សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដើម្បីសម្រួលនិងទាក់ទាញដល់ការវិនិយោគ នៅតាមតំបន់នានាក្នុងប្រទេសកម្ពុជាជាពិសេសនៅតំបន់ដែលមានសក្ដានុពល រាជរដ្ឋាភិបាលបានរៀបចំបែងចែកដីធ្លីទៅតាមតំបន់ នៃផ្នែកនីមួយៗ ដូចជាតំបន់ឧស្សាហកម្ម ពាណិជ្ជកម្ម លំនៅឋាន និងទេសចរណ៍ជាដើម ជាក់ស្ដែងបណ្ដាខេត្តមួយចំនួន ត្រូវបានរាជរដ្ឋាភិបាលកំពុងជំរុញឱ្យមានការរៀបចំបែងចែកដីធ្លីទៅប្រភេទដី ។
ខេត្តព្រះសីហនុ អាចជាតំបន់អាចជាខេត្តដំបូងគេដែលរាជរដ្ឋាភិបាលគិតគូរក្នុងការរៀបចំបែងចែកដីទៅតាមតំបន់ ហើយបើតាមអភិបាលខេត្តឯកឧត្តមគួច ចំរើន បានលើកឡើងកន្លងមកថា ការរៀបចំបែបនេះ នឹងសម្រួលដល់វិនិយោគិនទាំងក្នុងស្រុកនិងក្រៅប្រទេសច្រើន ។ លោកថា អ្នកវិនិយោគ ចូលមកកាន់ខេត្តព្រះសីហនុ មិនចាំបាច់ក្នុងការសិក្សាស្វែងយល់ច្រើននោះទេ ព្រោះរដ្ឋបាលខេត្តមានប្លង់មេសម្រាប់ចង្អុលបង្ហាញរួចទៅហើយ ថាតើពួកគាត់ត្រូវវិនិយោគលើវិស័យមួយណា ។
ក្រៅពីខេត្តមួយនេះ ខេត្តកណ្ដាលក៏ជាតំបន់សក្ដានុពលមួយសម្រាប់ទាក់ទាញវិនិយោគិនចូលមកបណ្ដាក់ទុនជាពិសេសលើវិស័យអចលនទ្រព្យដែរ ។ ខេត្តនេះ ក៏ត្រូវបានរៀបចំឱ្យមានការរៀបចំគម្រោងប្លង់មេបែងចែកដីធ្លីទៅតាមតំបន់ដែរ ។
នៅក្នុងទស្សនទាននៃការបែងចែកដីប្រភេទដីធ្លីនៅក្នុងខេត្តកណ្ដាល ត្រូវបានមើលឃើញថា រាជរដ្ឋាភិបាលគ្រោងនឹងរៀបចំទៅតំបន់លំនៅឋាន ពាណិជ្ជកម្ម ឧស្សាហកម្ម តំបន់ទេសចរណ៍និងតំបន់មួយចំនួនតៀតដែលអាចធ្វើទៅបាន ។
បើតាមអ្នកនាង គឹម គិនកេសា នាយិកាគ្រប់គ្រងក្រុមហ៊ុនCBRE Cambodia បានលើកឡើងថាការរៀបចំបែបនេះ នឹងសម្រួលដល់ការវិនិយោគរបស់វិនិយោគិនក្នុងនិងក្រៅប្រទេស ពីព្រោះថាអ្នកវិនិយោគចូលមកក្នុងប្រទេសកម្ពុជា មិនមែនសុទ្ធតែផ្ដោតលើវិស័យមួយនោះទេ ។ អ្នកខ្លះត្រូវការវិនិយោគលើឧស្សាហកម្ម ខ្លះទេសចរណ៍ខ្លះទៀតខាងលំនៅឋាន ។
អ្នកនាងបន្តថា នៅពេលអ្នកវិនិយោគដែលចង់វិនិយោគលើវិស័យណាមួយ យើងបានរៀបចំរួចជាស្រេចសម្រាប់តំបន់ដែលផ្ដោតលើវិស័យនោះ ដូច្នេះហើយពួកគាត់មិនចាំបាច់ធ្វើការសិក្សាអ្វីច្រើននោះទេ គាត់អាចសម្រេចចិត្តភ្លាមៗលើគម្រោងរបស់ពួកគេ ។
គួរបញ្ជាក់ថា ខេត្តកណ្ដាលជាខេត្តមួយដែលមានអំណាចទិញដូរអចលនទ្រព្យខ្លាំងមួយបន្ទាប់ពីរាជធានីភ្នំពេញ ពីព្រោះថាខេត្តមួយនេះស្ថិតនៅមិនឆ្ងាយពីរាជធានីភ្នំពេញ ។ ពលរដ្ឋរស់នៅខេត្តកណ្ដាលជាពិសេសនៅតំបន់ដែលស្ថិតនៅជាប់រាជធានីភ្នំពេញ អាចធ្វើដំណើរមកធ្វើការនៅភ្នំពេញ ហើយត្រលប់ទៅសម្រាកនៅផ្ទះវិញដោយងាយស្រួល ស្របនឹងហេដ្ឋារចនាសម្ព័ន្ធ តភ្ជាប់រវាងភ្នំពេញ និងខេត្តកណ្ដាលកាន់តែសំបូរបែប ៕
Account
Security
Favourite Content