សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមរបាយការណ៍ស្រាវជ្រាវថ្មីមួយដែលត្រូវបានធ្វើឡើងដោយធនាគារអាម៉េរិក (Bank of America) បានបង្ហាញពីលទ្ធផលដ៏គួរឲ្យភ្ញាក់ផ្អើលមួយអំពីវិស័យថាមពលនុយក្លេអ៊ែរដែលកន្លងមកពិភពលោកចង់បោះបង់វាចោលទៅហើយនោះ ខណៈថាមពលដែលបានមកពីនុយក្លេអ៊ែរនាពេលបច្ចុប្បន្នអាចផ្តល់ឱកាសសម្រាប់ទីផ្សារដែលមានទំហំរហូតដល់ទៅ១០ទ្រីលានដុល្លារអាម៉េរិក ហើយវានឹងក្លាយទៅជាដំណោះស្រាយដ៏ល្អបំផុតរបស់ពិភពលោកក្នុងគ្រាដែលកំពុងជួបប្រទះនឹងបញ្ហាកង្វះខាតថាមពលប្រើប្រាស់ជាខ្លាំង។
ក្រុមហ៊ុនរកស៊ីផ្នែកហិរញ្ញវត្ថុរបស់អាម៉េរិកមួយនេះក៏បានពន្យល់ទៀតដែរថា ដើម្បីបំពេញតម្រូវការពិភពលោកលើវិស័យថាមពលអគ្គិសនី ជាពិសេស ឧស្សាហកម្មកម្រិតធ្ងន់ដែលចាំបាច់ត្រូវការអូសទាញថាមពលយ៉ាងច្រើន។ មជ្ឈមណ្ឌលទិន្នន័យ ព្រមទាំងទីតាំងឧស្សាហកម្មសម្រាប់ផលិតអាវុធ បូករួមទាំងក្រុមហ៊ុនបច្ចេកវិទ្យា AI ផងដែរ កំពុងតែប្រកួតប្រជែងគ្នាយ៉ាងខ្លាំងក្នុងសម័យកាលនេះ។ មិនត្រឹមតែប៉ុណ្ណោះ ការព្យាករណ៍របស់ Bank of America បានរកឃើញទៀតថា សមត្ថភាពផ្តល់ថាមពលនុយក្លេអ៊ែររបស់សកលលោកនឹងអាចកើនឡើងគុណនឹង៣ដងនៅត្រឹមឆ្នាំ២០៥០ ហើយអំឡុងពេលនេះនឹងបន្តទទួលបានវិនិយោគថ្មីដល់ទៅ ៣ទ្រីលានដុល្លារក្នុងរយៈពេល២៥ឆ្នាំ។
ប្រធានក្រុមហ៊ុន ClearView Energy Partners លោក Timothy Fox យល់ឃើញបែបនេះថា ៖ វិស័យថាមពលនុយក្លេអ៊ែរពិតជាមានសក្តានុពល និងកំពុងមានសន្ទុះខ្លាំងជាងកាលពីអតីតកាលទៅទៀត។បច្ចប្បន្នមានក្រុមហ៊ុន និងមជ្ឈមណ្ឌលផ្ទុកទិន្នន័យធំៗជាច្រើនកំពុងស្វែងរកដៃគូផ្គត់ផ្គង់ថាមពលអគ្គិសនីជាបន្តបន្ទាប់។ ជាដំណោះស្រាយសម្រាប់តម្រូវការដ៏ខ្លាំងក្លាបែបនេះ Bank of America បានអះអាងថា ពិភពលោកត្រូវពឹងផ្អែកទៅលើបច្ចេកទេសទំនើបកាន់តែប្រសើរជាងមុនហើយក្នុងនោះដូចជាបច្ចេកវិទ្យាម៉ាស៊ីនរ៉េអាក់ទ័រនុយក្លេអ៊ែរម៉ូឌុលខ្នាតតូច (SMRs)ជាដើម។
គួរឲ្យដឹងដែរថា បច្ចេកវិទ្យាម៉ាស៊ីនរ៉េអាក់ទ័រនុយក្លេអ៊ែរម៉ូឌុលខ្នាតតូច (SMR) គឺសំដៅទៅលើសមត្ថភាពដែលអាចផលិតបានថាមពលប្រមាណជា៥០០មេហ្គាវ៉ាត់ដែលជាទូទៅមានទំហំតិចជាងបច្ចេកវិទ្យាម៉ាស៊ីនរ៉េអាក់ទ័រសម័យបុរាណដែលអាចផលិតបានទៅដល់១០០០មេហ្គាវ៉ាត់ ប៉ុន្តែទោះជាយ៉ាងណាក្តី SMR ងាយស្រួលសាងសង់ជាង ប្រើពេលវេលាលឿនជាង តម្លៃទាបជាង និងមានសុវត្ថិភាពខ្ពស់ជាង។
សូមរំលឹកដែរថា រយៈពេលប៉ុន្មានឆ្នាំចុងក្រោយមកនេះ បណ្តាប្រទេសជាច្រើនបានព្យាយាមក្នុងការចាកចេញពីវិស័យថាមពលនុយក្លេអ៊ែរដោយសារបារម្ភចំពោះបញ្ហាសុវត្ថិភាពនៃប្រតិបត្តិការរបស់រោងចក្រនុយក្លេអ៊ែរ និងផលប៉ះពាល់ដ៏ធ្ងន់ធ្ងររបស់វា ប៉ុន្តែក្រោយបញ្ហាវិបត្តិរបស់សកលលោកអំឡុងពេលវិបត្តនៅអ៊ុយក្រែនវាបានធ្វើឲ្យប្រទេសទាំងនោះចាប់ផ្តើមធ្វើការពិចារណាឡើងវិញចំពោះថាមពលនុយក្លេអ៊ែរ ដោយសារតែបារម្ភចំពោះបញ្ហាសន្តិសុខលើវិស័យថាមពលជាតិរបស់ពួកគេរៀងខ្លួនទៅវិញ៕
Account
Security
Favourite Content