សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការធ្វើស្រែនាពេលបច្ចុប្បន្ននេះហាក់មិនសូវមានផលចំណេញច្រើននោះទេ ដោយសារកត្តាចំណាយច្រើនទៅលើថ្លៃដើម តាំងពីពូជស្រូវ ថ្លៃជី ក៏ដូចជាការចំណាយផ្សេងៗរហូតទទួលបានផល។ ប៉ុន្តែប្រសិនបើកសិករអាចពិចារណាច្នៃដីស្រែដែលមិនសូវទទួលបានផលចំណេញនោះឱ្យទៅជាកន្លែងសម្រាប់ចិញ្ចឹមបង្កងអូស្រ្តាលីវិញនោះ អាចនឹងទទួលបានផលចំណេញច្រើន ដោយគ្រាន់តែធ្វើការកែច្នៃសម្រាប់ចិញ្ចឹមជាលក្ខណៈធម្មជាតិ ចំណាយពេលមើលថែទាំតិច អាចទទួលបានផលច្រើន និងមានតម្រូវការទីផ្សារខ្ពស់។
លោក ពៅ ប៉ឹង ជាអ្នកចិញ្ចឹមបង្កងអូស្ត្រាលីក្នុងស្រែមួយរូបមានទីលំនៅនៅភូមិដំរីស្លាប់ ឃុំចន្លាសដៃ ស្រុកក្រឡាញ់ ខេត្តសៀមរាប បានមានប្រសាន៍ប្រាប់ AMS ឱ្យដឹងថា ការច្នៃដីស្រែឱ្យទៅជាស្រែបង្កងអូស្ត្រាលី គឺទទួលបានផលចំណេញច្រើន ដោយសារមិនចាំបាច់ចំណាយទៅលើការរៀបចំប្រព័ន្ធចិញ្ចឹមដូចជាអាង បណ្តាញចេញចូល និងដំបូលនោះទេ ពោលគឺអាចចិញ្ចឹមនៅក្នុងស្រែតាមធម្មជាតិ ជាមួយអាកាសធាតុអំណោយផលនៅក្នុងកម្ពុជា ហើយម្យ៉ាងទៀត នៅក្នុងស្រែមានទឹកគ្រប់គ្រាន់ផងនោះ គឺអាចចិញ្ចឹមបង្កងអូស្រ្តាលីបានផលល្អ។
លោកបញ្ជាក់ថា ៖
“បងប្អូនដែលមានដីស្រែ ហើយមិនសូវទទួលបានផលពីការធ្វើស្រូវ និងមិនសូវចំណេញ អាចពិចារណាងាកមកចិញ្ចឹមបង្កងអូស្ត្រាលីនៅក្នុងស្រែវិញបាន ដោយសារការចិញ្ចឹមនេះមិនពិបាកអ្វីច្រើននោះទេ ជាក់ស្ដែងដូចជាខ្ញុំផ្ទាល់ដែលមានដីស្រែទំនេរទុកចោលក៏ច្នៃចិញ្ចឹមបង្កងអូស្ត្រាលីបែបធម្មជាតិ ជាពិសេសនៅក្នុរដូវវស្សាដែលមានទឹកស្រាប់ គឺងាយស្រួលមិនចំណាយពេលច្រើន អាចសល់ពេលទៅធ្វើការងារផ្សេងទៀតបាន”
ម្ចាស់កសិដ្ឋានខាងលើបន្ថែមថា ៖
