សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាចនិយាយបានថា ជាដំណឹងល្អសម្រាប់បងប្អូនដែលមានជំនាញផ្នែកចម្អិនម្ហូបអាហារ និងប៉ងប្រាថ្នាក្លាយខ្លួនជាសហគ្រិនលើផ្នែក និងជំនាញជាចុងភៅដាំស្ល ប៉ុន្តែខ្វះលទ្ធភាពក្នុងការបើកហាង ឬស្តង់ដើម្បីលក់នោះ អាចចាប់ផ្តើមតាមក្ដីស្រមៃរបស់ខ្លួនបានជាមួយផ្សារបោះដុំឃ្លាំងរំសេវថ្មីសែនសុខ ដែលមានរៀបចំបណ្តុំតូបលក់ម្ហូបអាហារយ៉ាងសម្បូរបែប ធំទូលាយ ស្ថិតនៅក្នុងតំបន់ Food Zone ប្រមូលផ្តុំទៅដោយអតិថិជនមានស្រាប់ដែលអាជីវករសរុបប្រមាណ ១ ០០០នាក់ រួមជាមួយនឹងអតិថិជនមកពីខាងក្រៅរាប់ពាន់នាក់នៅក្នុងមួយថ្ងៃៗ។
លោក សោម កែវម៉ាលីដា នាយកប្រតិបត្តិផ្សារបោះដុំឃ្លាំងរំសេវថ្មីសែនសុខបានលើកឡើងថា បច្ចុប្បន្ននេះនៅក្នុងផ្សារបោះដុំឃ្លាំងរំសេវថ្មីសែនសុខនេះ បានចាប់ដំណើរការក្នុងដំណាក់កាលដំបូង ដោយក្នុងនោះមានតូបលក់ទំនិញគ្រប់ប្រភេទប្រមាណ ១ ០០០តូប រួមជាមួយនឹងផ្សារលក់បន្លែ ត្រី សាច់ ផងដែរ ហើយក៏មានតូបលក់ម្ហូបអាហារ និងភេសជ្ជៈមួយចំនួនផងដែរ។
លោកបានបន្តថា ៖
“ពេលនេះ នៅក្នុងផ្សាររបស់យើងមានតូបលក់ម្ហូបអាហារ និងភេសជ្ជៈមួយចំនួន ដែលកំពុងបើកដំណើរការ និងបំពេញតម្រូវការរបស់អតិថិជនដែលមានស្រាប់ជាអាជីវករក្នុងផ្សារ និងអតិថិជនដែលជាអ្នកឆ្លងកាត់ ជាពិសេសបងប្អូនបម្រើការងារនៅរោងចក្រនៅក្នុងតំបន់ ខណៈដែលនៅក្នុងខណ្ឌសែនសុខ មានរំហូរប្រជាជនចូលមករស់នៅកាន់តែច្រើនឡើងៗជារៀងរាល់ថ្ងៃ”
លោកបានមានប្រសាសន៍បន្តថា ៖
“ដើម្បីផ្គត់ផ្គង់តម្រូវការផ្នែកម្ហូបអាហារ គណៈគ្រប់គ្រងផ្សារបានសិក្សា និងរៀបចំបង្កើតជាតំបន់ម្ហូបអាហារដែលមានឈ្មោះថា Foods Zone ស្ថិតនៅកណ្តាលផ្សារតែម្ដង ដែលការរៀបចំនេះក៏ជាការផ្តល់ឱកាសដល់បណ្តាបងប្អូនដែលមានជំនាញផ្នែកដាំស្ល និងចង់បង្កើតអាជីវកម្ម អភិវឌ្ឍខ្លួនក្លាយជាសហគ្រិនផ្នែកម្ហូបអាហារ ប៉ុន្តែមិនមានលទ្ធភាពបង្កើតហាង ឬជួលទីតាំងនៅខាងក្រៅដែលមានតម្លៃថ្លៃនោះ អាចចូលមកកាន់ Food Zone បាន ដោយផ្សាររបស់យើងមានរៀបចំរចនាតូបសម្រាប់លក់ម្ហូបអាហាររួចជាស្រេច រួមជាមួយនឹងការរៀបចំបណ្តាញទឹកស្អាត និងអគ្គិសនីយ៉ាងគ្រប់គ្រាន់ ២៤ម៉ោង លើ ២៤ម៉ោង ជាមួយនឹងការផ្តល់ជូននូវតម្លៃជួលតូបយ៉ាងសមរម្យបំផុត”
ជាមួយគ្នានេះ លោក សោម កែវម៉ាលីដា ក៏បានប្រាប់ឱ្យដឹងផងដែរថា ផ្សារបោះដុំឃ្លាំងរំសេវថ្មីសែនសុខ ក្រៅពីក្លាយជាមណ្ឌលលក់ទំនិញបោះដុំយ៉ាងសម្បូរបែប ក៏ជាទីកន្លែងដែលសម្បូរទៅដោយមុខម្ហូបអាហារ ភេសជ្ជៈចម្រុះ ដែលមានរសជាតិឆ្ងាញ់ៗជាច្រើនមុខ មានអនាម័យខ្ពស់ ជាមួយនឹងតម្លៃសមរម្យ ប្រៀបបានទៅនឹងសហគមន៍អាហារយ៉ាងដូច្នោះ ហើយកាន់តែពិសេសជាងនេះ គឺគ្រប់អតិថិជនអាចជ្រើសរើសទីតាំងអង្គុយទទួលទានអាហារយ៉ាងរីករាយនៅតាមទីកន្លែងដែលខ្លួនចង់បាន។ ដោយឡែក សម្រាប់ម្ចាស់អាជីវកម្មដែលជាសហគ្រិនមុខម្ហូបអាហារមិនចាំបាច់ចំណាយធនធានច្រើនក្នុងការជួលទីតាំងខាងក្រៅសម្រាប់បើកហាងនោះដែរ ហើយក៏មិនចាំបាច់មានការព្រួយបារម្ភពាក់ព័ន្ធទៅនឹងគ្មានអតិថិជនទិញនោះឡើយ ដោយហេតុថា ក្រៅពីអតិថិជនដែលមានស្រាប់ប្រមាណ ១ ០០០នាក់(អាជីវករជាម្ចាស់តូបក្នុងផ្សារ) ក៏មានអតិថិជនមកពីខាងក្រៅ ព្រមគ្នាជាមួយនឹងអតិថិជនមានស្រាប់ដែលជាអ្នកបម្រើការងារនៅតាមបណ្តារោងចក្រក្នុងតំបន់មិនតិចជាង១ម៉ឺននាក់នោះដែរ។
និយាយជារួម វត្តមានផ្សារបោះដុំឃ្លាំងរំសេវថ្មីសែនសុខ ក្រៅពីជាមណ្ឌលផ្គត់ផ្គង់ផលិតផលចម្រុះ រួមទាំង បន្លែ ត្រីសាច់ ដែលជាតម្រូវការចាំបាច់ប្រចាំថ្ងៃនោះ ផ្សារមួយនេះក៏បានចូលរួមបំពេញក្ដីប្រាថ្នារបស់អ្នកដែលចង់ក្លាយជាម្ចាស់អាជីវកម្មមុខម្ហូបអាហារយ៉ាងទូលំទូលាយ ខណៈដែលគណៈគ្រប់គ្រងផ្សារបានរៀបគម្រោងបង្កើតព្រឹត្តិការណ៍ជាច្រើនពាក់ព័ន្ធទៅនឹងមុខម្ហូប ចំណីអាហារ តាមរយៈការធ្វើពិព័រណ៍ និងការប្រគំដូរ្យតន្ត្រីផ្សេងៗ ដើម្បីបង្កើនភាពទាក់ទាញផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content