សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ទីផ្សារផលិត និងលក់រថយន្តក្នុងប្រទេសចិនមានភាពយឺតយ៉ាវក្នុងពេលបច្ចុប្បន្នបានបណ្តាលឲ្យក្រុមហ៊ុនអ្នកផលិតក្នុងស្រុកធំៗជាច្រើនងាកទៅអនុវត្តយុទ្ធសាស្ត្រពង្រីកទីផ្សារបស់ខ្លួនទៅកាន់ទីផ្សារក្រៅប្រទេសជំនួសវិញ ហើយក្នុងនោះពួកគេមួយចំនួនបានវិនិយោគប្រាក់ជាច្រើនពាន់លានដុល្លាររួចមកហើយក្នុងការសាងសង់រោងចក្រផលិត និងដំឡើងរថយន្ត។ យ៉ាងណាក្តី គិតមកទល់សប្តាហ៍ទី២ក្នុងខែកញ្ញានេះ ក្រសួងពាណិជ្ជកម្មចិន បានធ្វើការព្រមានទៅលើក្រុមហ៊ុនអ្នកផលិតទាំងនោះទៅវិញ ប៉ុន្តែមិនបើកចំហជាសាធារណៈនោះទេ។
ប្រភពសុំមិនបញ្ចេញឈ្មោះដែលជិតស្និទ្ធទៅនឹងឧស្សាហកម្មអ្នកផលិតរថយន្តរបស់ចិនបានអះអាងប្រាប់ក្រុមការងាររ៉យទ័រថា នៅក្នុងកិច្ចប្រជុំចុងក្រោយជាមួយនឹងក្រសួងពាណិជ្ជកម្មចិន អជ្ញាធរបានលើកឡើងអំពីហានិភ័យនៃសកម្មភាពវិនិយោគទាំងឡាយដែលពាក់ព័ន្ធទៅនឹងការពង្រីកទីផ្សាររបស់ពួកគេនៅខាងក្រៅប្រទេស។
កិច្ចប្រជុំដែលបានធ្វើឡើងកាលពីខែកក្កដាកន្លងទៅ ក្រសួងពាណិជ្ជកម្មបានប្រាប់ទៅកាន់ក្រុមអ្នកផលិតរថយន្តទាំងអស់ថា ថ្វីត្បិតតែទីផ្សាររថយន្តក្នុងស្រុកមានកំណើនយឺតយ៉ាវ ប៉ុន្តែពួកគេក៏ត្រូវតែមានការប្រុងប្រយ័ត្នចំពោះការសម្រេចចិត្តវិនិយោគនៅក្រៅប្រទេស ដោយក្នុងនោះចិនបានសង្កត់ធ្ងន់ទៅលើគោលដៅដូចជា ប្រទេសឥណ្ឌា, រុស្ស៊ី, តួគី ក៏ដូចជាការសាងសង់រោងចក្រនៅក្នុងតំបន់អឺរ៉ុបនិងប្រទេសថៃផងដែរ។
យ៉ាងណាក៏ដោយ រដ្ឋាភិបាលចិនបានលើកទឹកចិត្តផងដែរថា ប្រសិនបើពួកគេនៅតែមានបំណងវិនិយោគនៅទីផ្សារក្រៅប្រទេស ប៉ុន្តែគួរគប្បីពិចារណាត្រឹមតែជាការសាងសង់រោងចក្រសម្រាប់ដំឡើងរថយន្តប៉ុណ្ណោះ ជៀសវាងការនាំចេញធនធាន និងវត្ថុធាតុដើមច្រើនពេកចេញពីប្រទេសចិន ពីព្រោះថាវានឹងអាចក្លាយទៅជាបញ្ហាធំប្រសិនបើភាពតានតឹងក្នុងភូមិសាស្ត្រនយោបាយមានកំដៅកើនឡើង។
ជាក់ស្តែងជម្លោះរវាងចិន និងឥណ្ឌា តាំងតែពីឆ្នាំ២០២០ ដែលមានការប៉ះទង្គិចរវាងយោធា និងយោធានោះ បានបង្កឲ្យក្រុមហ៊ុនចិនដែលកំពុងរកស៊ីក្នុងទីផ្សារមហាយក្សមួយនេះរងបញ្ហាយ៉ាងខ្លាំង។ ជាក់សស្ដែងដូចជាក្រុមហ៊ុនរដ្ឋ SAIC Motor Corp Ltd ជាឧទាហរណ៍ស្រាប់។
សកម្មភាពវិនិយោគនៅក្រៅប្រទេសរបស់ក្រុមហ៊ុនរថយន្តចិនពិតជាមានច្រើនខ្លាំងណាស់។ ក្រុមហ៊ុន Chery កំពុងពិភាក្សាជាមួយនឹងរដ្ឋាភិបាលរុស្ស៊ី ដើម្បីផលិតរថយន្តក្នុងប្រទេសរុស្ស៊ី និងទាមទារចាំបាច់ការសាងសង់រោងចក្រផ្ទាល់ផងនៅទីនោះ។
សមាជិកអឺរ៉ុបមួយចំនួនដូចជាអេស្បាញ និងអ៊ីតាលី កំពុងសម្លឹងមើលឳកាស និងចរចា ដើម្បីទទួលយកវិនិយោគពីក្រុមហ៊ុនអ្នកផលិតរថយន្តចិនដើម្បីរៀបចាំរោងចក្រនៅក្នុងប្រទេសរបស់ពួកគេដូចគ្នាដែរ ប៉ុន្តែស្ថិតនៅក្នុងដំណាក់កាលសិក្សា និងស្វែងយល់ផ្លូវច្បាប់នៅឡើយ។ ដោយឡែកក្រុមហ៊ុនផ្សេង ទៀតដូចជា Leapmotor ជាដើម ទើបតែបានជ្រើសបានដៃគូសហការក្នុងស្រុកដើម្បីផលិតរថយន្តអគ្គិសនីនៅក្នុងរោងចក្រផលិតរថយន្តរបស់ប្រទេសប៉ូឡូញមួយកន្លែងនៅត្រឹមដំណាច់ឆ្នាំ២០២៤ខាងមុខ៕
Account
Security
Favourite Content