“ចំពោះបង្កងអូស្ត្រាលីរបស់យើងមានទីផ្សារល្អ ដែលយើងអាចលក់ទៅឱ្យខាងភោជនីយដ្ឋាននៅរាជធានីភ្នំពេញ និងខាងខេត្តព្រះសីហនុ ហើយតម្លៃយើងអាចលក់បានខ្ពស់គួរសមគឺមិនក្រោម ២០ដុល្លារទេក្នុងមួយគីឡូក្រាម។ ឯភ្ញៀវក៏ពេញចិត្តនឹងតម្លៃនេះដោយសាររសជាតិបង្កងយើងខុសពីបង្កងតាមផ្សារ ដោយសារយើងចិញ្ចឹមបែបធម្មជាតិ ហើយក្រៅពីនេះយើងក៏មានលក់រាយៗខ្លះដែរ ដែលអតិថិគាត់ឃើញតាមបណ្ដាញសង្គម និងកម្ម៉ង់ទិញ”
លោក ពៅ ប៉ឹង បានបន្តថា ៖
“សម្រាប់បច្ចុប្បន្ន យើងមានចិញ្ចឹម២បែប ទាំងក្នុងស្រែ និងក្នុងស្រះ ដោយក្នុងនោះយើងបានពង្រីកជាបន្តបន្ទាប់មានជាង១០ស្រះ និងចិញ្ចឹមក្នុងស្រែប្រមាណ ៣ស្រែផ្សេងទៀត ដោយយើងលើកភ្លឺជុំវិញទំហំប្រមាណ ៤០ម៉ែត្របួនជ្រុង។ ចំណែកចំនួនកូនបង្កងយើងដាក់ទៅតាមទំហំដោយក្នុងមួយស្រះយើងមានប្រមាណ ជាង១ម៉ឺនកូន ហើយសម្រាប់ការដាក់គឺក្នុងមួយម៉ែត្រការ៉េ យើងដាក់កូនបង្កងប្រមាណ ៥-១០ក្បាល”
ពាក់ព័ន្ធទៅនឹងបច្ចេកទេសក្នុងការចិញ្ចឹម គឺអាស្រ័យទៅតាមខ្នាត ដោយខ្នាតលេខ១ ជាខ្នាតធំ ក្នុង១គីឡូក្រាមប្រមាណ ៧-១០ក្បាល អាចចំណាយចិញ្ចឹម ៦ខែឡើងទៅ សម្រាប់ខ្នាតលេខ២ មានប្រមាណ ២០ក្បាលក្នុងមួយគីឡួក្រាម ប្រើរយៈពេលប្រមាណ៤ខែ ហើយខ្នាតលេខ៣ មានប្រមាណ២៥ក្បាលក្នុងមួយគីឡូក្រាម ចំណាយពេលចិញ្ចឹមជាង៣ខែ គឺអាចប្រមូលផលបានហើយ។ ដោយឡែក ចំពោះការឱ្យចំណីបង្កង គេអាចប្រើចំណីធម្មជាតិ និងចំណីដែលនាំចូលពីប្រទេសជិតខាង ក៏ប៉ុន្តែភាគច្រើនគេក៏អាចប្រើចំណីធម្មជាតិដែលមាននៅក្នុងស្រែ ឬនៅក្នុងស្រះស្រាប់ ដូចជា សារាយ ចក ប្លង់តុង និងកសិផលជុំវិញផ្ទះ ដូចជា ផ្លែស្វាយទុំ បន្លែ ល្ពៅ សណ្ដែកបាយ ដែលជាផលិតផលក្នុងស្រុក និងជាផ្នែកមួយអាចជួយដល់សេដ្ឋកិច្ចកសិករផងដែរ។ ក្រៅពីនេះ នៅររដូវវស្សា គេអាចប្រើដូចជាក្ដាម ខ្យង ដែលរកបាន និងបុកដាក់ឱ្យបង្កងស៊ីទាំងអស់ ពោលគឺបង្កងប្រភេទនេះងាយស្រួលឱ្យចំណី ស៊ីមិនរើសមុខឡើយ។ នេះជាអ្វីដែលម្ចាស់កសិដ្ឋានខាងលើបានលើកឡើង។
លោកបញ្ជាក់ទៀតថា ៖
