fbpx

ចំណេះដឹងហិរញ្ញវត្ថុ ៖ តើអ្វីជាចលនា F.I.R.E ?

ភ្នំពេញ ៖ F.I.R.E គឺជាអក្សរកាត់នៃឃ្លាជាភាសាអង់គ្លេសពេញថា Financial Independence, Retire Early ដែលយើងអាចបកប្រែជាខេមរភាសាថា ឯករាជ្យភាពផ្នែកហិរញ្ញវត្ថុ ការចូលនិវត្តន៍មុនកាលកំណត់។ ឯករាជ្យភាពផ្នែកហិរញ្ញវត្ថុ ការចូលនិវត្តន៍មុនកាលកំណត់ នេះ គឺជាចលនាមួយដែលគេផ្តោតខ្លាំងលើការសន្សំប្រាក់យកទៅការវិនិយោគក្នុងគោលបំណងដើម្បីមានលទ្ធភាពគ្រប់គ្រាន់ក្នុងការចូលនិវត្តន៍លឿនជាងធម្មតា។

ចលនានេះកើតចេញពីសៀវភៅដែលលក់ដាច់បំផុតក្នុងឆ្នាំ១៩៩២ មានចំណងជើងជាភាសាអង់គ្លេសថា Your Money or Your Life (បកប្រែជាភាសាខ្មែរថា ប្រាក់របស់អ្នក ឬជីវិតអ្នក) និពន្ធដោយលោក Vicki Robin និង Joe Dominguez ។ គំនិតស្នូលមួយនៃចលនា FIRE នេះគឺថាគេត្រូវវាយតម្លៃរាល់ថ្លៃនៃការចំណាយ ទៅនឹងចំនួនម៉ោងធ្វើការដែលត្រូវទូរទាត់ថ្លៃចំណាយនោះ។

ជាធម្មតាពេលវេលាចូលនិវត្តន៍របស់អ្នកធ្វើការរដ្ឋឬឯកជនគឺនៅអាយុ៦0ឆ្នាំជាមធ្យម នាសម័យបច្ចុប្បន្ននេះ។ គោលដៅនៃអ្នកដើរតាមចលនា F.I.R.E គឺដើម្បីមានសេរីភាពហិរញ្ញវត្ថុ និងអាចចូលនិវត្តន៍មុនអាយុ៦០ឆ្នាំ។ ដើម្បីសម្រេចបានគោលដៅនេះ គេត្រូវលះបង់ការចំណាយផ្សេងៗនិងត្រូវសន្សំរហូតដល់ ៧០% នៃប្រាក់ចំណូលរបស់ខ្លួន។ តាមរយៈការសន្សំប្រាក់យ៉ាងច្រើនបែបនេះ ធ្វើឲ្យទំហំប្រាក់សម្រាប់យកទៅវិនិយោគក៏មានចំនួនច្រើនដូចគ្នា។ អ្នកដើរតាមចលនានេះសង្ឃឹមថានឹងអាចឈប់ពីការងាររបស់ពួកគេក្នុងពេលកំណត់មួយ មុនវ័យចាស់ជរា ហើយបន្តរស់នៅដោយការដកប្រាក់បន្តិចបន្តួចប្រចាំខែឬប្រចាំឆ្នាំពីផលប័ត្ររបស់ពួកគេសម្រាប់ការចំណាយរស់នៅប្រចាំថ្ងៃ។

អ្នកធ្វើតាមចលនា F.I.R.E នេះភាពច្រើនជាយុវជនក្រុម Millennials ដែលមានឆ្នាំកំណើតចន្លោះឆ្នាំ១៩៨១ ដល់ឆ្នាំ១៩៩៦។ ពួកគេរស់នៅក្នុងភាពសន្សំសំចៃខ្លាំងដោយចាយតែ ៣០% នៃប្រាក់ចំណូលប្រចាំឆ្នាំរបស់ពួកគេ និងរក្សាទុក ៧០% សម្រាប់សន្សំនិងវិនិយោគ។ នៅពេលដែលប្រាក់សន្សំរបស់ពួកគេឈានដល់ប្រហែល ៣០ ដងនៃការចំណាយប្រចាំឆ្នាំរបស់ពួកគេ ឬប្រហែល ១ លានដុល្លារអាមេរិក នោះគេអាចនឹងឈប់ពីការងារប្រចាំថ្ងៃរបស់ពួកគេ ឬចូលនិវត្តន៍តែម្តង។

