ស្ថិតក្នុងកាលៈទេសៈនៃជំងឺកូវីដ-19 ជាពិសេសស្ថិតក្នុងស្ថានភាពនៃការបិទខ្ទប់ភូមិសាស្ត្រមួយចំនួនក្នុងប្រទេសបាន ការនាំចូលនូវផលិតផលផ្នែកចំណីអាហារពីក្រៅប្រទេសកឲត្រូវបានកាត់បន្ថយ ដូច្នេះវាក៏ជាឱកាសដែលជំរុញឱ្យប្រជាពលរដ្ឋខ្មែរងាកមកគាំទ្រផលិតផលក្នុងស្រុក ជាពិសេសប្រភេទអាហារយុទ្ធសាស្ត្រមួយចំនួនដែលអាចរក្សាទុកបានយូរដូចជា ប្រហិត សាច់ក្រក ត្រីងៀតជាដើម ពីសិប្បកម្មក្នុងស្រុក។
អ្នកស្រី សម គន្ធា ជាម្ចាស់សិប្បកម្មផលិតប្រហិតគន្ធា មានទីតាំងស្ថិតនៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញបានលើកឡើងថា សម្រាប់ផលិតផលផ្នែកចំណីអាហារដែលត្រូវបានផលិតឡើងនៅក្នុងស្រុកមិនមែនសុទ្ធតែមិនល្អនោះទេ ពោលគឺគុណភាព សុវត្ថិភាព និងអនាម័យគឺមានភាពប្រហាក់ប្រហែលគ្នាទៅនឹងផលិតផលនាំចូលពីក្រៅស្រុកដែរ ប៉ុន្តែទាស់ត្រង់ថា ពលរដ្ឋខ្មែរភាគច្រើនមិនសូវឱ្យតម្លៃតែប៉ុណ្ណោះ។
អ្នកស្រីបានបញ្ជាក់ប្រាប់ AMS ថា ៖
“ខ្ញុំបានចាប់ផ្ដើមអាជីវកម្មដោយការបើកសិប្បកម្មធ្វើប្រហិត សាច់ក្រកនេះតាំងពីឆ្នាំ2016 ដោយសារតែនៅក្នុងគ្រួសារខ្ញុំភាគច្រើនជាអ្នកចូលចិត្តទទួលទានស្រាប់ ហើយចង់ផ្តល់ជូនបន្តទៅដល់អតិថិជនក្នុងស្រុកនូវប្រហិតដែលមានគយណភាព និងរសជាតិឆ្ងាញ់ មិនមែនមានតែរបស់នាំចូលនោះទេ។ កាលពីដំបូងឡើយ មានមនុស្សច្រើនណាស់ជំរុញឱ្យខ្ញុំឈប់ធ្វើអាជីវកម្មមួយនេះ ដោយសារតែវាជាមុខរបរមួយដែលពិបាកប្រកួតប្រជែងក្នុងទីផ្សារ ពិបាកធ្វើ ចំណេញតិច ប៉ុន្តែខ្ញុំនៅតែជំនះ និងបន្តធ្វើវារហូតមកដល់បច្ចុប្បន្នដោយសារខ្ញុំចង់ឱ្យប្រជាជនខ្មែរទទួលទានរបស់ណាដែលល្អមិនប៉ះពាល់ដល់សុខភាព”
អ្នកស្ត្រី សម គន្ធា បានរំលឹកឱ្យដឹងថា ដើមទុនដំបូងក្នុងការបង្កើតសិប្បកម្មមួយនេះត្រូវចំណាយប្រមាណ2ម៉ឺនដុល្លារ ក្នុងការរៀបចំម៉ាស៊ីនសម្រាប់ផលិត ហើយក្រោយមកក៏ចេះតែពង្រីកលទ្ធភាពផលិតជាបន្តបន្ទាប់ ដែលមកដល់បច្ចុប្បន្ន ផលិតផលនៅក្នុងសិប្បកម្មមួយនេះរួមមានដូចជា ប្រហិតសាច់គោ សាច់ក្រក ណែម ប៉ាតេ ងៀតគោ ងៀតក្របី ទឹកសៀង ទឹកត្រីជាដើម ដែលសុទ្ធតែជាផលិតផលដែលធ្វើឡើងដោយកូនខ្មែរ គិតគូរពីសុខភាពអ្នកទទួលទាន មានអនាម័យ និងតម្លៃសមរម្យ ក្រោមការទទួលស្គាល់ពីក្រសួងឧស្សាហកម្ម និងសិប្បកម្មយ៉ាងត្រឹមត្រូវ ។
អ្នកស្រីបានបន្តទៀតថា ៖
“បច្ចុប្បន្ននេះវត្ថុធាតុដើមឡើងថ្លៃទាំងអស់ តែខ្ញុំនៅតែបន្តផលិតជាធម្មតា ហើយដាក់លក់នៅលើទីផ្សារតម្លៃចាស់ដដែលមិនមានការដំឡើងថ្លៃនោះទេ ជាពិសេសនៅក្នុងអំឡុងពេលដែលស្ថិតនៅក្នុងស្ថានការប្រឈមនឹងវិបត្តិសេដ្ឋកិច្ចដែលបណ្តាលមកពីជំងឺឆ្លងកូវីដ-19 រហូតមានការបិទខ្ទប់រាជធានី ខេត្ត ក្រុង ក្នុងប្រទេសមួយចំនួន។ ក្នុងដំណាក់កាលពេលនេះ ពលរដ្ឋខ្មែរជាច្រើនកំពុងជួបបញ្ហាហិរញ្ញវត្ថុ បាត់បង់ចំណូល ដូច្នេះខ្ញុំគិតថា ខ្ញុំអត់មានសមត្ថភាពអីជួយប្រជាជនយើងបានទេ មានតែលក់អាហារក្រៀមចែកជូនពួកគាត់សម្រាប់ទទួលទានក្នុងតម្លៃសមរម្យ”
