សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ នាវាទេសចរណ៍មួយឈ្មោះ SEABOURN SOJOURN សញ្ជាតិ BAHAMAS បានចូលចតនៅកំពង់ផែខេត្តព្រះសីហនុដោយសុវត្ថិភាពនាព្រឹក ថ្ងៃទី២៥ ខែមេសា ឆ្នាំ២០២៤។ នាវានេះមានបណ្តោយ ប្រវែង១៩៨,២០ ម៉ែត្រ ទទឹង ២៦ ម៉ែត្រ អាចបើលើទឹកជម្រៅ ៦,៧០ ម៉ែត្រ។
យោងតាមប្រភពព័ត៌មានពីកំពង់ផែស្វយ័តក្រុងព្រះសីហនុ បានឱ្យដឹងថា៖ ការចូលចតរបស់នាវា SEABOURN SOJOURN មានគោលបំណងមកទស្សនាប្រទេសកម្ពុជារយៈពេល ១ ថ្ងៃ បន្ទាប់ពីចេញដំណើរមកពីប្រទេសវៀតណាម។
នាវាទេសចរណ៍នេះ មាននាវិកសរុបចំនួន ៣៥៣ នាក់ មាន ៤០ សញ្ជាតិ និងមានភ្ញៀវទេសចរសរុបចំនួន ៣៦០ នាក់ មាន ២៧ សញ្ជាតិ។ ក្នុងចំណោមនេះ ភ្ញៀវជនជាតិអាមេរិកមានចំនួន ច្រើនជាងគេគឺមេរិក ១៨៨ នាក់ និងអូស្រ្តាលី ៣៤ នាក់ ហើយនាវាទេសចរណ៍នេះបានចាកចេញទៅប្រទេសថៃ នៅវេលាម៉ោង ៨យប់នៅថ្ងៃដដែល។
គួររំលឹកថា៖កាលពីថ្ងៃទី១៤ខែមេសា ឆ្នាំ២០២៤ នាវាទេសចរណ៍ ឈ្មោះ EUROPA សញ្ជាតិ MALTA មានបណ្តោយ ១៩៨.៦០ម៉ែត្រ ទទឹង ២៦ ម៉ែត្រ ជម្រៅ ៦.៣ ម៉ែត្រ ចេញដំណើរមកពីប្រទេសវៀតណាម បានចូលចតនៅកំពង់ផែស្វយ័តក្រុងព្រះសីហនុ ជាមួយនាវិកសរុបចំនួន ២៦៩នាក់ ២៦សញ្ជាតិ និងមានភ្ញៀវទេសចរ សរុបចំនួន ៣០១នាក់ ។ទេសចរតាមនាវានេះ មកទស្សនាប្រទេសកម្ពុជារយៈពេល១ថ្ងៃ ក្នុងខេត្តព្រះសីហនុ និងទៅទស្សនាប្រាសាទអង្គរវត្ត ចំនួន ៣៦នាក់៕
Account
Security
Favourite Content