ភ្នំពេញ៖ ខូហ្វី ដែលជាក្រុមហ៊ុនក្នុងស្រុកធំជាងគេ ហើយមានសាខាចំនួន០៥ ផ្គត់ផ្គង់ និងចែកចាយសម្ភារៈកាហ្វេរហូតដល់ ២៥ ខេត្តក្រុង ក្នុងប្រទេសកម្ពុជា កាលពីរសៀលថ្ងៃទី១២ ខែមិនា ឆ្នាំ២០២៥ បានប្រកាសចេញលក់ផលិតផលថ្មី «ខូហ្វី ស្សេក អេន អាយស៍ KOFI Shake‘n Ice» ចំនួន ២ រសជាតិថ្មីបន្ថែមទៀត គឺ សូកូឡា ( Chocolate) និង ម៉ូកា (Mocha) ។

ការដាក់ចេញលក់រសជាតិថ្មី KOFI Shake ‘n Ice នៅលើទីផ្សារនេះ ក៏ព្រោះតែបានមើលឃើញពីតម្រូវការនៃការគាំទ្រទទួលទានពីសំណាក់អតិថិជននាពេលកន្លងមក និងទន្ទឹងរង់ចាំឲ្យក្រុមហ៊ុនចេញលក់នៅរសជាតិថ្មីឆាប់ៗ ដើម្បីបំពេញចិត្តរបស់អ្នកគាំទ្រនៅលើទីផ្សារ។

គួរម្លឹកផងដែរថា កាលពីថ្ងៃទី០១ ខែមិថុនា ឆ្នាំ២០២៤ កន្លងទៅនេះ ក្រុមហ៊ុន ខូហ្វី បានប្រកាសចេញលក់ KOFI Shake ‘n Ic ជាលើកដំបូងនៅលើទីផ្សារដែលទទួលបានការគាំទ្រជាច្រើនពីសំណាក់អតិថិជន ទៅលើស្តង់ដាបច្ចេកទេសថ្មី អាចឆុងជាមួយនឹងទឹកពិសាធម្មតាផងដែរ។ ដោយឡែក នៅក្នុងថ្ងៃ១២ ខែមីនា មិនមែនមានតែការប្រកាសរសជាតិថ្មីប៉ុណ្ណោះទេ ប៉ុន្តែវាជាពិធីអបអរសាទរចំពោះការធ្វើដំណើររបស់ Kofi រយៈពេលជិត ១ ឆ្នាំផងដែរ ដោយកន្លងមកបានបញ្ចេញរសជាតិជាច្រើន ដូចជា ៖ រសជាតិកាហ្វេទឹកកកទឹកដោះគោផ្អែម ម៉ាតឆា និងរសជាតិកាហ្វេទឹកកកទឹកដោះគោបន្ថយជាតិផ្អែមជាដើម ដើម្បីបំពេញតម្រូវការរបស់អតិថិជន។

លោក  រុន សុភ័ក្រ្ត ប្រធាននាយកដ្នានផ្នែកទីផ្សារនៃក្រុមហ៊ុន ខូហ្វី និងតំណាងឲ្យក្រុមហ៊ុនខូហ្វីទាំង​មូល បានលើកឡើងថា

«ខ្ញុំពិតជាមានសេចក្តីសោមនស្សរីករាយជាខ្លាំង ដែលបានសម្ពោធជាផ្លូវការប្រកា​សចេញលក់រសជាតិថ្មី KOFI Shake ‘n Ice  ប្រកបដោយភាពច្នៃប្រឌិត គុណភាព និងផ្តល់ឲ្យអតិថិជនទាំងអស់ក៏ដូចជាម្ទាស់អាជីវកម្មកាហ្វេ បានសាកភ្លក្សរសជាតិថ្មី។តួយ៉ាង នៅក្រុមហ៊ុន ខូហ្វី ការច្នៃប្រឌិតគឺជាចំណុចសំខាន់ នៅក្នុងអាជីវកម្មរបស់យើង ដោយគុណតម្លៃស្នូលតាំងពីដំបូងមកដែលគោលបំណងរបស់យើងគឺបង្កើតភេសជ្ជៈមិនត្រឹមតែមានរសជាតិឆ្ងាញ់ប៉ុណ្ណោះ​ទេ ប៉ុន្តែអាចបំពេញតម្រូវការរបស់អតិថិជនបានផងដែរ»។

លោកប្រធាននាយកដ្នានផ្នែកទីផ្សារ បានឱ្យដឹងថា៖ថ្ងៃនេះ(១២ មីនា) ក្រុមហ៊ុន ខូហ្វី ពិតជាមានកិត្តិយសដ៏អស្ចារ្យក្នុងការប្រកាសចេញលក់ រសជាតិថ្មី ២ មុខ សូកូឡា ( Chocolate) និង ម៉ូកា (Mocha)  ដែលរសជាតិទាំងពីរនេះ មិនត្រឹមតែមានរសជាតិឈ្ងុយឆ្ងាញ់និងរមួតនោះទេប៉ុន្តែវាជាបទពិសោធន៍ថ្មីផងដែរដែលសម្រាប់សូកូឡា សូម្បីតែកូនក្មេងអាយុចាប់ពី ៥ឆ្នាំឡើងទៅ ក៏អាចទទួលទានបានដែរ ចំណែកឯ ម៉ូកា ជាសមាសភាពដ៏ល្អឥតខ្ចោះរវាងកាហ្វេ និងសូកូឡា ដើម្បីបង្កើតរសជាតិថ្មីនេះ ផ្តល់ឲ្យថាមពលនិងឆ្ងាញ់ពិសា។ 

ក្រុមហ៊ុនខូហ្វី នៅតែបន្តនូវការច្នៃប្រឌិតភេសជ្ចៈថ្មីជានិច្ច។ ឥឡូវនេះ ក្រុមហ៊ុនកំពុងស្រាវជ្រាវផលិតភេសជ្ជៈថ្មីៗទៀត ដែលមានតម្រូវការប្រកបដោយសុខភាព និងអាចបំពេញតម្រូវការអតិថិជន។

ទាំងអស់នេះមិនអាចកើតឡើងបានឡើយ បើគ្មានការគាំទ្រពីអតិថិជន ដៃគូសហការអាជីវកម្មទាំងអស់ ដែលអាចឲ្យផលិតផលខ្មែរ អាចឈានជើងឈរនៅលើទីផ្សារបាន ហើយការគាំទ្ររបស់អ្នកទាំងអស់គ្នា វាពិតជាផ្តល់កម្លាំងចិត្តមួយដ៏ធំសម្រាប់យើងក្នុងការបន្តបង្កើតផលិតផលថ្មីៗទៀតផងដែរ។ 

ពត៌មានបន្ថែម សូមទំនាក់ទំនង ហ្វេសប៊ុកផេក KOFI Shake ’n Ice ឬទំនាក់ទំនងលេខទូរស័ព្ទ 069 666 888៕