គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) ជាបណ្តាញព័ត៌មានសេដ្ឋកិច្ចដែលផ្តោតសំខាន់លើម៉ាក្រូ និងមីក្រូសេដ្ឋកិច្ចទាំងកម្រិតជាតិ និងអន្តរជាតិ វិស័យពាណិជ្ជកម្មពាណិជ្ជកម្ម ការបង្កើតអាជីវកកម្មថ្មី និងនវានុវត្តន៍(start- up & Innovation) ហិរញ្ញវត្ថុ និងអចលនទ្រព្យ។ AMS ECONOMY មានទាំងប្រភេទមាតិកាជាអត្ថបទ និងជាកម្មវិធីបទយកការណ៍សំខាន់ៗជាច្រើនពាក់ព័ន្ធនឹងការបង្កើតអាជីវកម្មថ្មី ប្រវត្តិសាស្រ្តសេដ្ឋកិច្ច មរតកគំនិតសម្រាប់ម្ចាស់សហគ្រាសសំខាន់ៗ និងប្រភពព័ត៌មានពាក់ព័ន្ធនឹងការរស់នៅប្រចាំថ្ងៃ។
ស្ថិតក្នុងបរិបទដែលកម្ពុជាកំពុងអភិវឌ្ឍឆ្ពោះទៅកាន់គោលដៅដើម្បីក្លាយជាប្រទេសដែលមានចំណូលមធ្យមកម្រិតខ្ពស់ក្នុងឆ្នាំ ២០៣០ និងប្រទេសមានចំណូលខ្ពស់ក្នុងឆ្នាំ ២០៥០ ប្រពភព័ត៌មានស្តីពីសេដ្ឋកិច្ចទាំងជាតិ និងអន្តរជាតិ គឺជារឿងសំខាន់សម្រាប់គ្រប់ភាគីទាំងអស់ក្នុងសង្គម។ ហេតុនេះហើយទើបគេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) ព្យាយាមគ្រប់លទ្ធភាពដើម្បីបង្កើតឡើងនូវប្រភពយ៉ាងសំខាន់ក្នុងការចែករំលែកព័ត៌មានសេដ្ឋកិច្ចប្រកបដោយវិជ្ជាជីវៈ ការវិភាគស៊ីជម្រៅ និងច្បាស់លាស់ លើប្រភេទព័ត៌មានព្រឹត្តិការណ៍ (event) ស្ថានការណ៍ (situation) និងបទវិភាគ (feature) ដើម្បីជាទន់នៃគំនិតសម្រាប់សាធារណជនក្នុងការអភិវឌ្ឍអាជីវកម្មរបស់ខ្លួន រួមទាំងចូលរួមចំណែកលើផ្នែកផ្សេងៗទៀតនៃសេដ្ឋកិច្ចកម្ពុជា។
ចំណុចដែលគេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) មានចំណុចខុសប្លែកពីស្ថាប័នដទៃ (unique) គឺការបង្កើតប្រភពព័ត៌មានប្រកបដោយភាពប្រាកដនិយម ស៊ីជម្រៅ ច្បាស់លាស់ និងមានសិល្បៈខ្ពស់លើការច្នៃប្រឌិត។ យើងមានគេហទំព័រដែលមានបច្ចេកវិទ្យា និងការរចនាប្រកបដោយភាពច្នៃប្រឌិតថ្មីបំផុតលើពិភពលោក មានផលិតផលវីដេអូប្រកបដោយសិល្បៈរស់រវើកដែលចុះទៅដល់គ្រប់ទីតាំងទាំងអស់ក្នុងប្រទេស និងមានប្រភពអត្ថបទដែលផ្តោតលើតម្លៃអប់រំបែបអព្យាក្រិត្យ (balancing news) និងថ្លឹងថ្លែងយ៉ាងហ្មត់ចត់បំផុត។
គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) មានគោលដៅក្លាយជាបណ្តាញព័ត៌មាននាំមុខគេនៅក្នុងប្រទេស និងក្នុងតំបន់ ដែលមានសមត្ថភាពផ្តល់ព័ត៌មានប្រកបដោយភាពទូលំទូលាយទៅកាន់គ្រប់តំបន់ទាំងអស់។ គោលបំណងសំខាន់របស់យើងគឺចូលរួមចំណែកជាមួយរាជរដ្ឋាភិបាលកម្ពុជាក្នុងការអភិវឌ្ឍសមត្ថភាព លទ្ធភាព និងផ្នត់គំនិតប្រជាជនឱ្យចេះរស់នៅប្រកបដោយផ្នត់គំនិតស៊ីជម្រៅ (critical thinking) ជំរុញចំណេះដឹងប្រជាជនឱ្យចេះប្រើប្រាស់ធនធានឱ្យអស់ពីសក្តានុពលដើម្បីអភិវឌ្ឍជីវិតរស់នៅ និងជំរុញសេដ្ឋកិច្ចគ្រួសារខ្មែរឱ្យកាន់តែប្រសើរ ដែលជាបច្ច័យយ៉ាងសំខាន់មួយក្នុងការរុញច្រានសេដ្ឋកិច្ចជាតិឱ្យលូតលាស់យ៉ាងឆាប់រហ័ស។
គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) បានចុះបញ្ជីរយ៉ាងត្រឹមត្រូវជាមួយនឹងក្រសួងពាណិជ្ជកម្ម និងមានអាជ្ញាបណ្ណស្របច្បាប់ពីក្រសួងព័ត៌មាន នៃព្រះរាជាណាចក្រកម្ពុជា។ ស្ថាប័នព័ត៌មានប្រកបដោយគុណភាពនេះ បានភ្ជាប់ទំនាក់ទំនងយ៉ាងជិតស្និទ្ធជាមួយនឹងស្ថាប័នរដ្ឋ និងឯកជនជាច្រើនដើម្បីពង្រីកវិសាលភាពនៃការផ្សព្វផ្សាយរបស់ខ្លួនឱ្យកាន់តែទូលំទូលាយ លម្អិត ច្បាស់លាស់ និងប្រកបដោយទំនុកចិត្តខ្ពស់សម្រាប់សាធារណជន។
បណ្តាញព័ត៌មានអប្សរា (AMS) គឺជាម្ចាស់កម្មសិទ្ធស្របច្បាប់លើមាតិកាអត្ថបទ ឯកសារ និងវីដេអូដែលមានផ្សាយនៅលើគេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY)។
រាល់ការផលិត ឬយកផ្នែកណាមួយនៃមាតិការបស់គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) ទៅផលិតឡើងវិញ ចាំបាច់ត្រូវតែស្នើសុំការអនុញ្ញាតជាលាយលក្ខណ៍អក្សរមកម្ចាស់កម្មសិទ្ធ ដោយបញ្ជាក់ពីប្រភពច្បាស់លាស់ (credit) លើមាតិដែលស្នើសុំទាំងអស់នោះ។
ដើម្បីស្នើសុំផ្សព្វផ្សាយព័ត៌មានលើគេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) លោកអ្នកអាចទាក់ទងមកកាន់សារអេឡិចត្រូនិក (email) ផ្លូវការ ឬទាក់ទងមកកាន់លេខទូរស័ព្ទរបស់ AMS ECONOMY ដើម្បីបង្ហាញពីប្រភពនៃព្រឹត្តិការណ៍ គោលបំណងផ្សព្វផ្សាយ និងអត្ថប្រយោជន៍សម្រាប់សាធារណជន។ រាល់សំណើរទាំងអស់ AMS ECONOMY នឹងពិនិត្យ វិភាគដោយយកចិត្តទុកដាក់។ ចំពោះមាតិកាទាំងឡាយណាដែលមិនត្រូវជាមួយនឹងគោលដៅសំខាន់ ទម្រង់មាតិកា និងលក្ខខណ្ឌរបស់ស្ថាប័ន AMS ECONOMY មានសិទ្ធបដិសេធមិនធ្វើការផ្សព្វផ្សាយជូននោះទេ។
ដើម្បីផ្សព្វផ្សាយពាណិជ្ជកម្មមួយទៅលើ គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) លោកអ្នកអាចទាក់ទងមកកាន់លេខទូរស័ព្ទផ្នែកលក់ដែលមានដាក់បង្ហាញលើគេហទំព័រផ្ទាល់។
គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) មានរចនាសម្ព័ន្ធច្បាស់លាស់ស្របតាមបច្ចេកទេសព័ត៌មាន និងច្បាប់នៃព្រះរាជាណាចក្រកកម្ពុជា។ រាល់មាតិកាទាំងអស់ ទាំងការផ្សព្វផ្សាយព័ត៌មាន របាយករណ៍ និងឯកសារនៅក្នុង AMS ECONOMY នឹងត្រូវត្រួតពិនិត្យពីគណៈកម្មការត្រួតពិនិត្យ (Editorial Committee) ដែលមានការីនិពន្ធ (Editor) និងនិពន្ធនាយក (Content Director/ Editor in Chief) ជាអ្នកផ្ទៀតផ្ទាត់ដោយយកចិត្តទុកដាក់បំផុត។
គេហទំព័រព័ត៌មានសេដ្ឋកិច្ចនៃបណ្តាញព័ត៌មានអប្សរា (AMS ECONOMY) មានសិទ្ធទាញយកទិន្នន័យស្របច្បាប់ចំពោះអ្នកដែលអនុញ្ញាតឱ្យយើងទាញយកទិន្នន័យតាមរយៈការបញ្ជាក់លើការចុចប៊ូតុងលើ Cookie និងលក្ខខណ្ឌតម្រូវមួយចំនួននៅពេលលោកអ្នកចូលមកកាន់គេហទំព័រ AMS ECONOMY។
លោកអ្នកអាចទាក់ទងមកកាន់លេខទូរស័ព្ទដែលមានបង្ហាញលើគេហទំព័រ AMS ECONOMY ដែលជាលេខរបស់ស្ថាប័នដើម្បីដាក់ឯកសារភ្ជាប់មួយចំនួនជាភស្តុតាងបង្ហាញថាស្ថាប័នរបស់យើងបានប្រើប្រាស់រូបភាពរបស់អ្នកដោយគ្មានការអនុញ្ញាត។ បន្ទាប់មក AMS ECONOMY នឹងទាក់ទងទៅកាន់លោកអ្នកវិញដើម្បីបញ្ជាក់ពីការសម្រេចចិត្ត ភស្តុតាងបញ្ជាក់ពីប្រភព ឬផ្តល់ដំណឹងចំពោះការសម្រេចលុបចោលរូបភាពដែលលោកអ្នកស្នើសុំពីបណ្តាញព័ត៌មានរបស់ AMS ECONOMY។

ព័ត៌មានពេញនិយម

របាយការណ៍ថ្មីៗ