សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ្នកការទូតជាន់ខ្ពស់ចិនរំពឹងថា ក្រោយពីការបើកដំណើរការផ្លូវដឹកជញ្ជូនថ្មីពីកំពង់ផែ Yantian ក្នុងទីក្រុង Shenzhen ប្រទេសចិន ទៅកាន់ Laem Chabang និងខេត្តព្រះសីហនុ ប្រទេសកម្ពុជា វានឹងជួយពង្រឹងទំនាក់ទំនងពាណិជ្ជកម្ម និងវិនិយោគរវាងចិន និងកម្ពុជា បន្ថែមទៀត។
ការតភ្ជាប់ខ្សែសង្វាក់ដឹកជញ្ជូនផ្លូវសមុទ្រនេះ បានចាប់ផ្តើមកាលពីចុងខែមីនា កន្លងទៅនេះ។ តាមរយៈការលើកឡើងជាសាធារណៈលើបណ្តាញផ្សព្វផ្សាយសង្គមរបស់ខ្លួនកាលពីថ្ងៃអង្គារ៍ ឯកអគ្គរដ្ឋទូតចិនប្រចាំកម្ពុជា លោក វ៉ាង វិនពីន បានសម្តែងការអបអរសាទរចំពោះសមិទ្ធិផលខ្សែគមនាគមន៍ផ្លូវទឹកនេះ។
លោកឧកញ៉ា ស៊ិន ចន្ធី ជាអគ្គនាយកក្រុមហ៊ុនឡាញហល អេចប្រេស ខេមបូឌា និងជាអ្នកជំនាញក្នុងវិស័យដឹកជញ្ជូន និងភស្តុភាកម្ម បានឱ្យដឹងថា សព្វថ្ងៃកម្ពុជាមានការតភ្ជាប់ការដឹកជញ្ជូនជាមួយចិនចំនួន ៣សំខាន់ៗ គឺការដឹកជញ្ជូនតាមផ្លូវសមុទ្រ ការដឹកជញ្ជូនតាមផ្លូវគោក និងការដឹកជញ្ជូនតាមផ្លូវរថភ្លើង។
បើតាមលោកឧកញ៉ា ការដឹកជញ្ជូនតាមផ្លូវគោកដោយរថយន្តកុងតឺន័រពីកម្ពុជាទៅចិនត្រូវឆ្លងកាត់ប្រទេសឡាវចូលទៅខេត្តគុនមីញ និងខេត្តមួយចំនួនទៀតរបស់ចិន ខណៈការដឹកជញ្ជូនតាមរថភ្លើងពីចិនមកឡាវចូលមកកម្ពុជានៅមិនទាន់ដំណើរការទេ។ ចំណែកការដឹកជញ្ជូនផ្លូវទឹកទៅកាន់ប្រទេសចិន គឺចេញដំណើរពីកំពង់ផែស្វយ័តក្រុងព្រះសីហនុកម្ពុជាទៅចិនផ្ទាល់ និងការដឹកជញ្ជូនពីកំពង់ផែស្វយ័តភ្នំពេញឆ្លងកាត់វៀតណាមទៅកាន់ប្រទេសចិន។
លោកឧកញ៉ាសង្កត់ធ្ងន់ថា ការបើកដំណើរការផ្លូវដឹកជញ្ជូនថ្មីនេះ នឹងជំរុញអ្នកវិនិយោគកាន់តែច្រើនចូលមករកស៊ីនៅកម្ពុជា។
លោកឧកញ៉ា ស៊ិន ចន្ធី បានថ្លែង៖
“ជាកន្លឹៈសំខាន់មួយដែលធ្វើឱ្យយើងអាចទាក់ទាញបាននូវការវិនិយោគចូលមកបង្កើតរោងចក្រផ្សេងៗនៅកម្ពុជា ព្រោះអីយើងមានមធ្យោបាយច្រើនដែលធ្វើឱ្យអ្នកវិនិយោគមានការចាប់អារម្មណ៍។”
ក្នុងឆ្នាំ២០២៥ ពាណិជ្ជកម្មកម្ពុជា-ចិន សរុបចំនួន ១៧,៧ ពាន់លានដុល្លារ។ ខណៈរយៈពេល ២ ខែឆ្នាំ ២០២៦ នេះ កម្ពុជានាំចេញទៅចិនបានទឹកប្រាក់សរុបចំនួនជាង ២៩៥ លានដុល្លារ និងការនាំចូលពីចិនវិញសរុបចំនួនជាង ៣ ពាន់ ២៨២ លានដុល្លារ៕
អត្ថបទ៖ សេង បារាំង AMS
Account
Security
Favourite Content