ភ្នំពេញ ៖ នាព្រឹកថ្ងៃទី១១ ខែមេសា​ ឆ្នាំ២០២៥ គ្រឹះស្ថានមីក្រូហិរញ្ញវត្ថុ អម្រឹត ដែលជាស្ថាប័នមីក្រូហិរញ្ញវត្ថុឈានមុខគេមួយនៅក្នុងប្រទេសកម្ពុជា បានរៀបចំ ពិធីអបអរសាទរសង្រ្កាន្តឆ្នាំថ្មីប្រពៃណីជាតិខ្មែរ​ នៅស្នាក់ការកណ្តាលរបស់គ្រឹះស្ថានមីក្រូហិរញ្ញវត្ថុ អម្រឹត ក្រោមវត្តមានចូលរួមពី​គណៈគ្រប់គ្រង បុគ្គលិក និងក្រុមគ្រួសារបុគ្គលិកប្រមាណជាង៤០០នាក់។​

លោកស្រី លឹម សុផានាយិកាអង្គភាពប្រតិបត្តិការ មានប្រសាសន៏ថាជារៀងរាល់ឆ្នាំ​ គ្រឹះស្ថានមីក្រូហិរញ្ញវត្ថុ អម្រឹត តែងតែរៀបចំ​កម្មវិធីអបអរសាទរសង្រ្កាន្តឆ្នាំថ្មីប្រពៃណីជាតិខ្មែរ។ ដើមខែមេសារៀងរាល់ឆ្នាំ​ប្រជាពលរដ្ឋខ្មែរ​ទូទៅ និង​បុគ្គលិកអម្រឹតតែងតែមានចិត្តរីករាយ ​និង​​រលឹកដល់ប្រពៃណី​ វប្បធម៌ខ្មៃរដែលបង្ហាញតាមរយៈ​ ល្បែងប្រជាប្រិយដ៏សំប្បូរបែប។​ ពិធីអបអរសាទរសង្រ្កាន្តឆ្នាំថ្មី អម្រឹតបង្កើតកម្មវិធី​ជាច្រើនដែលបង្ហាញអំពីប្រពៃណី ​និងវប្បធម៌ខ្មៃដល់បុគ្គលិក និងក្រុមគ្រួសារ។​

លោកស្រី បន្តថា​ការរៀបចំអបអរសាទរសង្រ្កាន្តឆ្នាំថ្មី អម្រឹតបានរៀបចំកម្មវិធីសូត្រមន្ត ប្រោះព្រំ ប្រសិទ្ធពរជ័យជាមួយបុគ្គលិក និងក្រុមគ្រួសារបុគ្គលិក រៀបចំការសំដែងរបាំប្រពៃណី រួមមានរបាំត្រុដិ​ របាំក្រាប របាំក្ងោក និងមានការចូលរួមលេងល្បែងប្រជាប្រិយខ្មែរមួយចំនួនពីសំណាក់គណៈគ្រប់គ្រង បុគ្គលិក និងក្រុមគ្រួសារ ប្រកបដោយដោយក្តីសប្បាយរីករាយ និងស្នាមញញឹម ព្រមជាមួយការជួបជុំអាហារសាមគ្គី ប្រកបដោយបរិយាកាសរីករាយ សាមគ្គីភាព និងភាពស្និទ្ធស្នាល។

ឆ្លៀតក្នុងឱកាសដ៏សប្បាយរីករាយនៃអបអរសាទរសង្រ្កាន្តឆ្នាំថ្មីប្រពៃណីជាតិខ្មែរខាងមុខនេះផងដែរ តាងនាមគណៈគ្រប់គ្រងអម្រឹត លោកស្រី លឹម សុផា  សូមគោរពជូនពរដល់ប្រជាពលរដ្ឋខ្មែរ និងអតិថិជនទាំងអស់ សូមជួបប្រទះតែសេចក្តីសុខ សេចក្តីចម្រើន សុខភាពល្អបរិបូរណ៍ និងទទួលបានជោគជ័យគ្រប់ភារកិច្ច ជាពិសេសការធ្វើដំណើរជិតឆ្ងាយប្រកបដោយសុខសុវត្ថិភាពគ្រប់ក្រុមគ្រួសារ។

អម្រឹត សូមថ្លែងអំណរគុណយ៉ាងជ្រាលជ្រៅជាទីបំផុតជូនចំពោះអតិថិជនទាំងអស់ ចំពោះការផ្តល់ទំនុកចិត្ត គាំទ្រ និងបន្តប្រើប្រាស់សេវាកម្មទាំងអស់របស់អម្រឹត អបអរសាទរសង្រ្កាន្តឆ្នាំថ្មី ប្រពៃណីជាតិខ្មែរ!

អំពី អម្រឹត

បច្ចុប្បន្ន អម្រឹតមានមោទនភាពជាគ្រឹះស្ថានហិរញ្ញវត្ថុឈានមុខគេមួយក្នុងចំណោមគ្រឹះស្ថានហិរញ្ញវត្ថុចំនួន ១0 នៅក្នុងប្រទេសកម្ពុជាដែលផ្តល់ផលវិជ្ជមានដល់សង្គម ។ អម្រឹត បាន និងកំពុងបម្រើអតិថិជនជាង ៦00,000 នាក់ ដែលជា កសិករមានចំណូលទាប សហគ្រាសធុនតូច តូចបំផុត និងមធ្យម ។ អម្រឹតមានសាខាចំនួន១៥០ ក្នុង២៤ រាជធានី-ខេត្តទូទាំងប្រទេស និងមានបុគ្គលិកជាង ៤.៣០០នាក់ កំពុងបម្រើការងារ។

Bank SinoPac (ធនាគារ សាយណូផេក)​គឺជាភាគទុនិកធំនៅក្នុងអម្រឹត រួមជាមួយនឹងភាគទុនិកចំនួន០២ផ្សេងទៀត គឺសារជីវកម្មហិរញ្ញវត្ថុអន្តរជាតិ (IFC) ដែលជាក្រុមហ៊ុនវិនិយោគរបស់ធនាគារពិភពលោក និងធនាគារវិនិយោគនៃប្រទេសហូឡង់ (FMO) ដែលជា ស្ថាប័នអន្តរជាតិ មានកិត្តិនាម និងត្រូវបានទទួលស្គាល់ថាជាស្ថាប័នដែលមានភាពច្នៃប្រឌិត និងទំនួលខុសត្រូវខ្ពស់ផ្នែកសង្គម ។ ក្នុងដំណើរវិវត្តន៍ និងការរីកចម្រើនរបស់ខ្លួន អម្រឹត បន្តបំពេញបេសកកម្មក្នុងការផ្តល់សេវាហិរញ្ញវត្ថុដែលស្របតាមតម្រូវការចាំបាច់របស់អតិថិជន។