“និយាយរួមទៅ សម្រាប់ការចិញ្ចឹមបង្កងអូស្ត្រាលីនេះ នៅក្នុងស្រះមានច្រើនខ្នាតគឺយើងអាចប្រមូលផលបណ្ដើរៗចាប់ពីបីខែឡើងទៅ ហើយសម្រាប់លក្ខណៈពិសេសគឺយើងទុកវាកាន់តែយូរ បង្កងកាន់តែធំ កាន់តែត្រូវប៉ាន់ និងលក់បានកាន់តែថ្លៃ”
គួរបញ្ជាក់ដែរថា លោកបានចាប់ផ្ដើមចិញ្ចឹមបង្កងអូស្ត្រាលីក្នុងស្រែតាំងពី២០១៩ ពោលគឺប្រមាណ៤ឆ្នាំហើយ ដែលដំបូងឡើយលោកចាប់ផ្ដើមពីកូនបង្កងប្រមាណ ៣០០ក្បាល ដោយក្នុងមួយក្បាលថ្លៃ២០០០រៀល ហើយក៏បានពង្រីកការចិញ្ចឹមជាបន្តបន្ទាប់រហូតមានបង្កងរាប់ម៉ឺនក្បាលដូចសព្វថ្លៃនេះ។
សម្រាប់បច្ចេកទេស ដោយសារបង្កងនេះជាបច្ចេកទេសថ្មី ក៏មិនសូវមានឯកសារច្រើន លោកបានសាកសួរពីអ្នកធ្លាប់ចិញ្ចឹមដែលមានបទពិសោធអំពីបញ្ហាប្រឈម និងដំណោះស្រាយ រួមជាមួយនឹងការស្រាវជ្រាវឯកសារបរទេសផ្សេងៗបន្ថែមផងដែរ។
ចំពោះបញ្ហាប្រឈម លោក ពៅ ប៉ឹង បានរៀបរាប់ថា ៖
“ដោយសារយើងចិញ្ចឹមនៅក្នុងស្រែអាចរងផលប៉ះពាល់ពីការបាញ់ថ្នាំពុលពីស្រែជិតខាង ដែលអាចធ្វើឱ្យបង្កងរបស់យើងមានបញ្ហាប្រសិនបើទឹករាក់ តែប្រសិនបើទឹកជ្រៅបង្កងអាចមុជចុះទៅបានជ្រៅក៏មិនមានចោទជាបញ្ហាអ្វីដែរ។ បញ្ហាទី២ គឺទឹកជំនន់ដែលអាចធ្វើឱ្យបាត់បង់ បាកច្រោះទឹក ដែលយើងធ្លាប់បាត់បង់បង្កងប្រមាណ ២ស្រះដែរ។ ចុងក្រោយគឺប្រភពទឹក ពិសេសនៅខែប្រាំង មានផលលំបាកដោយសារកន្លែងយើងនៅឆ្ងាយពីប្រភពទឹក ដែលយើងត្រូវជីកស្រះធំមួយដើម្បីស្តុកទឹកទុកប្រើប្រាស់”
យ៉ាងណាមិញ នាពេលអនាគត លោកចង់ពង្រីកការចិញ្ចឹម ក៏ដូចជាសិក្សាដើមទុកបន្ថែមទៀតដើម្បីពង្រីកមុខរបរមួយនេះឱ្យកាន់តែធំ ដែលអាចមានលទ្ធភាពផ្គត់ផ្គង់ទីផ្សារក្នុងស្រុក និងឈានដល់ការនាំចេញទៅកាន់ទីផ្សារក្រៅប្រទេស។ ក្រៅពីនេះ លោកក៏ចង់ធ្វើការសិក្សាឱ្យស៊ីជម្រៅពីប្រទេសជិតខាងទៅលើបច្ចេកទេសនៃការចិញ្ចឹមបានជោគជ័យ ក៏ដូចជាស្វែងរកឱកាសជាដៃគូសហការផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content