សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទីភ្នាក់ងារសហប្រតិបត្តិការអន្តរជាតិជប៉ុន (JICA ឬចៃកា) បានចុះហត្ថលេខាផ្តល់កម្ចីហិរញ្ញប្បទាន ជាមួយធនាគារអេស៊ីលីដា ក្នុងទឹកប្រាក់ចំនួន ១៣៥ លានដុល្លារអាមេរិក ដើម្បីលើកស្ទួយការប្រើប្រាស់សេវាកម្មហិរញ្ញវត្ថុឱ្យកាន់តែសកម្មនៅតាមជនបទ ដោយជួយសម្រួលការផ្តល់កម្ចីដល់កសិករ និងសហគ្រាសធុនតូចនិងមធ្យមក្នុងវិស័យកសិកម្ម។
ការផ្តល់នេះ ដែលធ្វើឡើងនៅទីស្នាក់ការកណ្តាលនៃធនាគារអេស៊ីលីដា ក្រុងភ្នំពេញ កាលពីចុងខែឧសភា ឆ្នាំ ២០២២ កន្លងមកនេះ ដែលជាសហហិរញ្ញប្បទានរវាង JICA និងធនាគារ SMBC ដែលមានគោលបំណងលើកស្ទួយការប្រើប្រាស់សេវាកម្មហិរញ្ញវត្ថុឱ្យកាន់តែសកម្មនៅតាមជនបទ ដោយជួយសម្រួលការផ្តល់កម្ចីដល់កសិករ និងសហគ្រាសធុនតូច និងមធ្យម ក្នុងវិស័យកសិកម្ម តាមរយៈធនាគារអេស៊ីលីដា ។
វិស័យកសិកម្មដើរតួនាទីយ៉ាងសំខាន់ក្នុងសេដ្ឋកិច្ចនៅប្រទេសកម្ពុជា ដែលចំណែកប្រមាណ ២០% នៃផលិតផលក្នុងស្រុកសរុប និង ៣០% នៃអត្រាការងារសរុប។ ម្យ៉ាងវិញទៀត លទ្ធភាពទទួលបានហិរញ្ញប្បទានក្នុងវិស័យកសិកម្មត្រូវបានកំណត់ត្រឹមប្រហែល ៩% នៃចំនួនប្រាក់កម្ចីសរុបក្នុងប្រទេស ហើយជាងពាក់កណ្តាលនៃចំនួនកសិករសរុបមិនទាន់ទទួលបានហិរញ្ញវត្ថុ។ ប្រហែល ៩០% នៃប្រជាជនក្រីក្ររបស់កម្ពុជារស់នៅក្នុងតំបន់ជនបទ ដែលក្នុងនោះប្រជាជនប្រហែល ៨០% ប្រកបរបរកសិកម្ម ហើយប្រាក់ចំណូលនៅក្នុងតំបន់ទាំងនេះមានត្រឹមតែប្រហែល ៥០-៦០% នៃប្រជាជននៅក្នុងទីក្រុង ដែលបង្កើតឱ្យមានវិសមភាពសេដ្ឋកិច្ច។
កម្ចីនេះនឹងរួមចំណែកធ្វើឱ្យប្រសើរឡើងនូវលទ្ធភាពទទួលបានហិរញ្ញប្បទានសម្រាប់កសិករនៅតាមជនបទតាមរយៈធនាគារអេស៊ីលីដា ដែលជាគ្រឹះស្ថានហិរញ្ញវត្ថុដែលមានសមតុល្យប្រាក់កម្ចីធំបំផុតក្នុងវិស័យកសិកម្មនៅកម្ពុជា។ ប្រាក់កម្ចីនេះមានគោលបំណងចូលរួមចំណែកដល់កំណើនសេដ្ឋកិច្ចប្រកបដោយចីរភាពនៅកម្ពុជា ដោយគាំទ្រដល់ការពង្រីកការផ្តល់ប្រាក់កម្ចីដល់វិស័យកសិកម្ម ហើយនឹងរួមចំណែកដល់គោលដៅការអភិវឌ្ឍប្រកបចីរភាព (SDGs) ដោយគ្មានភាពក្រីក្រ ភាពអត់ឃ្លានក្រោមសូន្យ សមភាពយេនឌ័) និង ភាពមានការងារសមរម្យនិងកំណើនសេដ្ឋកិច្ច)។ គួរសម្គាល់ផងដែរថា កម្ចីហិរញ្ញប្បទាននេះគឺជាគម្រោងទី១ក្រោមកម្មវិធីហិរញ្ញប្បទានវិនិយោគវិស័យឯកជនរបស់ JICA ក្នុងវិស័យកសិកម្ម នៅក្នុងប្រទេសកម្ពុជា។ JICA សង្ឃឹមថា គម្រោងនេះនឹងជួយលើកស្ទួយដល់ផលិតកម្មកសិកម្ម បង្កើនចំណូលរបស់ប្រជាកសិករ លើកស្ទួយសហគ្រិនភាពជាស្រ្តីក្នុងវិស័យកសិកម្ម និងការអភិវឌ្ឍសេដ្ឋកិច្ចសង្គមនៅប្រទេសកម្ពុជា តាមរយៈការជួយសម្រួលដល់ការផ្តល់កម្ចីពីធនាគារក្នុងវិស័យកសិកម្ម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content