សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទន្ទ្រានខេត្រ ជារុក្ខជាតិមួយប្រភេទដែលមានដើមមូលតូចៗ ដុះលូតឡើងទន្ទ្រានរាលលើរុក្ខជាតិតូចៗឯទៀត ដែលភាគច្រើនដុះនៅព្រៃចំការ ឬ ព្រៃរបោះ ហើយវាមានពូជឆាប់ដុះរាលលឿនពីទីមួយទៅទីមួយដែលគេអាចយកមកច្នៃប្រើជាប្រយោជន៍បានច្រើនយ៉ាង ទាំងផ្នែកឱសថ ទាំងផ្នែកកសិកម្ម។
ទន្ទ្រានខេត្រ ភាគច្រើនដុះតាមស្រុកស្រែ ចំការ ហើយដុះល្អនៅរដូវវស្សា និងមានផ្កានៅរដូវប្រាំង។ ចំពោះលក្ខណៈទូទៅ ទន្ទ្រានខេត្ តមានដើមតូចៗ ប៉ុនម្រាមដៃ ឬធំជាងនេះ មានផ្កាកញ្ចុំពណ៌ស មានគ្រាប់តូចៗទំហំប៉ុនគ្រាប់អង្ករ ពណ៌ខ្មៅទ្រវែង បន្តពូជដោយគ្រាប់ និងមានស្លឹកដុះទល់នឹងទង។ ស្លឹករបស់វាធំប៉ុនបាតដៃ ស្រដៀងស្លឹកពោធិ៍ តែមានរោម ។ ។ បើមិនមានអ្វីប៉ះពាល់វាទេ វាងាប់តែមែក ហើយលូតលាស់ឡើងវិញនៅពេលមានភ្លៀងធ្លាក់។
ចំពោះផ្នែកឱសថ ទន្ទ្រានខេត្រ មានប្រយោជន៍ជាឱសថ ទាំងដើម ស្លឹក និងឫស ដោយគេអាចប្រើបានទាំងដើមស្រស់ ឬហាលឱ្យស្ងួតក៏បាន។ ក្នុងនោះគេអាចកាប់ប្រមូលទន្ទ្រានខេត្តនៅតាមព្រៃរបោះមកលាងសម្អាត និងហាលឱ្យស្ងួត និងដាំទឹកសម្រាប់ទទួលទាន ដែលវាមានប្រសិទ្ធភាពក្នុងការសម្រួលដល់បញ្ហារលាកតម្រងនោម ជំងឺក្អក ឬអាចដាំទឹកងូតជួយព្យាបាលបញ្ហាសើរស្បែក ដូចជា ជំងឺបូស ហើយគេក៏អាចប្រើស្លឹកស្រស់ដើម្បីផ្សះមុខរបួសដូចជាការរលាក ឬមុតដៃមុតជើងជាដើម។
ក្រៅពីផ្នែកឱសថ ទន្ទ្រានខេត្រស្រស់ត្រូវបានគេច្នៃធ្វើជាជីកំប៉ុស៍សម្រាប់ដាក់ដំណាំដ៏មានជីជាតិ ដោយគេប្រើទន្ទ្រានខេត្រស្រស់មកចិញ្ច្រាំ ទុកឱ្យរលួយ សម្រាប់ដាក់ដំណាំ ឬបន្លែ អាចបង្កើនទិន្នផលខ្ពស់។ បន្ថែមពីលើនេះ ការបាចពង្រាយស្លឹកទន្ទ្រានខេត្តដោយផ្ទាល់ក្នុងស្រែ ឬក្នុងចំការ គេក៏អាចយកវាទៅធ្វើជាជីកំប៉ុស៍គោក ឬជីកំប៉ុស៍ទឹក សម្រាប់ជួយឱ្យដំណាំមានការលូតលាស់ល្អ និងទទួលបានទិន្នផលខ្ពស់៕
Account
Security
Favourite Content