សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា យុទ្ធសាស្ត្រចម្បងរបស់សម្តេចគឺជំរុញឱ្យសន្ថិភាព និងការអភិវឌ្ឍដើរទន្ទឹមគ្នា ហើយការងារដែលសំខាន់ពេលនេះគឺរក្សាឱ្យបាននូវសន្ថិភាពសម្រាប់ការអភិវឌ្ឍ និងការអភិវឌ្ឍសម្រាប់សន្ថិភាព។
ថ្លែងក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វង់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាមនាថ្ងៃទី៩ ខែមករា ឆ្នាំ២០២៣ សម្តេចតេជោ នាយករដ្ឋមន្ត្រីបានមានប្រសាសន៍លើកឡើងថា ការងារដែលសំខាន់សម្រាប់យើងនៅពេលនេះគឺរក្សាឱ្យបាននូវសន្ថិភាពសម្រាប់ការអភិវឌ្ឍ។ យើងក៏ត្រូវបានមើលឱ្យច្បាស់ថា សន្ថិភាពមួយមិនអាចគង់វង្សបានទេ ប្រសិនគ្មានការអភិវឌ្ឍ។
សម្តេចតេជោ បានថ្លែងបន្តថា ចំណុចនេះគឺចំណុច ដែលគេហៅថា ការតភ្ជាប់ (វិចារវិទ្យា) រវាងម្ខាងសន្ថិភាព និងម្ខាងនៃការអភវិឌ្ឍ។ បើចង់មានការអភិវឌ្ឍ ត្រូវតែមានសន្ថិភាព និងត្រូវរក្សាសន្ថិភាពឱ្យបាន ហើយបើចង់រក្សាសន្ថិភាពឱ្យបាន វាលុះត្រាតែមានការអភិវឌ្ឍ។
បន្ថែមបីលើនេះ សម្តេចតេជោបានលើកឡើងថា ប្រសិនបើទុកឱ្យមានស្ថានភាពក្រីក្រ ប្រជាជននឹងចាប់ផ្តើមទាមទារនេះ ទាមទារនោះ រហូតទៅដល់ការកសាងកម្លាំងប្រដាប់អាវុធដើម្បីប្រឆាំងនឹងរដ្ឋាភិបាល ឬក៏បះបោណាមួយកើតឡើង ដោយសារតែភាពក្រីក្រ ឬការមិនយកចិត្តទុកដាក់របស់រដ្ឋាភិបាលតែម្តង ដូច្នេះសន្ថិភាពនឹងការអភិវឌ្ឍត្រូវដើរទន្ទឹមគ្នា នេះគឺយុទ្ធសាស្ត្រចម្បងរបស់គណបក្សប្រជាជនកម្ពុជា។
លោកបានលើកឡើងបន្តថា មុននឹងនិយាយទៅដល់បញ្ហាដ៏ទៀត ត្រូវនិយាយអំពីសិទ្ធិរស់រៀនមានជីវិត។ បើគ្មានសិទ្ធនេះទេ វាក៏គ្មានសិទ្ធិដទៃកើតឡើងដែរ។
ជាមួយគ្នានេះ សម្តេចតេជោបានលើកអំពីសម័យខែ្មរក្រហម ឬក៏សម័យសង្គ្រាម ឆ្នាំ១៩៧០ ដល់ឆ្នាំ១៩៧៥ ដែលគ្មានសិទ្ធរស់រៀនមានជីវិត និងសម្លាប់មនុស្សប្រជាជនជាច្រើន។
សម្តេចតេជោបានមានប្រសាសន៍ថា ៖
“ដូច្នេះបានហើយសំណូមពររបស់យើង ត្រូវធ្វើម៉េចរក្សាសន្ថិភាពឱ្យបាន ហើយតាមរយៈឱកាសមាសឱកាសពេជ្រនោះទេ ដែលយើងត្រូវជំរុញការអភិវឌ្ឍន៍ ហើយយកការអភិវឌ្ឍដើម្បីពង្រឹងសន្ថិភាព យកការអភិវឌ្ឍជំរុញទៅដល់សន្ថិភាព៕”
Account
Security
Favourite Content