សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជប៉ុន ៖ មនុស្សជាច្រើនប្រហែលជាធ្លាប់ស្គាល់ច្បាស់ហើយអំពីប្រភេទត្រីកំពតទឹកប្រៃដែលជាទូទៅហាក់មិនត្រូវបានគេយកមកធ្វើជាអាហារទទួលទាននោះឡើយដោយសារតែសារភាគច្រើនមានជាតិពុលម៉្យាងដែលមានឈ្មោះថា តេត្រូដូវតុកស៊ី (Tetrodotoxine) នៅក្នុងខ្លួនរបស់វា ដែលប៉ះពាល់ខ្លាំងទៅលើប្រព័ន្ធប្រសាទរបស់មនុស្សប្រសិនបើបរិភោគត្រីប្រភេទនេះ។
ត្រីកំពតដែល ដែលជនជាតិជប៉ុនហៅថា Fugu ឬជាភាសាអង់គ្លេស Puffer fish បែរជាត្រូវបានគេនិយមទទួលទានស្ទើរគ្រប់ទីកន្លែងនៅទូទាំងប្រទេសជប៉ុនក្នុងទំហំប្រមាណជា ១០ ០០០តោនជារៀងរាល់ឆ្នាំ ហើយប្រសិនបើនៅរដូវកាលឡើងថ្លៃខ្លាំង ( high season) អាចមានតម្លៃរហូតទៅដល់ ២៦៥ដុល្លារអាមេរិកក្នុងមួយគីឡូក្រាម។
គេបានដឹងហើយថា Fugu ក៏ជាប្រភេទត្រីទឹកប្រៃដែលមានជាតិពុល និងត្រូវបានហាមឃាត់ដោយរដ្ឋាភិបាលក្នុងការទទួលទាន ចុះហេតុអ្វីបានជាត្រីប្រភេទនេះមានតម្លៃខ្លាំងយ៉ាងនេះ?
ជាទូទៅ នៅក្នុងដែនទឹករបស់ប្រទេសជប៉ុន ប្រភេទត្រីកំពត Fugu នេះ មានរហូតទៅដល់ជាង ១២០អំបូរ ប៉ុន្តែក្នុងនោះមានតែ ២២អំបូរប៉ុណ្ណោះដែលត្រូវបានអនុញ្ញាតឲ្យទទួលទានពីសំណាក់អជ្ញាធរ ហើយក្នុងនោះមានតែអំបូរត្រី Fugu មួយប្រភេទប៉ុណ្ណោះដែលមានតម្លៃថ្លៃជាងគេបំផុត ហើយក៏ជាត្រីដែលមានជាតិពុលខ្លាំងជាងគេបំផុតផងដែរ ( Torafugu ឬ tigher puffer fish )។
ចំពោះប្រភេទត្រី fugu គេអាចស្វែងរកទិញបាននៅស្ទើរគ្រប់ភោជនីយដ្ឋានទូទាំងប្រទេស ប៉ុន្តែបើប្រភេទត្រី torafugu វិញ លុះត្រាណាតែភោជនីយដ្ឋានលំដាប់ប្រណិតទើបមានលក់ ពីព្រោះថាត្រីនេះមានរសជាតិឆ្ងាញ់ជាងគេ មានលក្ខណៈពិសេសខុសគេ ជាពិសេសសន្រាប់ធ្វើជាប្រភេទអាហារបែប sashimi ព្រមទាំងអាចប្រើប្រាស់ធ្វើវត្ថុធាតុដើមក្នុងការផលិតជាស្រាសក្តៅៗដែលមានឈ្មោះថា Hirazake ផងដែរ។
ត្រី fugu គឺជាអាហារប្រពៃណីរបស់ជនជាតិជប៉ុនរាប់រយឆ្នាំមកហើយ ប៉ុន្តែបច្ចុប្បន្នការដឹកជញ្ជូន និងចែកចាយផលិតផលត្រី fugu មានផលលំបាកបន្តិច ពីព្រោះថាប្រសិនពលរដ្ឋនៅតំបន់កណ្តាលដូចជាទីក្រុងតូក្យូចង់ទទួលទាននោះត្រូវចាំបាច់ដឹកជញ្ជូនតាមយន្តហោះពីតំបន់ភាគខាងត្បូងនៃប្រទេសហើយត្រូវឆ្លងកាត់ការដេញថ្លៃមុនពេលវាត្រូវបានយកទៅចែកចាយបន្តតាមភោជនីយដ្ឋាននានា។
កន្លងមកជប៉ុនធ្លាប់ទទួលបានរបាយការណ៍នៃអ្នកស្លាប់ដោយសារទទួលទានត្រី fugu នេះជាច្រើនករណី ប៉ុន្តែក្រោយមកចំនួននេះត្រូវបានកាត់បន្ថយទៅវិញស្ទើរតែតិចជាងមនុស្សដែលស្លាប់ដោយសារទទួលទានអយស្ទ័រទៀតផង។ សម្រាប់បញ្ហាសារជាតិពុលដែលមាននៅក្នុងត្រី fugu បានធ្វើឲ្យរដ្ឋាភិបាលជប៉ុនបង្កើតបានទៅជាអជ្ញាបណ្ណ និងលក្ខខណ្ឌយ៉ាងតឹងរឹងសម្រាប់អ្នកដែលជំនាញធ្វើម្ហូបពីត្រី fugu ដោយទាមទារឲ្យពួកគេឆ្លងកាត់វគ្គហ្វឹកហាត់ និងបទពិសោធជាច្រើនឆ្នាំមុនពេលដែលអាចចាប់ផ្តើមប្រកបការងារ និងអាជីវកម្មអាហារជាមួយនឹងត្រី fugu បាន។ ជាចុងក្រោយមួយកត្តាដ៏សំខាន់មួយទៀតដែលបានធ្វើឲ្យត្រី fugu កាន់តែមានតម្លៃថ្លៃកើនឡើងជារៀងរាល់ឆ្នាំនោះ គឺការនេសាទខុសច្បាប់ដែលធ្វើឲ្យមានការកើនឡើងការផ្គត់ផ្គង់ត្រីលើសពីតម្រូវការ និងកំពុងធ្វើឲ្យមានការគំរាមកំហែងទៅដល់ការផុតពូជរបស់វាផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content