សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភព័ត៌មានពីរ៉យទ័រ បានរាយការណ៍ថា តម្លៃប្រេងបានឡើងថ្លៃជាង ២% ក្នុងមួយបារ៉ែល បន្ទាប់ពីអង្គការ OPEC+ សម្រេចចិត្ត្តបង្កើនទិន្នផលប្រេង ដោយសារតម្លៃបានធ្លាក់ចុះកាលពីពេលថ្មីៗនេះ។
តម្លៃប្រេងឆៅម៉ាក Brent បានឡើងថ្លៃ ២,២% ឬ មានតម្លៃ ៦១,៣៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ២,២% ឬ មានតម្លៃ ៥៨,២៤ ដុល្លារក្នុងមួយបារ៉ែល។ បើគិតចាប់តាំងពីខែកុម្ភៈ ឆ្នាំ២០២១ តម្លៃប្រេងម៉ាកទាំងពីរបានធ្លាក់ចុះនៅកម្រិតទាបបំផុត ដែលជំរុញដល់អង្គការ OPEC+ សម្រេចចិត្តបង្កើនផលិតកម្មប្រេងបន្ថែមទៀតជាលើកទីពីរ។ កាលពីថ្ងៃសៅរ៍ អង្គការ OPEC+ បានយល់ព្រមក្នុងការបង្កើនផលិតកម្មប្រេងបន្ថែម ៤១១ ០០០ បារ៉ែលក្នុងមួយថ្ងៃសម្រាប់ខែមិថុនា ដើម្បីស៊ីសងជាមួយនឹងការកាតន់បន្ថយទិន្នផលប្រេង ២,២ លានបារ៉ែលក្នុងមួយថ្ងៃកាលពីលើកមុន។
លោក Yeap Jun Rong អ្នកយុទ្ធសាស្រ្តទីផ្សារ លើកឡើងថា ការស្ទុះងើបឡើងវិញបន្តិចនៃតម្លៃប្រេងហាក់ដូចជាមានភាពធូរស្រាលបន្តិចដល់ទីផ្សារ ដោយសារការផ្លាស់ប្តូរដ៏សំខាន់នៅក្នុងយុទ្ធសាស្ត្រផលិតកម្ម OPEC+ កើតឡើងចំពេលមានហានិភ័យពន្ធគយរបស់សហរដ្ឋអាម៉េរិក។
ចាប់តាំងពីខែមេសាមក ការប្រើប្រាស់ប្រេងបានធ្លាក់ចុះច្រើនជាង ២០% ដោយសារគោលនយោបាយពន្ធគយរបស់ប្រធានាធិបតីអាម៉េរិក Donald Trump បានជំរុញឱ្យមានការព្យាករណ៍កាន់តែខ្លាំងលើការធ្លាក់ចុះនៃសេដ្ឋកិច្ចពិភពលោក។ យ៉ាងណាមិញ គេមើលឃើញថា ការត្រឡប់មកវិញនៃទីផ្សារចិនបានជួយដល់ការគាំទ្រដល់ការកើនឡើងតម្លៃ។ គួរឲ្យបញ្ជាក់ដែរថា ចិនគឺជាអ្នកនាំចូលប្រេងធំជាងគេរប់សពិភពលោក ហើយការកើនឡើងនៃការទិញប្រេងរបស់ចិនទំនងជាជួយជំរុញការប្រើប្រាស់ប្រេង ដែលកំពុងស្ថិតនៅកម្រិតទាបនាពេលបច្ចុប្បន្ន។ មិនត្រឹមតែប៉ុណ្ណោះ ការបញ្ជេញប្រេងរបស់អាម៉េរិកក៏អាចកើនឡើងផងដែរ ដោយសារការកើនឡើងនៃការបញ្ជាទិញ៕
Account
Security
Favourite Content