វិស័យ​អចលនទ្រព្យ​និងសំណង់រំពឹងថា​នឹង​ទទួល​បានកំណើ​នវិជ្ជមាន​ក្នុងឆ្នាំ ២០២៣ ​នេះ

ភ្នំពេញ ៖ ការ​វិនិយោគ​លើវិស័យអចលនទ្រព្យ​​ និងវិស័យ​មួយចំនួនទៀត​នៅក្នុង​ប្រទេស​កម្ពុជា​ត្រូវរំពឹងថា​នឹងទទួលបានកំណើន​ល្អប្រសើរ​ក្នុងឆ្នាំ​ ២០២៣ ​នេះ ទោះបីជា​ស្ថាប័នអន្តរជាតិបានបង្ហាញពីការ​ព្រួយ​បារម្ភ​ជុំវិញ​ស្ថានភាពសេដ្ឋកិច្ច​សកលក្ដី។​

រាជរដ្ឋាភិបាល​កម្ពុជា​បានព្យាករពីកំណើន​សេដ្ឋកិច្ចកម្ពុជា​ក្នុងឆ្នាំ ​២០២៣ ថា​ នឹង​សម្រេចបានប្រមាណជាង​ ៦ ភាគរយ​ ដែលការ​សម្រេច​នូវ​កំណើនខ្ពស់​បែបនេះ​ ដោយអាស្រ័យលើការ​កើនឡើង​វិញ​នៃវិស័យមួយចំនួន​ដែលគាំទ្រ​ដល់​ជន្ទល់សេដ្ឋកិច្ចជាតិ។ ក្នុងនោះដែរ​វិស័យ​អចលនទ្រព្យ​ និងសំណង់​ដែលជា​ជន្ទល់​សំខាន់​មួយ​ក្នុង​សេដ្ឋកិច្ច​កម្ពុជាក៏​ត្រូវ​បាន​រំពឺងថា​នឹង​ងើបឡើងវិញ​ផងដែរ ក្នុងឆ្នាំ ​២០២៣ ​នេះ។

យោងតាមការ​ព្យាករណ៍​របស់ធនាគារ​ជាតិ​នៃកម្ពុជា​បានឱ្យដឹងថា ​វិស័យ​សំណង់​ និង​អចលនទ្រព្យ​ត្រូវ​បាន​រំពឹ​ងថា​នឹង​បន្ត​ងើបឡើង​ជាសន្សឹមៗ ក្នុងនោះសំណង់រំពឹងថា​នឹង​ងើប ១,៧ ភាគរយ និង​អចលនទ្រព្យ​ទាំង​មូល​រំពឹ​ង​ងើបឡើង​ ១,២ ភាគរយ ដែល​ការ​ងើបឡើង​ទាំងនេះ ដោយសារកំណើន​តម្រូវការ​ក្នុង​ស្រុក​ផ្ដោត​លើ​ទី​ផ្សារ​​អចលនទ្រព្យ​លំនៅឋាន​ដែលមានតម្លៃសមរម្យ​ ខណៈ​ដែលសំណង់​ប្រភេទប្រណីត​ដែលបម្រើ​ដល់​អនិវេសជន​ត្រូវការ​ពេលវេលា​ ដើម្បីអាចវិល​ត្រលប់​ទៅរក​ស្ថានភាព​មុនពេលមានវិបត្តិ​។

អ្នកជំនាញ​នៃវិស័យ​អចលនវត្ថុ និងអ្នកអភិវឌ្ឍន៍​អចលនទ្រព្យ​នៅក្នុងប្រទេស​កម្ពុជា​បានបង្ហាញ ពីសុ​ទិ​ដ្ឋិនិ​យ​ម​ខ្ពស់​ចំពោះ​ការ​ងើបឡើង​វិញ​នៃ​វិស័យ​អចលនទ្រព្យកម្ពុជា ដោយផ្អែក​ទៅលើ​សកម្មភាព​​នៅ​ចុ​ងឆ្នាំ ២០២២​ ​​កន្លងទៅ​ ដែលជា​សញ្ញា​វិជ្ជមាន​នាំឱ្យវិស័យ​នេះ​មានសន្ទុះ​កំណើនឡើង​នៅ​ក្នុងឆ្នាំ ២០២៣​ នេះ​​។

