តំបន់​ជុំវិញព្រលានយន្តហោះអន្តរជាតិតេជោ​កំពុង​ទាក់ទាញចិត្ត​វិនិយោគិន​ចិន

ភ្នំពេញ ៖ តំបន់​ជុំវិញព្រលានយន្តហោះអន្តរជាតិ​តេជោ ស្ថិតនៅក្នុង​ស្រុកកណ្ដាល​ស្ទឹង​ខេត្តកណ្ដាល​ កំពុង​ពេញនិយម​សម្រាប់​វិនិយោគិន​ចិន​ក្នុងការ​ស្វែងរកការ​វិនិយោគរបស់ខ្លួន​ទៅតាមជំនាញ ​និ​ងវិស័យ​អាទិភាព ជាបណ្តាក្រុមហ៊ុនរបស់ជនជាតិចិន​កំពុងស្វែងរកដីធ្លី​សម្រាប់​គម្រោង​វិនិយោគរបស់ខ្លួន ។​

លោកស្រី តាំង​ ហួរ អគ្គនាយិកា​ក្រុមហ៊ុន​អចលនទ្រព្យ AMATAK Property Service ​បាន​មាន​ប្រ​សា​សន៍​ មួយរយៈចុងក្រោយនេះ អ្នកវិនិយោគជនជាតិចិន ហាក់​មានកា​រចាប់អារម្មណ៍ខ្លាំង​ទៅលើ​តំបន់​ជុំវិញ​ព្រលានយន្តហោះអន្តរជាតិ​តេជោ ឬព្រលាយន្តហោះអន្តរជាតិភ្នំពេញថ្មី​នៅក្នុងទឹកដី​នៃស្រុកកណ្ដាល​ស្ទឹង​ខេត្ត​កណ្ដាល​ ។​

លោកស្រីបន្តថា​ ៖

“ថ្វីត្បិតតែ​បច្ចុប្បន្ននេះ ការទិញលក់​អចលនទ្រព្យ ​ជាពិសេស​ដីធ្លី​​នៅក្នុង​ប្រទេស​កម្ពុជា​មាន​ការ​ថមថយ​បន្តិចពិ​តមែន ប៉ុន្តែភ្ញៀវ​ចិន​នៅតែបន្ត​ស្វែងរកទីតាំង​វិនិយោគ​នៅតំបន់ជុំវិញព្រលាន​យន្ត​ហោះ ​ដូច្នេះយើងអាច​សន្និដ្ឋានបានថា​ តំបន់ជុំវិញព្រលានយន្តហោះអន្តរជាតិ​តេជោ​នៅតែមានសក្ដានុពល​​ក្នុង​ការ​ទាក់ទាញវិនិយោគិន​បរទេស ជាពិសេសវិនិយោគិន​ជនជាតិ​ចិន​។”

លោក​ស្រីបន្ថែមថា​ ៖

“ក្រៅពីតំបន់ជុំវិញព្រលានយន្តហោះអន្តរជាតិតេជោ ក៏ឃើញថា​តំបន់​នៅតាម​បណ្ដោ​យ​ផ្លុវ​​ក្រវាត់ក្រុងទី​​៣​ក៏មានសក្ដានុពល​ក្នុងការទាក់ទាញ​អ្នកវិនិយោគ​ខ្លាំងដែរ ដោយ​អ្នកវិនិយោគជាច្រើន​​បាន​សម្លឹង​រកមើលឱកាស​ក្នុងការ​បណ្ដាក់ទុនវិនិយោគលើគម្រោងនានា នៅតំបន់តាមបណ្ដោយផ្លូវ​ក្រវាត់ក្រុងទី​៣ ជាពិសេសគឺនៅតំបន់ដែល​ឆ្ងាយពីក្រុង​ភ្នំពេញ ដោយតំបន់​ស្ថិតនៅចំងាយ​ប្រមាណ២០ ទៅ ៣០​គីឡូម៉ែត្រពីក្រុង ជាតំបន់ដែលកំពុង​មានការទាក់ទាញខ្លាំង។”

លោកស្រីបានបញ្ជាក់ថា ​៖

“កាលពីជំនាន់​មុន​នេះ​បន្តិច អ្នកវិនិយោគ​បរទេស​ភាគច្រើន​ស្វែងរកទីតាំង​ដីធ្លីនៅតំបន់​ក្នុងក្រុង​ ដើម្បី​ទុកសង់​ខុនដូ ឬអគារ​ពា​ណិ​ជ្ជ​កម្ម ប៉ុន្តែមកដល់បច្ចុប្បន្ននេះ វិនិយោគិន​បរទេស​បែរ​ជា​ងាកមក​រកតំបន់នៅជាយក្រុង​ធ្វើជា​ទីតាំង​វិនិ​យោគ​រ​ប​ស់ខ្លួនទៅវិញ ជាពិសេស​តំបន់ជុំវិញផ្លូវក្រវាត់ក្រុង និងព្រលានយន្តហោះអន្តរជាតិតេជោ។”

អ្នកស្រី អាន សុធីតា នាយិកាប្រតិបត្តិ​ក្រុមហ៊ុន​ Propnex Cambodia បានមានប្រសាសន៍​ផង​ដែ​រថា​​​ ក្នុង​រយៈ​ពេលចុងក្រោយនេះ តំបន់ប៉ែកខាង​ត្បូងភ្នំពេញ ហាក់​មានសក្ដានុពល​ក្នុងការទាក់ទាញ​អ្នក​វិនិ​យោ​គខ្លាំង ពីព្រោះ​តំបន់នេះ មានការអភិវឌ្ឍ​ហេដ្ឋារចនាសម្ព័ន្ធ និង​សំណង់ដែល​មានការទាក់ទាញ​ដល់​ការ​វិនិ​យោគ​ដូចជា​ផ្លូវក្រវាត់ក្រុងទី៣ ព្រលានយន្តហោះអន្តរជាតិតេជោ ហេដ្ឋារចនាសម្ព័ន្ធ​ផ្សេងៗទៀត រួមជាមួយនឹងផ្សារទំនើប​ធំៗ​ជា​ដើម​ ។ ​ យ៉ាងណាក្ដី​ បើតាមអ្នកស្រី អាន សុធីតា បានបញ្ជាក់ឱ្យដឹងថា តំបន់ប៉ែកខាងត្បូងមួយផ្នែក​គឺទាក់ទាញលើការអភិវឌ្ឍ​លំនៅឋាន​និងមួយផ្នែកទៀតទាក់ទាញទៅលើ​ការអភិវឌ្ឍឧស្សាហកម្ម និង​តាមបណ្ដោយផ្លូវ​៦០ម៉ែត្រ ​និងជុំវិញ​ផ្លូវ​ក្រវាត់​ក្រុង​​ទី​៣ ជា​តំបន់ដែលមានការទាក់ទាញលើការអភិវឌ្ឍ​លំនៅឋាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន