សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ក្រៅពីជាតំបន់ទេសចរណ៍ដ៏ល្បីរន្ទឺនៅទូទាំងពិភពលោក សៀមរាបក៏ជាខេត្តមានសក្ដានុពលផ្នែកម្ហូបអាហារផងដែរ ដែលអាចចងចិត្តបណ្តាភ្ញៀវទេសចរជាតិ និងអន្តរជាតិចម្រុះជាតិសាសន៍តាមរយៈប្រចាំភូមិសាស្ត្រជាច្រើន ដោយក្នុងនោះក្រៅពីមានជ្រូកអាំងកូលេន នំបញ្ចុកព្រះដាក់ មាន់ប្រាសាទបាគង ហើយក្នុងនោះក៏មានមុខម្ហូបងៀតក្របីសៀមរាបដែលកំពុងមានប្រជាប្រិយភាពខ្លាំងពីសំណាក់អ្នកទទួលទានទាំងក្នុង និងក្រៅតំបន់ផងដែរ។
លោក កែវ រតនៈ ជាម្ចាស់អាជីវកម្មលក់ងៀតក្របីមួយកន្លែងមានទីតាំងនៅក្រុងសៀមរាបផ្ទាល់ បានមានប្រសាសន៍ប្រាប់ AMS ឱ្យដឹងថា បច្ចុប្បន្ននេះ អតិថិជនដែលមកគាំទ្រងៀតក្របីរបស់លោកមានការកើនឡើងច្រើនគួរសមដែលអាចលក់បានដល់ទៅ១០០គីឡូក្រាមក្នុងមួយថ្ងៃក៏មាន។
លោកបញ្ជាក់ថា ៖
“សព្វថ្ងៃខ្ញុំលក់បានចាប់ពី ៦០គីឡូទៅ ៨០គីឡូសាច់ស្រស់ តែពេលប្រលាក់ហើយពេលហាលស្ងួតស្រក់ទម្ងន់នៅសល់ប្រហែលជា ៤០-៥០គីឡូក្រាម ហើយពេលខ្លះគេកម្មង់ច្រើនអាចដល់ជាង១០០គីឡូក៏មាន”
លោកបន្តថា ៖
“បច្ចុប្បន្នយើងមានលក់ងៀតក្របី ងៀតគោ ងៀតក្រពើ និងងៀតផ្សេងៗទៀត។ ដោយឡែក ចំពោះងៀតក្របី យើងអាចលក់រាយងៀតឆៅតម្លៃ ៦៥ ០០០រៀលក្នុង១គីឡូក្រាម ឯងៀតឆ្អិន ១ប្រអប់តម្លែ១ម៉ឺនរៀល និងបោះដុំសម្រាប់អ្នកយកទៅលក់បន្តតម្លៃ ៦០ ០០០រៀល ក្នុង១គីឡូក្រាមផងដែរ”
លោកបានបន្តថា ៖
“ដោយឡែក ចំពោះអតិថិជនដែលតែងតែមកជួយគាំទ្រ និងជក់ចិត្តជាមួយរសជាតិសាច់ងៀតក្របីវិញ ត្រូវបានម្ចាស់អាជីវកម្មរូបនេះប្រាប់ឱ្យដឹងថា មានទាំងអតិថិជននៅក្នុងនៅតំបន់ ដែលជាអ្នករស់នៅ និងលក់ដូរនៅក្នុងខេត្តសៀមរាបផ្ទាល់ ហើយក៏មានមកពីតាមបណ្ដាខេត្តផ្សេងៗផងដែរ ដោយសារតែងៀតក្របីសៀមរាបនេះមានលក្ខណៈពិសេស រសជាតិឆ្ងាញ់ មិនរឹង មិនស្វិតខ្លាំង គុណភាពសាច់ហាលស្ងួតល្អ ហើយបានអនាម័យត្រឹមត្រូវថែមទៀតផង”
គួរបញ្ជាក់ដែរថា លោក រតនៈ បានចាប់ផ្តើមអាជីវកម្មនេះកាលពីដើមឆ្នាំ២០១៧ ដោយចំណាយដើមទុនត្រឹមតែជាង ១០០ដុល្លារ ក្នុងការជួលមុខផ្ទះគេសម្រាប់ដាក់ចង្រ្កានអាំងសាច់មួយកូនគ្រែតូចប៉ុណ្ណោះ។ លុះក្រោយមក ដោយសារតែមានការគាំត្រពីអតិថិជនច្រើនឡើងៗ លោកក៏ចាប់ផ្តើមបែកគំនិតពង្រីកអាជីវកម្មផលិតសាច់ងៀតក្របីម្ដងបន្តិចៗ រហូតមានភាពរីកចម្រើន និងមានទ្រង់ទ្រាយធំដូចសព្វថ្ងៃ។
យ៉ាងណាក៏ដោយ បើទោះជាបច្ចុប្បន្នអាជីវកម្មមួយនេះមានភាពរីកចម្រើនយ៉ាងឆាប់រហ័សក៏ដោយ ប៉ុន្តែផលលំបាក និងភាពប្រឈមក៏នៅតែមាន ជាពិសេសពាក់ព័ន្ធទៅនឹងបញ្ហាដើមទុន ដោយសារត្រូវចំណាយទាំងថ្លៃជួលទីទាំង និងវត្ថុធាតុដើមផ្សេងៗទៀតផងដែរ ខណៈដែលក្ដីប្រាថ្នារបស់លោកនៅថ្ងៃអនាគត ចង់ពង្រីកអាជីវកម្មឱ្យបានធំជាងនេះ និងមានស្តង់ដារត្រឹមត្រូវ អាចផលិតជាប្រភេទសាច់ងៀតឆៅ និងសាច់ងៀតឆ្អិត វេចខ្ចប់ក្នុងកញ្ចប់តូចៗ ដែលអាចដាក់លក់បាននៅតាមម៉ាត និងតាមតូបចាប់ហួយ ក៏ដូចជាតាមភូមិ តាមស្រុកទូទៅឱ្យកាន់តែទូលំទូលាយ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content