សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផលិតផលធ្វើពីសរសៃអំបោះបានផ្ដល់ឱកាសការងារដល់បងប្អូនប្រជាពលរដ្ឋខ្មែរ ជាពិសេសស្ត្រីដែលរស់នៅតាមទីជនបទដែលអាចទទួលបានចំណូលសម្រាប់ផ្គត់ផ្គង់ជីវភាពគ្រួសារបានមួយកម្រិត និងអាចជួយចូលរួមកាត់បន្ថយការធ្វើចំណាកស្រុកបានមួយចំណែកផងដែរ។ ជាក់ស្ដែងតាមរយៈអាជីវកម្មហាងលក់ផលិតផល តម្បាញ សួស្ដី បានផ្តល់ឱកាសការងារដល់ស្ដ្រីសរុបជាង70នាក់មកពី 70គ្រួសារផ្សេងគ្នា។
ហាងលក់ផលិតផលតម្បាញដោយដៃ សួស្ដី (Soursdey) ដែលមានទីតាំងស្ថិតនៅក្នុងក្រុងសៀមរាបត្រូវបានបង្កើតឡើងដោយស្ត្រីខ្មែរចំនួន2នាក់ ក្នុងគោលបំណងលើកស្ទួយផលិតផលខ្មែរ ជាពិសេសផលិតផលតម្បាញខ្មែរ ក៏ដូចជាផ្តល់ឱការងារដល់ស្ត្រីខ្មែរដែលមានជីវភាពខ្វះខាត និងចូលរួមកាត់បន្ថយការធ្វើចំណាកស្រុកផងដែរ។
អ្នកស្រី តាន់ សុធារី ដែលជាម្ចាស់ហាងលក់ផលិតផល សួស្ដី បានប្រាប់ AMS ឲ្យដឹងថា កាលពីដំបូងអាជីវកម្មមួយនេះមិនមែនជាគោលបំណងចម្បងរបស់អ្នកស្រីនោះឡើយ ប៉ុន្តែដោយមើលឃើញពីកង្វះខាតទីផ្សារផលិតផលតម្បាញពីអំបោះរបស់អ្នកស្រុកដែលផលិតបានហើយមិនអាចលក់បាននោះ អ្នកស្រីរួមជាមួយនឹងមិត្តភក្ដិម្នាក់ទៀតបានសហការគ្នាបង្កើតជាហាងលក់ផលិតផលតម្បាញ ហើយទទួលទិញពីអ្នកស្រុកតែម្ដង។
“ខ្ញុំបានចាប់ផ្ដើមអាជីវកម្មនេះឡើងដោយសារមិត្តភក្ដិខ្ញុំជាអ្នករស់នៅតំបន់ត្បាញស្រាប់ ហើយមើលឃើញថា អ្នកត្បាញបានជាផលិតផលហើយ ប៉ុន្តែពុំមានទីផ្សារលក់ចេញ ដូច្នេះពួកខ្ញុំក៏បានសម្រចចិត្តបង្កើតហាងនេះឡើង ដែលក្រៅពីជួយទិញផលិតផលតម្បាញ ថែមទាំងអាចផ្តល់ជាការងារបន្ថែមដល់អ្នកស្រុក ជាពិសេសស្ត្រី ដោយពួកគាត់មិនចាំបាច់ធ្វើចំណាកស្រុកទៅឆ្ងាយដើម្បីស្វែងរកការងារធ្វើនោះទេ ហើយក្រៅពីការងារតម្បាញនេះ ពួកគាត់ក៏អាចធ្វើស្រែ ធ្វើចម្ការ នៅផ្ទះមើលថែកូនបានផងដែរ”
អ្នកស្រី តាន់ សុធារី បានមានប្រសាសន៍ថា
“ពួកគាត់អាចទទួលបានចំណូលមិនមែនជាប្រាក់ខែនោះទេ ប៉ុន្តែគាត់ទទួលបានជាតម្លៃទៅតាមប្រភេទផលិតផល។ យើងមានផ្តល់ជាវត្ថុធាតុដើមសម្រាប់ត្បាញដល់ពួកគាត់ ដូចជាសរសៃអំបោះជាដើម។ នៅពេលពួកគាត់ត្បាញបានច្រើន ក៏អាចទទួលបានចំណូលច្រើន តួយ៉ាងដូចជាក្រមាមួយគេអាចទទួលបានចំណូល1ដុល្លា ឬថ្លៃជាងនេះទៅតាមប្រភេទផលិតផល និងទំហំ។ នេះមានន័យថា បងប្អូនអ្នកត្បាញ គាត់ចំណាយតែកម្លាំងពលកម្មក្នុងការត្បាញតែប៉ុណ្ណោះ”
អ្នកស្រីបានបន្តថា
បច្ចុប្បន្ននេះ ជាមួយនឹងដំណើរការនៃការលក់កំពុងធ្លាក់ចុះ ហាង សួស្ដី នៅតែទទួលទិញផលិតផលពីអ្នកត្បាញសរុបជាង70នាក់ ដែលរស់នៅតំបន់3ផ្សេងគ្នា រួមមាន ស្រុកក្រឡាញ់ ខេត្តសៀមរាប និងតំបន់ចំនួន2ទៀតនៅក្នុងខេត្តបាត់ដំបង ដោយផលិតផលទាំងនោះមានដូចជា ក្រមា ផាហ៊ុម ស៊ឹង ហូលច្រើនប្រភេទ ច្រើនម៉ូដ និងច្រើនទំហំ។ ក្រៅពីនេះ ហាង សួស្ដី ក៏មានការកែច្នៃបន្ថែមផលិតជា ភួយ ស្រោមខ្នើយ ស្រោមពូក និងសម្លៀកបំពាក់ច្នៃពីក្រណាត់ត្បាញដោយដៃជាច្រើនទៀតផងដែរ។
ចំពោះទីផ្សារលក់ចេញវិញ ត្រូវបានម្ចាស់ហាងខាងលើនេះបានប្រាប់ឲ្យដឹងថា ដោយសារតែបញ្ហានៃជំងឺកូវីដ ដែលធ្វើឲ្យប៉ះពាល់ដល់វិស័យទេសចរណ៍បានធ្វើឲ្យធ្លាក់ចុះយ៉ាងខ្លាំង ខណៈដែលការប្រកួតប្រជែងក៏មានច្រើន។ ទោះជាយ៉ាងណា ជាដំណោះស្រាយអ្នកស្រីបានធ្វើការរក្សានូវតុល្យភាពនៃតម្លៃដដែល ទាំងអ្នកត្បាញ និងអ្នកទិញឲ្យមានកម្រិតមួយសមរម្យ។
ចុងក្រោយអ្នកស្រី សុធារី បានអំពាវនាវសូមឲ្យបងប្អូនប្រជាពលរដ្ឋខ្មែរចូលរួមថែរក្សា និងលើកស្ទួយវិស័យតម្បាញខ្មែរ ដែលជាផ្នែកមួយយ៉ាងសំខាន់នៅក្នុងអត្តសញ្ញាណនៃវប្បធម៌ខ្មែរ ហើយក៏ជាការចូលរួមលើកស្ទួយនូវកម្រិតជីវភាពបងប្អូនស្ត្រីដែលជាអ្នកត្បាញផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
គណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដាក់ចេញផែនការរៀបចំដែនដីខេត្ត-ក្រុងថ្មី នៅតាមតំបន់គោលដៅទូទាំងប្រទេស
Top News, ព្រឹត្តិការណ៍, អចលនទ្រព្យ
• 05/10/2026
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានដាក់ចេញផែនការរៀបចំដែនដីខេត្ត-ក្រុងថ្មី ដើម្បីធានាលើការគ្រប់គ្រងការប្រើប្រាស់ដីធ្លីនៅតាមតំបន់គោលដៅទូទាំងប្រទេស និងណែនាំឱ្យគ្រប់ស្ថាប័នពាក់ព័ន្ធ បន្តពង្រឹងការរៀបចំផែនការយុទ្ធសាស្ត្រអភិវឌ្ឍន៍សេដ្ឋកិច្ច និងការដោះស្រាយបញ្ហាប្រឈមនានា រួមទាំងរំលេចអំពីវិស័យកសិឧស្សាហកម្មជាឆ្អឹងខ្នងដ៏សំខាន់ក្នុងការជំរុញកំណើនសេដ្ឋកិច្ច ។ ថ្លែងក្នុងកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលបានធ្វើឡើងនៅទីស្ដីការក្រសួង នារសៀលថ្ងៃទី ២ ខែតុលា ឆ្នាំ ២០២៦ ឯកឧត្តម
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រុមហ៊ុន អប្សរា មេឌា សឺវីស (AMS) និងសមាគមធនាគារនៅកម្ពុជា សហការគ្នាផលិត និងផ្សព្វផ្សាយមាតិកាលើកកម្ពស់ការយល់ដឹងអំពីការឆបោកតាមអ៊ីនធឺណិត
ក្រសួងទេសចរណ៍ និងក្រុមហ៊ុន អប្សរា មេឌា ស៊ឺវីស (AMS) រួមគ្នាជំរុញវិស័យទេសចរណ៍
Account
Security
Favourite Content