ពាក់ព័ន្ធទៅនឹងបច្ចេកទេសនៃការផលិត ដូចជាប្រហិតជាដើម ម្ចាស់សិប្បកម្មរូបនេះបានប្រាប់ឱ្យដឹងថា អ្នកស្រីបានរើសយកតែសាច់គោណាដែលស្រស់ៗថ្មីប៉ុណ្ណោះមកធ្វើ ដោយគេត្រូវកប់ក្នុងទឹកកក ហើយយកទៅកិន។ បន្ទាប់មកគេក្រឡុកឱ្យសាច់នោះស្វិតដាច់ទឹក លាយគ្រឿងផ្សំរសជាតិ ហើយដាក់ចូលម៉ាស៊ីនដើម្បីបំបែកជាដុំមូលៗ រួចគេយកវាទៅត្រាំទឹកក្ដៅ។ ក្រោយមកទៀតគេយកវាទៅស្ងោរឱ្យឆ្អិន ហើយស្រង់វាយកមកស្រុះទឹកម្ដងទៀត ទើបសម្ងួតឱ្យស្ងួត និងធ្វើការវិចខ្ចប់ជាការស្រេច។ នេះជាដំណើរការផលិតប្រហិតសាច់គោនៅក្នុងសិប្បកម្មគន្ធា ដោយឡែសម្រាប់ផលិតផលដទៃទៀតក៏សុទ្ធសឹងតែបានត្រូវផលិតជាច្រើនដំណាក់កាល ក្រោយការយកចិត្តទុកដាក់ផ្នែកគុណភាព សុវត្ថិភាព និងអនាម័យដូចគ្នា។
ដោយឡែកចំពោះបរិមាណក្នុងការផលិត អ្នកស្រីបានប្រាប់ទៀតថា ក្នុងមួយថ្ងៃសិប្បកម្មគន្ធាផលិតប្រហិតចាប់ពី50-100គីឡូក្រាម ឬច្រើនជាងនេះអាស្រ័យលើការបញ្ជាទិញរបស់អតិថិជន។ អតិថិជនរបស់សិប្បកម្មនេះមាននៅគ្រប់មជ្ឈដ្ឋាន ទាំងអ្នកទិញយកទៅទទួលទានជាលក្ខណៈគ្រួសារ អ្នកទិញយកទៅលក់បន្តនៅតាមបណ្តាហាង និងផ្សារទំនើប និងនៅតាមបណ្តាអាហារដ្ឋានតូចធំជាច្រើនទៀត។
គួរបញ្ជាក់ថា នៅក្នុងស្ថានការនាពេលបច្ចុប្បន្ន សិប្បកម្មផលិតប្រហិតគន្ធា បានបង្កើតផលិតភាពក្នុងការផលិតយ៉ាង មមាញឹកដោយសារបងប្អូនប្រជាពលរដ្ឋខ្មែរត្រូវការអាហារបម្រុងទុកច្រើន ប៉ុន្តែអ្វីដែលជាឧបសគ្គ គឺបញ្ហាខ្លះខាតសាច់ដែលជាវត្ថុធាតុដើមដ៏សំខាន់ ក៏ដូចជាផលលំបាកក្នុងការដឹកជញ្ជូនទៅកាន់ទីផ្សារគោលដៅដោយសារការបិទខ្ទប់ភូមិសាស្ត្រ។ យ៉ាងណាក៏អ្នកស្រីសូមអរគុណដល់អតិថិជនដែលតែងតែគាំទ្រផលិតផលខ្មែរដែលមានគុណភាព មិនបង្កផលប៉ះពាល់ដល់សុខភាព ហើយក៏ជាការចូលរួមលើកម្ពស់កិច្ចគាំទ្រផលិតក្នុងស្រុកបានមួយចំណែកធំផងដែរ៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
បណ្តាញផ្លូវដែកចិនបំបែកកំណត់ត្រាថ្មី ដោយមានអ្នកដំណើរជាង ៤ ពាន់លានដងក្នុងឆ្នាំ ២០២៦
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត
• 19/11/2026

CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា
ព្រឹត្តិការណ៍, អត្ថបទពាណិជ្ជកម្ម
• 21/11/2026
ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា
ព្រឹត្តិការណ៍, អាជីវកម្មថ្មី និងនវានុវត្ត
• 21/11/2026
ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 20/11/2026
ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 20/11/2026
បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 20/11/2026
ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!
ព្រឹត្តិការណ៍, អត្ថបទពាណិជ្ជកម្ម
• 20/11/2026
ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ
[ads-global layout_id=6 position_id=2 ads_size=2]





វិថីហិរញ្ញវត្ថុ





















































Account
Security
Favourite Content