ដើម្បីរ៉ាប់រងការចំណាយលើការរស់នៅរបស់ពួកគេបន្ទាប់ពីចូលនិវត្តន៍នៅវ័យក្មេងបែបនេះ អ្នកធ្វើតាមចលនា FIRE ដកប្រាក់បន្តិចបន្តួចពីការសន្សំរបស់ពួកគេ ជាធម្មតាប្រហែលពី ៣% ទៅ ៤% នៃសមតុល្យប្រចាំឆ្នាំ។ អាស្រ័យលើទំហំនៃការសន្សំ និងរបៀបរស់នៅដែលចង់បាន គេត្រូវព្យាយាមត្រួតពិនិត្យលើការចំណាយ ក៏ដូចជារៀបចំបែងចែកនិងគ្រប់គ្រងការវិនិយោគរបស់ខ្លួន។ គូសបញ្ជាក់ថា ចលនាឯករាជ្យភាពផ្នែកហិរញ្ញវត្ថុ ការចូលនិវត្តន៍មុនកាលកំណត់នេះមិនមែនសម្រាប់មនុស្សគ្រប់គ្នាអនុវត្តតាមនោះទេ។ ដោយឡែកបើពិនិត្យមើលដំណើរការនៃចលនានេះ គេអាចទាញបានមេរៀនសំខាន់ចំនួន៤រួមមាន ការគិតគូរពីគោលដៅចូលនិវត្តន៍ រក្សាការចំណាយឲ្យនៅទាប ព្យាយាមបង្កើនចំណូល និងផ្តោតទៅលើការសន្សំនិងវិនិយោគជាសំខាន់៕


ព្រឹត្តិការណ៍, សេដ្ឋកិច្ច

ការសិក្សា ៖ ពលរដ្ឋអាមេរិកប្រមាណ ៦០ភាគរយកំពុងរងផលប៉ះពាល់សេដ្ឋកិច្ចគ្រួសារ

ក្រៅតែពីបញ្ហាក្នុងប្រទេសខ្លួនឯងទាំងនយោបាយ និងបញ្ហាវិបត្តិកូវីដហើយនោះ អាមេរិកនៅពេលបច្ចុប្បន្ននេះក៏កំពុងមានបញ្ហានយោបាយក្រៅប្រទេសជាច្រើនទៀតជាមួយនឹងបណ្តា…
ព្រឹត្តិការណ៍, ហិរញ្ញវត្ថុ

កាន់កាតសមាជិកភាពនៃ CSS អាចដកប្រាក់បានពីទីបញ្ជរ ATM ចំនួន៥៣ ធនាគារ ផ្សេងគ្នា

ភ្នំពេញ ៖ គ្រប់បញ្ជរទូ ATM ទាំងអស់នៅទូទាំងប្រទេស ដែលមានបិទពាក្យថា CSS សាធារណជនអាចដកប្រាក់ពីបញ្ជរទូ ATM នោះបាន បើទោះបីជាធនាគារផ្សេងគ្នាក៏ដោយ។ នេះបើតាម…
ព្រឹត្តិការណ៍, អចលនទ្រព្យ

បច្ចុប្បន្នភាព ៖ តំបន់ភ្នំពេញថ្មី មិនអនុគ្រោះដល់ការវិនិយោគ និងអភិវឌ្ឍន៍បុរីលំនៅដ្ឋានតម្លៃសមរម្យទៀតនោះទេ

ភ្នំពេញ ៖ ខុសប្លែកកាលពីប្រមាណ៥ឆ្នាំមុន តំបន់ភ្នំពេញថ្មី ស្ថិតក្នុងខណ្ឌសែនសុខ ដែលមានគម្រោងអភិវឌ្ឍន៍ប្រភេទបុរីលំនៅដ្ឋានតម្លៃសមរម្យយ៉ាងស្អេកស្កះនោះ បច្ចុប្បន្នត្រូវបានប្រែក្លាយ…
ព្រឹត្តិការណ៍, សេដ្ឋកិច្ច

ឆ្នាំ២០២២ អតិផរណារួមនៅកម្ពុជានឹងមានអត្រាថយចុះបន្តិចបើធៀបនឹងឆ្នាំ២០២១

ភ្នំពេញ ៖ ធនាគារជាតិនៃកម្ពុជាបានលើកឡើងថា អតិផរណារួមសម្រាប់ឆ្នាំ២០២២ ត្រូវបានព្យាករណ៍ថានឹងមានអត្រាថយចុះបន្តិចបន្តូច បើធៀបនឹងឆ្នាំ២០២១ ដោយសារកំណើនថ្លៃម្ហូប…
ព្រឹត្តិការណ៍, អាជីវកម្មថ្មី និងនវានុវត្ត

