សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុងឡុងដ៍ ៖ ប្រទេសអង់គ្លេសបានប្រកាសដាក់ទណ្ឌកម្មលើធនាគាររុស្ស៊ីចំនួន ៥ និងបុគ្គលដែលមានទ្រព្យសម្បត្តិស្ដុកស្ដម្ភចំនួន ៣ រូប រួមទាំងលោក Gennady Timchenko បន្ទាប់ពីលោកប្រធានាធិបតី វ្ល៉ាឌីមៀ ពូទីន(Vladimir Putin) បញ្ជាឱ្យដាក់ពង្រាយកងទ័ពទៅកាន់តំបន់ផ្ដាច់ខ្លួន Donbas ភាគខាងកើតអ៊ុយក្រែន ដែលខ្លួនប្រកាសទទួលស្គាល់ឯករាជ្យកាលពីថ្ងៃចន្ទ។
លោកនាយករដ្ឋមន្ត្រី Boris Johnson និយាយថា ធនាគារដែលរងទណ្ឌកម្មរួមមានធនាគារ Rossiya, IS Bank, General Bank, Promsvyazbank និង Black Sea Bank។ ការវាយប្រហារធនាគាររុស្ស៊ីទាំងនេះអាចធ្វើឱ្យមានផលប៉ះពាល់ធ្ងន់ធ្ងរលើសេដ្ឋកិច្ច និងរដ្ឋាភិបាលរុស្ស៊ីយ៉ាងប្រសិទ្ធភាព។ ជាឧទាហរណ៍ ធនាគារ Promyzaz គ្រប់គ្រង ៧០ ភាគរយនៃកិច្ចសន្យារដ្ឋរបស់ក្រសួងការពារជាតិរុស្ស៊ី។
ចំពោះបុគ្គលដែលទទួលរងទណ្ឌកម្ម មានទំនាក់ទំនងជិតស្និទ្ធនឹងលោក Putin លោកនិយាយថា ៖
“ទ្រព្យសម្បត្តិណាមួយដែលពួកគេកាន់កាប់នៅក្នុងចក្រភពអង់គ្លេស នឹងត្រូវបានបង្កក ហើយបុគ្គលដែលពាក់ព័ន្ធនឹងត្រូវហាមឃាត់មិនឱ្យធ្វើដំណើរនៅទីនោះ”
លោក Johnson ប្រាប់សភាជាន់ទាបអង់គ្លេសទៀតថា ៖
“ឥឡូវនេះ យើងរៀបខ្លួនយើងសម្រាប់ដំណាក់កាលបន្ទាប់ដែលអាចធ្វើទៅបានចំពោះផែនការរបស់លោក Putin ។ លោកកំពុងបង្កើតលេសសម្រាប់ការវាយលុក”
ក្រោយប្រកាសទទួលស្គាល់ឯករាជ្យសាធារណរដ្ឋ Donetsk និង Luhansk នៃតំបន់ Donbas លោក Putin បញ្ជាឱ្យកងទ័ពចូលទៅក្នុងតំបន់ដែលគ្រប់គ្រងដោយក្រុមបំបែកខ្លួននេះ ហើយឈានដល់ការវាយប្រហារ។
ជាមួយនឹងសកម្មភាពថ្មី ចក្រភពអង់គ្លេសគំរាមកាត់ផ្តាច់ការចូលប្រើប្រាស់ប្រាក់ដុល្លារអាមេរិក និងប្រាក់ផោនរបស់អង់គ្លេសរបស់ក្រុមហ៊ុនរុស្ស៊ីដោយរារាំងពួកគេពីការបង្កើនដើមទុននៅទីក្រុងឡុងដ៍។ លុយរាប់រយពាន់លានដុល្លារហូរពីរុស្ស៊ីចូលទីក្រុងឡុងដ៍ និងទឹកដីក្រៅប្រទេសរបស់ចក្រភពអង់គ្លេស ចាប់តាំងពីការដួលរលំនៃសហភាពសូវៀតក្នុងឆ្នាំ១៩៩១ ហើយក្រុងឡុងដ៍ក្លាយជាទីក្រុងនៃជម្រើសសម្រាប់មហាសេដ្ឋីរុស្ស៊ី និងអតីតសាធារណរដ្ឋសូវៀតផ្សេងទៀត។
ការប្រកាសរបស់លោក Johnson ក៏ធ្វើឡើង ស្របពេលដែលប្រធានាធិបតីអាមេរិកលោក Joe Biden ចុះហត្ថលេខាលើបទបញ្ជាប្រតិបត្តិដែលហាមឃាត់ការវិនិយោគ ការធ្វើពាណិជ្ជកម្ម និងហិរញ្ញវត្ថុថ្មីដោយជនជាតិអាមេរិកនៅក្នុងតំបន់បំបែកខ្លួនអ៊ុយក្រែន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ធនាគារជាតិនៃកម្ពុជា ដាក់ឱ្យជម្រះបញ្ជីធនាគារ ៣ មិនបង្កផលប៉ះពាល់ធ្ងន់ធ្ងរដល់វិស័យធនាគារ
ធនាគារ ជីប ម៉ុង ធនាគារខ្មែរ ឈ្នះពានរង្វាន់ដ៏មានកិត្យានុភាពពីអន្តរជាតិធំៗចំនួន ២ សម្រាប់ឆ្នាំ២០២៦ ពីស្ថាប័ន Global Banking & Finance Review
Account
Security
Favourite Content