សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ របាយការណ៍ដែលចេញដោយសារព័ត៌មានអន្តរជាតិមួយចំនួនបានបង្ហាញថា មហាសេដ្ឋីដែលមានលុយពាន់លានដុល្លារ លោក Mark Zuckerberg ស្ថាបនិកបណ្តាញសង្គម Facebook និងជាម្ចាស់ក្រុមហ៊ុន Meta បានចំណាយលុយជាច្រើនលានដុល្លារទិញដីពង្រីកទីតាំងរស់នៅរបស់ខ្លួនមួយកន្លែងនៅលើកោះហាវ៉ៃ។
ការបញ្ជាទិញចុងក្រោយនេះមានទំហំដីប្រមាណជាជិត៤០០ហិកតា ជាមួយនឹងតម្លៃប្រមាណជា ៦៥លានដុល្លារ ដែលបានធ្វើឲ្យទំហំដីដែលលោក Mark ជាម្ចាស់កម្មសិទ្ធិនេះមានទំហំសរុបទៅដល់ជាង៩៣០ហិកតា។ យ់ាងណាក្តី ព័ត៌មាននេះកំពុងបង្កការងឿងឆ្ងល់ និងជជែកវែកញែកយ៉ាងខ្លាំងពីសំណាក់ពលរដ្ឋដែលរស់នៅក្នុងតំបន់។
នៅក្នុងទីតាំងចាស់ បុរសជនជាតិអាម៉េរិករូបនេះធ្លាប់បានសាងសង់អគារវីឡាធំៗចំនួន២កន្លែងរួចមកហើយ ដែលមានទាំងតារាងបាល់ទាត់ កន្លែងហាត់ប្រាណ កន្លែងវាយតេន្នីស ព្រមទាំងកន្លែងកំសាន្តជាច្រើនផ្សេងទៀត ជាពិសេសទីតាំងរស់នៅក្រោមដីដ៏សំងាត់របស់លោក Mark ផងដែរ។
តាមឯកសារដែលត្រូវបានបង្ហាញជាសាធារណៈបានបញ្ជាក់ថា លោក Mark អាចនឹងសាងសង់អគារបន្ថែមចំនួន៣ទៀត ដែលមានផ្ទៃក្រឡាចាប់ពី ៧៨២០ហ្វីតការ៉េ ទៅ ១១១៥២ហ្វីតការ៉េ។ ទំហំនេះស្ទើរតែធំជាងទំហំផ្ទះធម្មតាដែលពលរដ្ឋទូទៅកំពុងរស់នៅលើកោះហាវ៉ៃ។ យ៉ាងណាក្តី តាមរយៈរូបភាពពីផ្កាយរណបបានបង្ហាញនូវសំណង់អគារជាច្រើនទៀតដែលកំពុងដំណើរការ ប៉ុន្តែមិនត្រូវបានប្រកាសជាសាធារណៈឡើយ ហើយបើយោងតាមការព្យាករណ៍គេអាចមើលឃើញថា ទីតាំងអគារស្នាក់នៅទាំងអស់ដែលស្ថិតនៅក្នុងទីតាំងនេះអាចឲ្យមនុស្សរស់នៅបានយ៉ាងហោចណាស់ដល់ទៅជាង១០០នាក់។
គួរឲ្យដឹងដែរថា លោក Mark បានចាប់ផ្តើមធ្វើការទិញដីនៅកោះហាវ៉ៃតាំងតែពីឆ្នាំ២០១៤មកម្ល៉េះ ជាមួយនឹងទំហំដំបូងប្រមាណជា២៨០ហិកតា ក្នុងតម្លៃប្រមាណជា១០០លានដុល្លារ។ បន្ទាប់មកគេសង្កេតឃើញមានការអភិវឌ្ឍធំៗជាដំណាក់កាលចាប់ពីឆ្នាំ២០១៦រហូតមក ហើយក៏ជាឆ្នាំដែលធ្លាប់មានរឿងក្តីមួយចំនួនពាក់ព័ន្ធទៅនឹងដីធ្លីនេះផងដែរ៕
Account
Security
Favourite Content