លោក ​ឡុង បូរិន្ទ​ នាយក​ប្រតិបត្តិ​នៃក្រុមហ៊ុនអភិវឌ្ឍន៍​លំនៅឋានមួយ​នៅ​ប៉ែកខាងត្បូងភ្នំពេញ​ បាន​មាន​ប្រសា​​ស​ន៍​​​ឱ្យដឹងថា​ ឆ្នាំ ២០២៣​ នេះ​ ជា​ឆ្នាំមួយ​ដែល​ទីផ្សា​រផ្គត់ផ្គង់​នានា​ទៅ​ក្នុង​វិស័យ​អចលនទ្រព្យ​ និង​ការ​សាងសង់​នឹង​ទទួលបានការ​ប៉ះប៉ូវ​ឡើងវិញ​ ក្នុង​នោះ​​ទីផ្សា​រលក់​រាយ​សម្រាប់ផ្គត់ផ្គង់​ទៅដល់​ប្រជាពលរដ្ឋ​រស់​នៅក្នុង​បុរី ​និង​លំនៅឋាន​ដែលទើប​សង់ថ្មី​ៗ ក៏នឹងរំពឹងថា​កើនឡើង​ខ្ពស់។

លោកបាន​បន្តថា​ រយៈកាលពីរបីឆ្នាំកន្លង​ ពោលគឺចាប់តាំងពី​មានវិបត្តិកូវីដ​១៩ ​​​វិស័យដែលគាំទ្រ​ដល់​ការ​សាង​សង់ ​​និងសំណង់​ផ្សេងៗ ត្រូវ​បានរងគ្រោះ ពីព្រោះតែ​សកម្មភាពសាងសង់​ទាំង​នោះមិនដំណើរការ ​និង​ខ្លះ​បា​ន​ផ្អាកដំណើរកា​រ ហើយនៅក្នុងឆ្នាំ ២០២២ ​កន្លងទៅ ជាពិសេស​នៅ​ចុងឆ្នាំ ​២០២២ កន្លងទៅនេះ​ ក៏ឃើញថា ​ស​ក​ម្ម​ភាពសំណង់​ក៏បានដំណើរការ​ច្រើន​ ការដ្ឋានដែល​ផ្អាកក៏ចាប់ផ្ដើមមានកម្មករ​ចូល​ធ្វើការ​បន្ត​ដំណើរការ​វិញ ដែលជា​សញ្ញា​ល្អសម្រាប់ឆ្នាំ ២០២៣​ នេះ និង​បានធ្វើឱ្យ​ការ​ផ្គត់ផ្គង់​នានា​ទៅកាន់​វិស័យសំណង់ ​និង​អច​លន​ទ្រព្យ​ក៏មានសន្ទុះ​ឡើងវិញដែរ។​

ទោះបីជាស្ថិតនៅក្នុងស្ថានភាព នៃសេដ្ឋកិច្ចពិភពលោក​នៅតែមិនទាន់ច្បាស់ពីកំណើននៅឡើយ​ ក៏អ្នកជំនាញ​អចលនទ្រព្យ ​និង​អ្នកអភិវឌ្ឍន៍​នៅតែ​បន្តមានក្ដីសង្ឃឹម​ខ្ពស់ជាពិសេស​ ដោយរំពឹងពីវត្តមាន​វិនិយោគិន ​និងទេសចរ​ជនជាតិ​ចិនមកកាន់​ប្រទេស​កម្ពុជា ដែលនឹងជំរុញឱ្យ​សំណង់អគារ​ដែលជាប់គាំង​នានា​នោះ ដំណើរការ​បន្ត​ទៀត​ផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន