សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ផលិតផលធ្វើពីផ្ដៅ និងរពាក់ ជាប្រភេទការងារហត្ថកម្មខ្មែរមួយប្រភេទដែលមានអ្នកចេះត្បាញតែនៅតាមតំបន់ ឬក៏សហគមន៍តូចៗតែប៉ុណ្ណោះដែលធ្វើឱ្យទីផ្សាររបស់វាហាក់នៅតូចចង្អៀតនៅឡើយ។ ដោយមើលឃើញពីផលលំបាក និងភាពប្រឈមការបាត់បង់ ក៏ដូចជាចង់ជួយដល់ស្ត្រីតម្បាញផ្ដៅរពាក់នេះ យុវតីម្នាក់បានសម្រេចចិត្តបន្តរបរពីម្ដាយក្នុងការជួយប្រមូលទិញក៏ដូចជារកទីផ្សារដើម្បីលក់ផលិតផលផ្ដៅរពាក់របស់ខ្មែរ។
កញ្ញា រិន សុភានិច្ច អាយុ២១ឆ្នាំ ជាអ្នកប្រមូលទិញ និងលក់ផលិតផលខ្មែរធ្វើពីវល្លិ៍រពាក់ និងផ្ដៅស្ថិតនៅភូមិទទា សង្កាត់ក្របីរៀល ក្រុងសៀមរាប ខេត្តសៀមរាប បានបញ្ជាក់ប្រាប់ AMS ថា កញ្ញាបានចាប់ផ្ដើមធ្វើការចុះប្រមូលទិញ និងលក់ផលិតផលរពាក់នេះរយៈពេលប្រមាណ៣ឆ្នាំហើយ ខណៈដែលម្ដាយរបស់កញ្ញាបានចាប់ផ្ដើមអាជីវកម្មមួយនេះអស់រយៈពេលជិត៣០ឆ្នាំមកហើយ។
កញ្ញាបានបន្តថា ៖
“មូលហេតុដែលខ្ញុំសម្រេចចិត្តធ្វើវា ព្រោះនាងខ្ញុំស្រលាញ់ និងគាំទ្រនូវស្នាដៃផលិតផលខ្មែរយើង ក៏ដូចជាបានផ្ដល់ឱកាសការងារជូនបងៗស្រ្តីដែលមានកូនតូចៗ និងស្ត្រីមានវ័យចំណាស់ ដែលពួកគាត់មិនអាចទៅធ្វើការនៅឆ្ងាយបាន ហើយងាកមកត្បាញផលិតផលថ្មីៗសម្រាប់លក់ ដើម្បីផ្គត់ផ្គង់ជីវភាពប្រចាំថ្ងៃ”
កញ្ញា សុភានិច្ច បានបន្ថែមទៀតថា ៖
“ក្រៅពីជួយទិញផលិតផលដែលធ្វើឡើងដោយដៃរបស់បងប្អូនក្នុងសហគមន៍ យើងក៏បានផ្ដល់ជាយោបល់ ក៏ដូចជាការបង្ហាញពីម៉ូដថ្មីៗដល់អ្នកផលិត ដើម្បីឱ្យពួកគាត់ចេះត្បាញម៉ូដថ្មីៗ ស្អាតៗ ទាន់សម័យតាមការចង់បានរបស់អតិថិជន ដោយសារយើងមិនអាចធ្វើតែមួយមុខៗបានទេ គឺត្រូវតម្រូវតាមចិត្តអតិថិជនដែលគាត់ចង់បានផ្សេងៗគ្នា”
សម្រាប់សហគមន៍ដែលកញ្ញា និងគ្រួសារជួយរកទីផ្សារឱ្យនៅពេលនេះគឺមានសរុបប្រមាណ ៥០-៦០គ្រួសារ នៅតាមភូមិឃុំផ្សេងៗ ដោយមួយភូមិមានសិប្បករប្រមាណ៥គ្រួសារប៉ុណ្ណោះ។ រីឯចំនួនផលិតផលគឺមានច្រើនប្រភេទ ច្រើនទំហំ ណាមួយក៏មានប្រភេទដែលអតិថិជនគាត់កម្ម៉ង់ផ្សេងទៀត ដែលមានតម្លៃចាប់ពី ១ ០០០-៨ ០០០រៀលសម្រាប់ខ្នាតតូចៗ និងចាប់ពី ១០ ០០០ – ៥០ ០០០រៀលទៅតាមទំហំនិងការកម្ម៉ង់ផ្ទាល់ ។ ចំណែកប្រភេទដែលពេញនិយមនៅក្នុងស្រុកជាងគេគឺជាប្រភេទកន្ត្រកយួរដៃសម្រាប់ដាក់ផ្លែឈើ ឬភេសជ្ជៈជាដើម ហើយក្រៅពីនេះក៏មានផលិតផលខ្លះដូចជាកន្ត្រក ឬជាលដាក់សំរាម ដែលភាគច្រើននាំចេញទៅប្រទេសថៃ ហើយអតិថិជនដែលនិយមគាំទ្រផលិតផលក្នុងស្រុកភាគច្រើននៅរាជធានីភ្នំពេញ និងមានតាមបណ្ដាខេត្តផ្សេងៗ ដូចជាខេត្តបាត់ដំបង កំពង់ចាម និងខេត្តបន្ទាយមានជ័យ។
គួរបញ្ជាក់ដែរថា កញ្ញា រិន សុភានិច្ច បានចាប់ផ្ដើមរបរនេះក្នុងដើមទុនប្រមាណ១លានរៀលដើម្បីដើរប្រមូលទិញយកផលិតផលរបស់បងប្អូនតាមសហគមន៍យកមកលក់ឱ្យឈ្មួញក៏ដូចជាលក់នៅលើទីផ្សារដោយផ្ទាល់ ហើយដើមទុនក៏នៅតែចោទជាបញ្ហារហូតមកដល់ពេលបច្ចុប្បន្នដោយសារតែកញ្ញាត្រូវឱ្យថ្លៃកក់មុន ហើយពេលខ្លះក៏មានការយឺតយ៉ាវធ្វើឱ្យរាំងស្ទះចរន្តសាច់ប្រាក់ ហើយក្រៅពីនេះក៏មានការខ្វះខាតវត្ថុធាតុដើមដើម្បីផលិតផងដែរ។
ជាចុងក្រោយ កញ្ញាសូមថ្លៃអំណរគុណដល់អតិថិជនដែលតែងតែគាំទ្រផលិតផលដែលជាស្នាដៃរបស់ស្ត្រីក្នុងសហគមន៍ ខណៈដែលកញ្ញាក៏មានគម្រោងចង់ពង្រីកការប្រមូលទិញនេះឱ្យកាន់តែធំដើម្បីជួយផ្ដល់ឱកាសការងារឱ្យបងប្អូនក្នុងសហគមន៍កាន់តែច្រើន ក៏ដូចជាបន្តរក្សាស្នាដៃនៃការងារត្បាញផ្តៅ រពាក់ខ្មែរនេះ ជាពិសេសអាចជួយលើកកម្ពស់សេដ្ឋកិច្ចក្នុងសហគមន៍ និងសង្គមផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content