សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យោងតាមទីភ្នាក់ងារព័ត៌មានបារាំង AFP រដ្ឋប្រជុំកោះដ៏តូចនៅតំបន់ប៉ាស៊ីហ្វិកមីក្រូនេស៊ី (Micronesia)ដែលមានប្រជាជនសរុបប្រមាណ១០ម៉ឺននាក់បានបាត់បង់ឋានៈរបស់ខ្លួនជាប្រទេសមួយក្នុងចំណោមប្រទេសដែលមិនមានកូវីដ១៩ បន្ទាប់ពីមានការបញ្ជាក់ពីករណីឆ្លងកូវីដក្នុងសហគមន៍នៅលើកោះចំនួនពីរ។
ប្រទេសដែលប្រជុំទៅដោយកោះប្រមាណ៦០០នេះ បានគ្រប់គ្រងកូវីដមិនឲ្យឆ្លងចូលប្រទេសដោយការដាក់ឲ្យធ្វើចត្តាឡីស័កនៅតាមព្រំដែន នៅពេលមានការណីឆ្លងនាំចូលពីខាងក្រៅ។
សហព័ន្ធរដ្ឋមីក្រូនេស៊ី (FSM) នៅតែគ្មានមេរោគឆ្លង ដោយសារទីតាំងរបស់ខ្លួនមានចម្ងាយ ឆ្ងាយប្រហែល ១៦០០គីឡូម៉ែត្រ ភាគខាងជើងនៃប្រទេសដែនកោះប៉ាពួញូហ្គីណេ ប៉ុន្តែកាលពីដើមសប្តាហ៍នេះសិស្សពីរនាក់បានធ្វើតេស្តវិជ្ជមាន បន្ទាប់ពីបានមកដល់កោះ Kosrae ពី Pohnpei ដែលជាកោះរដ្ឋធានី មីក្រូនេស៊ី។
AFP បានរាយការណ៍ថា បន្ទាប់មកមន្ត្រីសុខាភិបាលក្នុងតំបន់បានបញ្ជាក់ពីលទ្ធផលវិជ្ជមានចំនួន១០បន្ថែមទៀតក្នុងចំណោមសមាជិកគ្រួសារចំនួន ១១នាក់នៃករណីដំបូងទាំងពីរ។
សេចក្តីថ្លែងការណ៍មួយពីការិយាល័យប្រធានាធិបតី David Panuelo កាលពីថ្ងៃអង្គារបាននិយាយថា មីក្រូនេស៊ីប្រឈមនឹង «ស្ថានភាពវិវត្តន៍យ៉ាងឆាប់រហ័ស» ខណៈពេលដែលបញ្ជាក់ពីករណីឆ្លងបន្ថែមរាប់សិបលើនៅលើកោះទាំងពីរ គឺកោះ Kosrae និងទីក្រុងកោះ Pohnpei ។
អាជ្ញាធរសុខាភិបាលក្នុងតំបន់បានបង្អាក់ការជួបជុំជាសាធារណៈ និងណែនាំឲ្យប្រើប្រាស់ម៉ាស់មុខគ្រប់ពេលវេលា ប៉ុន្តែបាននិយាយថា សេវាសាធារណៈទាំងអស់នឹងនៅតែបើកចំហ។ ការធ្វើតេស្តជាបន្តបន្ទាប់ក៏បានបង្ហាញផងដែរថាអ្នកជំងឺ២៥នាក់ក្នុងចំណោម២៨នាក់ដែលមានរោគសញ្ញាដូចជំងឺផ្តាសាយនៅមន្ទីរពេទ្យនៅកោះ Kosrae បានធ្វើតេស្តវិជ្ជមានសម្រាប់កូវីដ។
ជាលទ្ធផល កោះ Yap នៃប្រទេសកោះមីក្រូនេស៊ី ដែលមានចម្ងាយប្រហែល ២២៥៤គីឡូម៉ែត្រភាគខាងលិចទីក្រុងកោះ Pohnpei បានប្រកាសកាលពីថ្ងៃអង្គារថា អ្នកដំណើរ និងនាវិកនៃកប៉ាល់ក្នុងស្រុកត្រូវបានញែកដាច់ពីគេភ្លាមៗ បន្ទាប់ពីបានមកដល់។ ការរីករាលដាលនៃមេរោគឆ្លងនៅទូទាំងមីក្រូនេស៊ីមានន័យថា កោះ Marshall និង Tuvalu ត្រូវបានគេជឿថាជាប្រទេសប៉ាស៊ីហ្វិកពីរចុងក្រោយដែលបច្ចុប្បន្នមិនមានកូវីដ។
មីក្រូនេស៊ីគ្រោងនឹងលុបចោលការរឹតបន្តឹងព្រំដែនចាប់ពីថ្ងៃទី១ខែសីហា ប៉ុន្តែអ្នកទស្សនានឹងត្រូវបង្ហាញភស្តុតាងនៃការចាក់វ៉ាក់សាំងពេញលេញ និងការធ្វើតេស្តកូវីដ១៩អវិជ្ជមានដើម្បីចូលមកកាន់ប្រទេសកោះនោះ។ ក្នុងការធ្វើសេចក្តីប្រកាសនោះកាលពីខែឧសភាឆ្នាំមុន លោកប្រធានាធិបតី Panuelo បាននិយាយថា លោកសង្ឃឹមថាការបើកចំហនឹងលើកទឹកចិត្តអ្នកស្រុកចំនួន១០ម៉ឺននាក់របស់ប្រទេស ដែលនៅរាយប៉ាយទូទាំងកោះជាង ៦០០ដើម្បីបង្កើនការគ្របដណ្តប់លើការចាក់វ៉ាក់សាំងរបស់ពួកគេ៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ឧកញ៉ា គិត ស៊ូឡា កូនប្រុសរបស់អ្នកឧកញ៉ា គិត ម៉េង ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ
ព្រឹត្តិការណ៍, អត្ថបទពាណិជ្ជកម្ម
• 19/04/2024
ឧកញ៉ា គិត ស៊ូឡា កូនប្រុសរបស់អ្នកឧកញ៉ា គិត ម៉េង ត្រូវបានតែងតាំងជានាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content