សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ្នកជំនាញនៅក្នុងវិស័យទេសចរណ៍កម្ពុជាបានបង្ហាញពីក្ដីព្រួយបារម្ភពាក់ព័ន្ធទៅនឹងភាពប្រឈមនឹងការបាត់បង់ធនធានមគ្គទេសក៍ទេសចរណ៍ក្នុងការផ្តល់សេវាក្រោយពេលវិស័យមួយនេះវិលត្រឡប់ទៅភាពល្អប្រសើរឡើងវិញបន្ទាប់ពីវិបត្តិនៃជំងឺកូវីដ-19ត្រូវបានបញ្ចប់ជាស្ថាពរ។
សម្រាប់ការធ្វើដំណើរមកដល់នៃចំនួនភ្ញៀវទេសចរអន្តរជាតិមកកាន់កម្ពុជាបានធ្លាក់ចុះប្រមាណ80.2ភាគរយនៅក្នុងឆ្នាំ2020ដោយសារការរិតបន្តឹងការធ្វើដំណើរជាសាកល ហើយក៏ត្រូវបានគេរំពឹងថាការធ្លាក់ចុះនេះនឹងបន្តស្ទើរតែពេញមួយឆ្នាំនៃឆ្នាំ2021។ មានន័យថា វិស័យ ទេសចរណ៍នឹងមិនបានរួមចំណែកក្នុងការលើកស្ទួយ និងទ្រទ្រង់សេដ្ឋកិច្ចជាតិនោះឡើយ។ នេះបើតាមការព្យាកររបស់ធនាគារអភិវឌ្ឍន៍អាស៊ីកាលពីពេលកន្លងទៅ។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាបានមានប្រសាសន៍ថា មគ្គទេសក៍មួយចំនួនធំនៅក្នុងវិស័យទេសចរណ៍ ជាពិសេសអ្នកនៅតំបន់សៀមរាបបានចាកចេញទៅតាមបណ្តាខេត្តនានាដើម្បីបំពេញការងារផ្សេង ដែលអាចទទួលបានចំណូលផ្គត់ផ្គង់កម្រិតជីវភាពប្រចាំថ្ងៃបើទោះជាការងារ ឬមុខរបរទាំងនោះខុសពីជំនាញរបស់ពួកគេក៏ដោយ ព្រោះវាជាកត្តាចាំបាច់នៅចំពោះមុខ។
លោកជំទាវបានបន្តទៀតថា ៖
“ភាពជាក់ស្ដែងនៅពេលនេះ បើសិនជាក្នុងករណីដែលអ្នកមគ្គទេសសម្លឹងឃើញឱកាសល្អណាមួយនោះ ពួកគេច្បាស់ជាទៅហើយ ដោយសារតែពួកគេមើលឃើញថាវិស័យទេសចរណ៍នៅតែបន្តទទួលរងនូវផលប៉ះពាល់ពីវិបត្តិសេដ្ឋកិច្ច ហើយនឹងត្រូវការពេលវេលាយូរបន្ថែមទៀតទើបអាចមានស្ថានការណ៍ល្អដូចដើមវិញ។ ការចាកចេញរបស់ពួកគេ អាចនឹងក្លាយទៅជាបញ្ហាប្រឈមខ្វះខាតអ្នកជំនាញពិត(មគ្គទេសក៍មានវិជ្ជាជីវៈ)នៅថ្ងៃខាងមុខបន្ទាប់ពីវិបត្តិត្រូវបានបញ្ចប់”
ដោយសារការមើលឃើញពីបញ្ហាចំពោះមុខមួយនេះ ប្រធានសមាគមទីភ្នាក់ងារទេសចរណ៍កម្ពុជា លោកជំទាវ ឆាយ ស៊ីវលីន បានលើកឡើងថា ពាក់ព័ន្ធទៅនឹងភាពប្រឈមខាងលើនេះ រាជរដ្ឋាភិបាលតាមរយៈក្រសួងទេសចរណ៍ គួរមានយន្តការសង្គ្រោះបន្ថែមដើម្បីអាចជាដំណោះស្រាយដ៏ល្អសម្រាប់ផ្ដល់លទ្ធភាពទៅដល់ក្រុមអ្នកមគ្គទេសទេសចរណ៍ទាំងនោះជៀសវាងការបាត់បង់ពួកគេដែលជាធនធានសំខាន់នៅក្នុងវិស័យសេវាកម្ម ហើយក៏ជាភ្នាក់ងារក្នុងការផ្សព្វផ្សាយវប្បធម៌ អរិយធម៌ និងសក្តានុពលរបស់កម្ពុជាទៅកាន់អន្តរជាតិផងដែរ។
គួរបញ្ជាក់ថា វិស័យទេសចរណ៍បានទទួលរងនូវផលប៉ះពាល់ក្នុងកម្រិតធ្ងន់បើប្រៀបធៀបនឹងវិស័យផ្សេងៗ ពោលគឺបាត់បង់ចំណូលស្ទើរទាំងស្រុងកាល ពីឆ្នាំ2020។ យ៉ាងណាក៏ដោយ ក្រោមការដាក់ចេញនូវផែនការយុទ្ធសាស្ត្ររបស់រាជរដ្ឋាភិបាលកម្ពុជាតាមរយៈការបង្កើតគោលដៅទេសចរណ៍ថ្មី ការអភិវឌ្ឍន៍លើហេដ្ឋារចនាសម្ព័ន្ធកាន់តែមានសោភ័ណភាពងាយស្រួលធ្វើដំណើរ ជាពិសេសផលិតផលទេសចរណ៍ថ្មីៗជាច្រើនយ៉ាងសម្បូរបែបផងដែរនោះ ស្ថាប័នជាតោ អន្តរជាតិធំៗបានព្យាករណ៍ថានៅក្នុងឆ្នាំ2021 វិស័យទេសចរណ៍អាចនឹងកើនឡើងក្នុងទំហំ3.3ភាគរយ ហើយអាចនឹងបន្តកើនឡើង 6.2ភាគរយនៅឆ្នាំ2022ខាងមុខនេះ៕
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
Account
Security
Favourite Content