអត្រាចាយវាយរបស់ពលរដ្ឋអាមេរិកមានការធ្លាក់ចុះខ្លាំងគួរឲ្យកាត់សម្គាល់ ពោល គឺទាបជាងការរំពឹងទុកខ្លាំងក្នុងរយៈពេល១៥ខែចុងក្រោយ និងបានធ្វើឲ្យអត្រាអតិផរណាហក់ឡើងវិញយ៉ាងខ្លាំង។
គួរឲ្យដឹងដែរថា ក្រៅពីលុយរូពីរបស់ឥណ្ឌាដែលកំពុងមានភាពល្អប្រសើរនៅលើទីផ្សារប្ដូរប្រាក់សកលនោះ គេក៏មើលឃើញដែរថា សូម្បីតែលុយអឺរ៉ូ EUR ក៏ចាប់ផ្តើមងើបឡើងវិញផងដែរធៀបទៅនឹងលុយដុល្លារអាមេរិក គឺងើបឡើងភ្លាមៗក្រោយពេលដែលលទ្ធផលបោះឆ្នោតនៅអាល្លឺម់ង់ត្រូវបានប្រកាសជាផ្លូវការ ហើយចំណែកឯលុយរបស់ប្រទេសក្នុងតំបន់អាស៊ីមួយចំនួនក៏បានហក់ឡើងខ្ពស់ជាងមុនដូចគ្នាផងដែរ៕
Account
Security
Favourite Content