សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប៉ៃលិន ជាខេត្តមួយដែលមានទំហំតូចស្ថិតនៅជាប់តំបន់ព្រំដែនកម្ពុជា-ថៃ ដែលមានសក្ដានុពលសម្រាប់អ្នកវិនិយោគលើវិស័យអចលនទ្រព្យផ្នែកដីធ្លីជាពិសេសក្នុងរយៈពេលប៉ុន្មានឆ្នាំចុងក្រោយនេះ ខណៈដែលរាជរដ្ឋាភិបាលបានជំរុញកិច្ចអភិវឌ្ឍ និងមានគម្រោងបង្កើតច្រកទ្វារអន្តរជាតិបន្ថែមនៅក្នុងខេត្តមួយនេះ។ កត្តាទាំងនេះបានធ្វើឱ្យដីធ្លីនៅតំបន់មួយចំនួនមានតម្លៃថ្លៃរហូតដល់ជាង១០០០ដុល្លារក្នុងមួយម៉ែត្រការ៉េ ប៉ុន្តែក៏មានទីតាំងខ្លះនៅរក្សាតម្លៃទាបនៅឡើយត្រឹមតែ៥០០០ដុល្លារក្នុងមួយហិកតា។
លោក ហេង តុងហៃ ប្រធានសាខានៃក្រុមហ៊ុនអចលនទ្រប្យ Century 21 Zillion Holding ប្រចាំខេត្តប៉ៃលិនបានឱ្យដឹងថា តំបន់ដែលដីធ្លីមានតម្លៃខ្ពស់គឺជាតំបន់អភិវឌ្ឍន៍ និងមានការចាប់អារម្មណ៍ពីអ្នកវិនិយោគដូចជានៅតំបន់ច្រកព្រំដែនកម្ពុជា-ថៃ «ព្រំ» និងតំបន់ទីរួមខេត្តប៉ៃលិន ដែលដីធ្លីមានតម្លៃរហូតដល់ជាង១០០០ដុល្លារអាមេរិកក្នុងមួយម៉ែត្រការ៉េ ។ តំបន់ទាំងនេះគេទិញហើយសម្រាប់អភិវឌ្ឍជាអគារខ្ពស់ៗ សណ្ឋាគារ កាស៊ីណូ ឬផ្ទះសំណាក់ជាដើម ។
លោកបន្តថា ៖
“កាលពីមុនកូវីដ១៩ ទោះបីជាតម្លៃដីរាងខ្ពស់បន្តិចមែន ប៉ុន្តែមានអ្នកស្វែងរកទិញច្រើន ដោយទិញហើយគេចាប់ផ្ដើមអភិវឌ្ឍតែម្ដង ពីព្រោះកាលនោះគឺមានវិនិយោគិនបរទេសចាប់អារម្មណ៍លើការវិនិយោគច្រើនក្នុងខេត្តប៉ៃលិន ដូច្នេះហើយទើបមានការស្វះស្វែងរកទីដីធ្លីពីសំណាក់វិនិយោគិនក្នុងស្រុកដើម្បីផ្ដល់ជូនអ្នកអភិវឌ្ឍន៍។ ប៉ុន្តែចាប់តាំងពីវិបត្តិកូវីដ១៩មក ធ្វើឱ្យតមៃ្លដីធ្លីនៅក្នុងខេត្តប៉ៃលិនបានថមថយបន្តិច តែក៏ស្ថិតនៅក្នុងកម្រិតមួយខ្ពស់គួរសមដែរសម្រាប់តំបន់ដែលមានសក្ដានុពលខ្ពស់”
លោកបន្ថែមថា ៖
“ក្រៅពីដីធ្លីដែលមានតម្លៃខ្ពស់នេះហើយ នៅក្នុងខេត្តប៉ៃលិនក៏យើងអាចស្វែងរកដីធ្លីដែលមានតម្លៃទាបសម្រាប់វិនិយោគលើវិស័យកសិកម្មផងដែរ។ តម្លៃដីកសិកម្មយើងអាចរកបានក្នុងតម្លៃត្រឹម ៥០០០ដុល្លារអាមេរិកក្នុងមួយហិកតា ដែលជាប្រភេទដីថ្មី ដីមិនទាន់មានការកែប្រែ ដូច្នេះសម្រាប់វិនិយោគិនដែលមានបំណងក្នុងការវិនិយោគលើកសិកម្ម ជាពិសេសដំណាំមៀនប៉ៃលិន ដែលអាចរកទិញនៅក្នុងខេត្តប៉ៃលិនទុកសម្រាប់វិនិយោគបាន”
លោកឧកញ៉ា នួន រឹទ្ធី ប្រធានក្រុមប្រឹក្សាភិបាលក្រុមហ៊ុន KFA Group ធ្លាប់បានលើកឡើងថា ការវិនិយោគលើដីធ្លីក្នុងឆ្នាំ២០២២នេះនៅតែជាឱកាសសម្រាប់អ្នកមានទុនគ្រប់គ្រាន់ក្នុងការទិញហើយទុកចំណេញនៅពេលអនាគត ពីព្រោះដីធ្លីនៅតែមានឱកាសឡើងថ្លៃបន្តទៀតនៅពេលប្រទេសមានការអភិវឌ្ឍហើយដីមានតម្រូវការខ្ពស់សម្រាប់ប្រើប្រាស់ ។
លោកឧកញ៉ាបានលើកឡើងថា ចង់វិនិយោគដីធ្លី ហើយទទួលបានប្រាក់ចំណេញគួរតែវិនិយោគដីដែលមានទីតាំងនៅឆ្ងាយពីទីក្រុង ឬដីមិនទាន់អភិវឌ្ឍន៍ ពីព្រោះដីទាំងនោះនៅមានតម្លៃទាប ហើយអត្រានៃការឡើងថ្លៃក៏ខ្ពស់ដែរ ដូច្នេះការវិនិយោគដីប្រភេទនេះនឹងទទួលបានផលចំណេញខ្ពស់ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content