បច្ចេកវិទ្យាដាក់បន្ទះឈីបចូលក្នុងសាច់ដើម្បីប្រើជំនួសអត្តសញ្ញាណប័ណ្ណកាន់តែពេញនិយមនៅស៊ុយអែត

ស៊ុយអែត ៖ គិតមកដល់ពេលបច្ចុប្បន្ននេះ ពលរដ្ឋស៊ុយអែតជាច្រើនពាន់នាក់មកហើយដែលបានសម្រេចចិត្តក្នុងការទទួលយកបច្ចេកវិទ្យាដ៏អស្ចារ្យក្នុងការប្រើប្រាស់បន្ទះឈីបដ៏តូចមួយ…
ព្រឹត្តិការណ៍, សេដ្ឋកិច្ច

ស្ថាប័នអន្តរជាតិចំនួន២ សហការគ្នារៀបចំវគ្គបណ្តុះបណ្តាលស្តីអំពីសេវាកម្មអភិវឌ្ឍន៍អាជីវកម្ម និងផ្តល់ឱកាសមូលនិធិវិនិយោគ

កំពង់ចាម ៖ ស្ថាប័នអន្តរជាតិចំនួន២ រួមមាន គម្រោងខាស់ ដែលអនុវត្តន៍ដោយសមាគមសណ្តែកសៀងអាមេរិក ​(ASA) និងអង្គការទស្សនៈពិភពលោកកម្ពុជា (World Vision) បានសហការជា…
ជំនួញ, ព្រឹត្តិការណ៍

ការវិនិយោគក្រៅប្រទេសរបស់ចិនកើនដល់ជាង១៤៥ពាន់លានដុល្លារ ខណៈគម្រោងជុំវិញផ្លូវសូត្រមានជាង២០ពាន់លានដុល្លារ

ប៉េកាំង ៖ របាយការណ៍ដែលត្រូវបានចេញផ្សាយជាផ្លូវការដោយក្រសួងពាណិជ្ជកម្មរបស់ប្រទេសចិន MOFCOM នៅសប្តាហ៍នេះបាន​បង្ហាញថា ទំហំនៃការវិនិយោគដោយផ្ទាល់នៅក្រៅប្រទេស…
ព្រឹត្តិការណ៍, សេដ្ឋកិច្ច

ឆ្នាំ២០២១ ទោះស្ថិតក្នុងវិបត្តិជំងឺកូវីដ១៩ ទំហំពាណិជ្ជកម្មសរុបរបស់កម្ពុជាសម្រចបានជាង ៤៦ ពាន់លានដុល្លារ

មន្ត្រីជាន់ខ្ពស់ក្រសួងពាណិជ្ជកម្មបានបញ្ជាក់ថា ទំហំពាណិជ្ជកម្មសរុបរបស់កម្ពុជានៅឆ្នាំ២០២១ សម្រចបានប្រមាណ ៤៦,២៧ ពាន់លានដុល្លារអាមេរិក បើទោះបីស្ថិតក្នុងវិបត្តិជំងឺកូវីដ១៩…
ព្រឹត្តិការណ៍, អាជីវកម្មថ្មី និងនវានុវត្ត

មិនបាច់ប្រើម្ជុលចាក់វ៉ាក់សាំងទៀតឡើយ! បច្ចេកវិទ្យាថ្មីរបស់ ហូឡង់ អាចចាក់វ៉ាក់សាំងកាន់តែលឿន និងមានប្រសិទ្ធភាព

បច្ចេកវិទ្យា ៖ តើអ្នកបានដឹងទេថា ជាទូទៅមនុស្សធម្មតាជាមធ្យមពេញមួយជីវិតត្រូវប្រឈមមុខទៅនឹងការចាក់ថ្នាំដោយប្រើប្រាស់ម្ជុលយ៉ាង​ហោច​ណាស់១៦៥ដង បូករួមទាំងការចាក់វ៉ាក់សាំងកាលពីពេល…
ព្រឹត្តិការណ៍, អចលនទ្រព្យ

ធនាគារកណ្តាល ៖ ឆ្នាំ២០២១ វិស័យសំណង់នៅកម្ពុជាកើន ១,៤ ភាគរយ ហើយនឹងបន្តកើនឡើង ៥ ភាគរយក្នុងឆ្នាំនេះ

ធនាគារជាតិនៃកម្ពុជាអះអាងថា វិស័យសំណង់នៅកម្ពុជាមានកំណើន ១,៤ ភាគរយក្នុងឆ្នាំ២០២១ ហើយរំពឹងថានឹងបន្តកើនឡើងថានឹងមានកំណើន ៥ ភាគរយនៅឆ្នាំ២០២២