សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ថ្មីៗនេះ Weforum បានសង្ខេបនូវព្រឹត្តិការណ៍សេដ្ឋកិច្ចសលកសំខាន់ៗមួយចំនួនដូចជា ការឆ្លើយតបនៃសេដ្ឋកិច្ចសកលទៅនឹងការបោះឆ្នោតជ្រើសតាំងប្រធានាធិបតីអាមេរិក ការនាំចេញរបស់អាល្លឺម៉ង់ធ្លាក់ចុះ និងឧស្សាហកម្មសេវាកម្មរបស់ឥណ្ឌាកើនឡើងជាដើម។
បន្ទាប់ពីលោក Donald Trump ឈ្នះឆ្នោតជាប្រធានាធិបតីបថ្មីរបស់សហរដ្ឋអាមេរិក ទីផ្សារទាំងក្នុងស្រុក និងអន្តរជាតិមានភាពប្រែប្រួលដូចជា៖ ភាគហ៊ុនរបស់អាមេរិកបានឡើងដល់កម្រិតខ្ពស់បំផុត, ប្រាក់ដុល្លារបានកើនឡើងប្រហែល ១,៦៥ ភាគរយធៀបនឹងរូបិយប័ណ្ណផ្សេងៗ, តម្លៃ Bitcoin បានឡើងថ្លៃជាង ៨ ម៉ឺនដុល្លារអាម៉េរិក។ យ៉ាងណាមិញ អ្នកវិភាគក៏ព្យាករណ៍លើផលប៉ះពាល់រយៈពេលវែងផងដែរ ពាក់ព័ន្ធទៅនឹងការកាត់បន្ថយពន្ធ និងការដំឡើងពន្ធអាចនឹងកាត់បន្ថយអត្រាការប្រាក់ ប៉ុន្តែជំរុញអតិផរណាកើនឡើង។ មិនត្រឹមតែប៉ុណ្ណោះ គេព្យាករណ៍ថា ការចំណាយ និងការសន្យាលើពន្ធនឹងបង្កើនបំណុលរបស់សហរដ្ឋអាមេរិកចំនួន ៧,៧៥ ទ្រីលានដុល្លារត្រឹមឆ្នាំ២០៣៥ ។ លើសពីនេះ រ៉យទ័រ បានលើកឡើងថា ការខ្ចីប្រាក់នឹងកាន់តែកើនឡើងច្រើនសម្រាប់ប្រទេសពឹងផ្អែកលើមូលនិធិដុល្លារ។
បន្ទាប់ពីសម្ព័ន្ធគ្រប់គ្រងរបស់អាល្លឺម៉ង់បានដួលរលំ ការិយាល័យស្ថិតិជាតិបានចេញផ្សាយថា ការនាំចេញរបស់អាល្លឺម៉ង់ និងទិន្នផលឧស្សាហកម្មបានធ្លាក់ចុះ ១,៧ ភាគរយ ច្រើនជាងការព្យាករណ៍ ១,៤ ភាគរយនៅក្នុងខែកញ្ញា។ លើសពីនេះ ទិន្នផលឧស្សាហកម្មក៏ធ្លាក់ចុះផងដែរ ដោយធ្លាក់ចុះ ២,៥ ភាគរយបើធៀបទៅនឹងការព្យាករណ៍ធ្លាក់ចុះ ១ ភាគរយ។ ក្នុងអំឡុងយុទ្ធនាការរបស់ Donald Trump មុនពេលបោះឆ្នោត មានបំណងដាក់ពន្ធ ១០ ភាគរយលើការនាំចូលពីគ្រប់ប្រទេសទាំងអស់។ ប្រសិនបើអាម៉េរិកអនុម័តការដាក់ពន្ធថ្មីនោះ វានឹងរឹតតែប៉ះពាល់ដល់សេដ្ឋកិច្ចអាល្លឺម៉ង់។ ការនាំចេញរបស់អាល្លឺម៉ង់ទៅកាន់សហរដ្ឋអាម៉េរិកមានចំណែកប្រហែល ៣,៨ ភាគរយនៃផលិតផលក្នុងស្រុកសរុបរបស់អាល្លឺម៉ង់។
ក្រៅពីនេះ Weforum ក៏បានសង្ខេបព័ត៌មានសេដ្ឋកិច្ចផ្សេងៗទៀតមកពីជុំវិញពិភពលោកផងដែរ។ កាលពីខែតុលា កំណើននៅក្នុងឧស្សាហកម្មសេវាកម្មរបស់ឥណ្ឌាបានកើនឡើងនៅ បន្ទាប់ពីបានធ្លាក់ចុះដល់កម្រិតទាបរយៈពេលជិត ១០ ខែគិតត្រឹមខែកញ្ញា។ ទន្ទឹមនឹងនេះ ការនាំចេញរបស់ចិននៅក្នុងខែតុលាបានកើនឡើងក្នុងល្បឿនដ៏លឿនបំផុតក្នុងរយៈពេលជាង ២ ឆ្នាំ ដោយសាររោងចក្របានជំរុញឱ្យបញ្ជេញស្តុកទៅកាន់ទីផ្សារសំខាន់ៗ ប្រឆាំងនឹងការរឹតបន្តឹងពន្ធរបស់សហរដ្ឋអាមេរិក និងសហភាពអឺរ៉ុប។ នៅខាងតំបន់ចាយលុយអឺរូវិញ សកម្មភាពធុរកិច្ចនៅនេះមានស្ថិរភាពក្នុងខែតុលា ដោយមានការប្រសើរឡើងបន្តិចបន្តួច បន្ទាប់ពីធ្លាក់ចុះបន្តិចក្នុងខែកញ្ញា។ ទោះបីជាផលិតកម្មរបស់ប្លុកនេះកំពុងធ្លាក់ចុះក៏ដោយ ប៉ុន្តែការកើនឡើងនៅក្នុងវិស័យសេវាកម្មបានជួយទប់ទល់ការធ្លាក់ចុះនៃផលិតកម្ម។ នៅខាងប្រទេសនូវែលសេឡង់វិញ អត្រាគ្មានការងារធ្វើបានកើនឡើងតិចជាងការរំពឹងទុកនៅក្នុងត្រីមាសទី ៣ ដោយសារកំណើនមនុស្សស្វែងរកការងារនៅ ទោះបីជាសេដ្ឋកិច្ចកំពុងដើរយឺតក៏ដោយ។ នៅខាងប្រទេសហ្វីលីពីនវិញ កំណើនសេដ្ឋកិច្ចបានធ្លាក់ចុះដល់កម្រិតទាបបំផុតក្នុងត្រីមាសទីបី ដោយសារអាកាសធាតុធ្ងន់ធ្ងរបានប៉ះពាល់ដល់ការចំណាយ និងទិន្នផលកសិកម្ម៕
Account
Security
Favourite Content