សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បង់ក្លាដេស ត្រូវបានគេស្គាល់ថាជាប្រទេសដែលទទួលរងគ្រោះខ្លាំងជាងគេនូវចំពោះមុខលើបញ្ហាបម្រែបម្រួលអាកាសធាតុរបស់ពិភពលោកដោយជារៀងរាល់ឆ្នាំផ្ទៃដីដល់ទី១ភាគ៤នៃប្រទេសត្រូវបានលិចលង់ដោយសារទឹកជំនន់ និងធ្វើឲ្យបាត់បង់ជីវិតមនុស្ស រួមទាំងសត្វជាច្រើនផងដែរ។
ក្រៅតែផលប៉ះពាល់ជារៀងរាល់ឆ្នាំហើយនោះ អ្នកជំនាញបានព្យាករណ៍ទុកថានៅឆ្នាំ២០៥០ខាងមុខនេះ បង់ក្លាដេស នឹងអាចបាត់បង់ផ្ទៃដីដល់ទៅ១៧ភាគរយចូលទៅក្នុងទឹកថែមទៀតផងដែលវានឹងធ្វើឲ្យផលិតភាពក្នុងការបង្កបង្កើនផលរបស់ប្រទេសនឹងបាត់បង់រហូតទៅដល់៣០ភាគរយនៅក្នុងពេលជាមួយគ្នានេះ។
មានដំណោះស្រាយជាច្រើនដែលបានកំពុងដំណើរការ និងសាកល្បងដើម្បីអាចផ្តល់ក្តីសង្ឃឹមឡើងវិញជូនកសិករជនជាតិបង់ក្លាដេសដែល កំពុងព្រួយបារម្ភចំពោះបញ្ហាដ៏សំខាន់មួយនេះ ពោលគឺមិនត្រឹមតែចំពោះពួកគេនៅពេលបច្ចុប្បន្នឡើយ ថែមទាំងចំពោះកូនចៅរបស់ពួកគេនៅជំនាន់ក្រោយៗទៀតផង។
មួយក្នុងចំណោមកិច្ចខិតខំទាំងនោះ កសិករបង់ក្លាដេសបានធ្វើឲ្យអ្នកជំនាញ និងអ្នកពាក់ព័ន្ធជាច្រើនមានការភ្ញាក់ផ្អើលយ៉ាងខ្លាំងចំពោះ ការប្រើប្រាស់បច្ចេកទេសគួរឲ្យចាប់អារម្មណ៍មួយតាមរយៈការបន្តធ្វើចំការដំណាំបែបបណ្តែតទឹក។ បច្ចេកទេសអាចផ្តល់ទិន្នផលបានច្រើនជាងការធ្វើកសិកម្មផ្ទាល់នឹងដីទៀតពីព្រោះថា «ចំការបណ្តែតទឹក» គឺជាចំការដែលមានទឹកគ្រប់គ្រាន់ និងសារធាតុចិញ្ចឹមដ៏ច្រើនរួចជាស្រេចដែលមានពីធម្មជាតិ។
ទោះបីជាយ៉ាងណាក្តីបច្ចេកវិទ្យា «ចំការបណ្តែតទឹក» នេះគឺមិនមែនជារឿងថ្មីនោះឡើយ ពីព្រោះវាគឺជាវិធីសាស្ត្រដែលកសិករបង់ក្លាដេសធ្លាប់បានអនុវត្តអស់រយៈពេលជាច្រើនសតវត្សរ៍មកហើយ ជាពិសេសនៅក្នុងតំបន់ដែលឧស្សាហ៍កើតមានទឹកជំនន់។
ការរៀបចំ «ចំការបណ្តែតទឹក» មានភាពងាយស្រួលដោយកសិករកាត់យកដើមកំប្លោកចាស់ៗយ៉ាងច្រើនទៅគរពីលើគ្នាកំរាស់ដល់ទៅ១ម៉ែត្រចូលទៅក្នុងទឹកដើម្បីអាចបង្កើតបានទៅជាក្បួនដែលអាចអណ្តែតលើទឹក ហើយក៏ជាទីកន្លែងដែលអាចឲ្យពួកគេធ្វើការដាំដុះនៅពីលើនោះបានតែម្តង។ ចំការបណ្តែតទឹករបស់បង់ក្លាដេសអាចនឹងក្លាយទៅជាគំរូធ្វើកសិកម្មថ្មីសម្រាប់បណ្តាប្រទេស និងតំបន់ផ្សេងទៀតលើពិភពលោកដែលកំពុងជួបបញ្ហាទឹកជំនន់ ឬខ្វះខាតដីដាំដំណាំពីព្រោះថាចំការបែបនេះអាចធ្វើការដាំដុះបានបន្លែដំណាំច្រើនប្រភេទរួមទាំងត្រសក់ល្ពៅ និងល្ហុងទៀតផង៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content